ഈയാഴ്‌ച നിങ്ങള്‍ക്കെങ്ങിനെ?

അശ്വതി: ആരോഗ്യപരമായി വാരം അനുകൂലമല്ല, മനഃസംഘര്‍ഷം അധികരിക്കും. ജോലിയില്‍ ശ്രദ്ധ കുറയും. ജോലി തേടിയുള്ള യാത്രകള്‍ നടത്തും. മോഷണം പോയ മുതല്‍ തിരികെക്കിട്ടും. കാലാവസ്‌ഥാജന്യ രോഗസാധ്യത, കടം നല്‌കിയിരുന്ന പണം തിരികെ ലഭിക്കും. കര്‍മരംഗത്ത്‌ മാറ്റം.

ഭരണി: ധനപരമായ നേട്ടങ്ങള്‍, കടബാധ്യത കുറയ്‌ക്കുവാന്‍ സാധിക്കും, വ്യാപാര രംഗത്ത്‌ നേട്ടം. വിവാഹ കാര്യത്തില്‍ ബന്ധുജന സഹായം, മത്സരപരീക്ഷകളില്‍ വിജയം. അകന്നു കഴിഞ്ഞിരുന്ന ദമ്പതികളുടെ പിണക്കം അവസാനിക്കും. പുതിയ ജോലിയില്‍ പ്രവേശിക്കുവാന്‍ യോഗം.

കാര്‍ത്തിക: വിദേശത്തുനിന്ന്‌ നാട്ടില്‍ തിരികെയെത്തും, ആരോഗ്യ വിഷമതകള്‍, ഔഷധസേവ വേണ്ടിവരും. ധൃതിപിടിച്ചുള്ള തീരുമാനം മൂലം സാമ്പത്തികനഷ്‌ടം, വ്യാപാരരംഗത്ത്‌ തടസ്സങ്ങള്‍, ബന്ധുജനവിരോധം, സ്വകാര്യ സ്‌ഥാപനത്തില്‍ ജോലി ചെയ്യുന്നവര്‍ക്ക്‌ പ്രതിബന്ധങ്ങള്‍.

രോഹിണി: സ്വഗൃഹം വെടിഞ്ഞു താമസിക്കേണ്ടിവരും, സുഹൃത്തുക്കള്‍ സഹായിക്കും, പൊതുവില്‍ സന്തോഷ വര്‍ധന, തൊഴില്‍ രംഗത്ത്‌ അനുകൂല മാറ്റങ്ങള്‍. ഭാവികാര്യത്തില്‍ ഉചിതമായ തീരുമാനം, ഒന്നിലധികം തവണ യാത്രകള്‍ വേണ്ടിവരും, വിവാഹാലോചനയില്‍ പുരോഗതി.

മകയിരം: ആരോഗ്യവിഷമതകള്‍ നേരിടും. പണച്ചെലവധികരിക്കും. അടുത്തു പെരുമാറിയിരുന്നവരുമായി ഭിന്നത. സന്താനങ്ങള്‍മൂലം ബുദ്ധിമുട്ടനുഭവിക്കും, ഉദ്യോഗാര്‍ഥികള്‍ക്ക്‌ നിയമന ഉത്തരവുകള്‍ ലഭിക്കാം, തൊഴില്‍രംഗം പുഷ്‌ടിപ്പെടും.

തിരുവാതിര: ദീര്‍ഘദൂര യാത്രകള്‍ വേണ്ടിവരും, വാഹനത്തിന്‌ അറ്റകുറ്റപ്പണികള്‍, യാത്രാവേളകളില്‍ ധനനഷ്‌ടം, വ്യവഹാരങ്ങളില്‍ തിരിച്ചടികള്‍. ദാമ്പത്യജീവിതത്തില്‍ ചെറിയ പ്രശ്‌നങ്ങള്‍, തൊഴില്‍രംഗത്ത്‌ നേട്ടങ്ങള്‍. സര്‍ക്കാര്‍ ജീവനക്കാര്‍ക്ക്‌ മേലുദ്യോഗസ്‌ഥരുടെ അപ്രീതി, പണമിടപാടുകളില്‍ നഷ്‌ടം.

പുണര്‍തം: ബിസിനസില്‍ നേരിയ എതിര്‍പ്പുകള്‍. അകന്നു കഴിഞ്ഞിരുന്ന സുഹൃത്തുക്കള്‍ ഒത്തുചേരും, തൊഴില്‍പരമായ നേട്ടമുണ്ടാകും, വാഹനത്തിന്‌ അറ്റകുറ്റപ്പണികള്‍ വേണ്ടിവരും. ആരോഗ്യപരമായ വിഷമതകള്‍, വിദ്യാര്‍ഥികള്‍ക്ക്‌ പ്രതികൂല സമയമാണ്‌.

പൂയം: വിവാഹാലോചനകളില്‍ തീരുമാനം കൈക്കൊള്ളും. യാത്രകള്‍ വേണ്ടിവരും. സഹോദ രങ്ങളെക്കൊണ്ടുള്ള അനുഭവഗുണം വര്‍ധിക്കും, ബിസിനസ്സില്‍ നേട്ടങ്ങള്‍, അനാവശ്യ ചിന്തകള്‍ മനസ്സിനെ അലട്ടും. സഞ്ചാരക്ലേശം വര്‍ധിക്കും. കടബാധ്യത കുറയ്‌ക്കുവാന്‍ സാധിക്കും.

ആയില്യം: മംഗള കര്‍മ്മങ്ങളില്‍ സംബന്ധിക്കും. കര്‍മ്മ രംഗത്ത്‌ എതിര്‍പ്പുകള്‍, സുഹൃത്തുക്കളുമായി അകല്‍ച്ചയ്‌ക്കു സാധ്യത. തൊഴില്‍പരമായ അവസരനഷ്‌ടം. ഭൂമി, വീട്‌ ഇവ വാങ്ങുവാനുള്ള അഡ്വാന്‍സ്‌ നല്‍കും, മാതാവിന്‌ അരിഷ്‌ടത. ബിസിനസില്‍ അവിചാരിത ധനനഷ്‌ടം.

മകം: കാര്യവിഘ്‌നം, തൊഴില്‍പരമായ അധിക യാത്രകള്‍, രോഗദുരിതത്തില്‍ ശമനം, പൂര്‍വിക സ്വത്തിന്റെ ലാഭം. അപവാദം പ്രചരിപ്പിച്ച്‌ പഴി കേള്‍ക്കേണ്ടിവരും, അടുത്ത സുഹൃത്തുക്കള്‍വഴി ധന സഹായം, സന്താനങ്ങളുടെ വിവാഹ കാര്യത്തില്‍ തീരുമാനം.

പൂരം: സുഹൃത്തുക്കളുടെ പെരുമാറ്റം അനുകൂലമായിരിക്കില്ല, തൊഴില്‍രംഗത്ത്‌ പ്രശ്‌നങ്ങള്‍ ഉണ്ടാകും. പണമിടപാടുകളില്‍ കൃത്യത പുലര്‍ത്തും, അന്യരില്‍നിന്നുള്ള സഹായം ലഭിക്കും, ഉദ്ദിഷ്‌ട കാര്യങ്ങളില്‍ വിഘ്‌നം, കൂടുതലായി സഞ്ചരിക്കും. പെട്ടെന്നുള്ള തീരുമാനങ്ങളില്‍ അബദ്ധങ്ങള്‍ സംഭവിക്കാം.

ഉത്രം: ദേഹസുഖം കുറഞ്ഞിരിക്കും. സുഹൃത്തുക്കള്‍ക്കായി പണം മുടക്കും, മംഗള കര്‍മങ്ങളില്‍ സംബന്ധിക്കുവാന്‍ യാത്രകള്‍, സാമ്പത്തികമായി വിഷമതകള്‍ നേരിടും, പണം നല്‍കാനുള്ളവരില്‍നിന്ന്‌ അകന്നുനില്‍ക്കും, സന്താനങ്ങള്‍ക്ക്‌ അരിഷ്‌ടത. അവര്‍ക്ക്‌ ഔഷധ സേവ വേണ്ടിവരും.

അത്തം: സാമ്പത്തിക വിഷമതകള്‍ ശമിക്കും, സര്‍ക്കാരില്‍നിന്നുള്ള ആനുകൂല്യങ്ങള്‍ ലഭിക്കും. ലോട്ടറിയില്‍നിന്ന്‌ ചെറിയ സാമ്പത്തിക ലാഭം, ബിസിനസില്‍ നേട്ടം. കടങ്ങള്‍ കുറയ്‌ക്കും, സുഹൃദ്‌ സഹായം വര്‍ധിക്കും. തൊഴില്‍പരമായ നേട്ടങ്ങള്‍.
ചിത്തിര: പുതിയ ജോലികള്‍ ലഭിക്കും, സന്താനങ്ങള്‍ക്കായി പണച്ചെലവുണ്ടാകും. തടസങ്ങള്‍ മാറി കാര്യപുരോഗതിയുണ്ടാകും, പുതിയ ഗൃഹോപകരണങ്ങള്‍ വാങ്ങും, വിവാഹ തീരുമാനമെടുക്കും, പുണ്യസ്‌ഥല സന്ദര്‍ശനം നടത്തും, യാത്രയ്‌ക്കായി പണച്ചെലവ്‌, ത്വഗ്‌രോഗ സാധ്യത.

ചോതി: കുടുംബസമേത യാത്രകള്‍ നടത്തും, ഭൂമിയില്‍നിന്നുള്ള ധനലാഭം, അയല്‍വാസികളുടെ സഹായം ലഭിക്കും. സന്താനങ്ങള്‍ക്ക്‌ പുരോഗതി, പുതിയ കോഴ്‌സുകളില്‍ പ്രവേശനം ലഭിക്കും, വിശ്രമം കുറയും, വിദേശത്തുനിന്ന്‌ തിരികെ നാട്ടിലെത്തും.

വിശാഖം: തൊഴില്‍സംബന്ധമായ യാത്രകള്‍ വേണ്ടിവരും, ആരോഗ്യ കാര്യത്തില്‍ ശ്രദ്ധ കുറയും, സന്താനങ്ങളുടെ വിദ്യാഭ്യാസത്തിനായി പണച്ചെലവ്‌, അനാവശ്യ മാനസിക ഉത്‌ക്കണ്‌ഠ, ഗൃഹസുഖം കുറയും, പ്രവര്‍ത്തന വിജയം കൈവരിക്കും. ആഹാര കാര്യത്തില്‍ ശ്രദ്ധ കുറയും.

അനിഴം: മുതിര്‍ന്ന കുടുംബാംഗങ്ങള്‍ക്ക്‌ അരിഷ്‌ടത, സഞ്ചാരക്ലേശം അനുഭവിക്കും. പുണ്യസ്‌ഥലങ്ങള്‍ സന്ദര്‍ശിക്കും. വിദേശജോലിക്കുള്ള ശ്രമത്തില്‍ വിജയിക്കും. യാത്രകള്‍വഴി നേട്ടം, കടങ്ങള്‍ വീട്ടുവാന്‍ സാധിക്കും. വിവാഹം വാക്കുറപ്പിക്കും.

തൃക്കേട്ട: പൂര്‍വിക സ്വത്തിന്റെ നേട്ടമുണ്ടാകും, തൊഴില്‍രംഗത്ത്‌ അന്യരുടെ ഇടപെടല്‍, ആരോഗ്യ പരമായ പുരോഗതി, തൊഴിലില്‍ അനുകൂലമായ സാഹചര്യം. പ്രവര്‍ത്തന വിജയം കൈവരിക്കും .സാഹസിക പ്രവര്‍ത്തനങ്ങള്‍ നടത്തും. വാഹനങ്ങള്‍ കൈകാര്യം ചെയ്യുമ്പോള്‍ ശ്രദ്ധിക്കുക.

മൂലം: ശാരീരികവും മാനസികവുമായ വിഷമതകള്‍, സാമ്പത്തിക വിഷമതകള്‍ മറികടക്കുവാന്‍ പണം കടം വാങ്ങും. പ്രധാന തീരുമാനങ്ങള്‍ മാറ്റിവയ്‌ക്കേണ്ടി വരും, തൊഴിലന്വേഷണങ്ങള്‍ വിജയം കാണില്ല. വിദേശതൊഴില്‍ നഷ്‌ടപ്പെടുവാന്‍ സാധ്യത, ദാമ്പത്യപ്രശ്‌നങ്ങള്‍.

പൂരാടം: ഭവനത്തില്‍ അറ്റകുറ്റപ്പണികള്‍ വേണ്ടിവരും, പൊതുരംഗത്ത്‌ പ്രശസ്‌തി വര്‍ധിക്കും. സുഹൃദ്‌ സഹായം വര്‍ധിക്കും. മുടങ്ങിക്കിടന്ന ഗൃഹ നിര്‍മാണത്തില്‍ പുരോഗതി. സഹപ്രവര്‍ത്തകര്‍, അയല്‍വാസികള്‍ എന്നിവരില്‍നിന്ന്‌ സഹായം, മനസ്സിനെ അനാവശ്യ ചിന്തകള്‍ അലട്ടും. യാത്രകള്‍ വേണ്ടിവരും

ഉത്രാടം: സന്താനങ്ങള്‍ക്ക്‌ ഉന്നതവിജയം, ഇരുചക്ര വാഹനം ഉപയോഗിക്കുമ്പോള്‍ ശ്രദ്ധിക്കുക. അവിചാരിത ധനലാഭം. അടുത്ത ബന്ധുക്കളുമായി നിലനിന്നിരുന്ന പിണക്കം അവസാനിക്കും, ബന്ധുക്കളുമായി ചേര്‍ന്ന്‌ പുതിയ പദ്ധതികള്‍ ആസൂത്രണം ചെയ്‌ത് വിജയിപ്പിക്കും.

തിരുവോണം: തൊഴില്‍പരമായ മാറ്റങ്ങള്‍. സര്‍ക്കാരില്‍നിന്നുള്ള ആനുകൂല്യങ്ങള്‍ ലഭിക്കും. അടുത്ത സുഹൃത്തുക്കള്‍ക്ക്‌ രോഗദുരിത സാധ്യത, പണമിടപാടുകളില്‍ കൃത്യത പുലര്‍ത്തുവാന്‍ സാധിക്കുകയില്ല, പരീക്ഷാ വിജയം. സര്‍ക്കാര്‍ രേഖകള്‍ ലഭിക്കും.

അവിട്ടം: തൊഴില്‍പരമായ അലച്ചില്‍, ഉദര രോഗ സാധ്യത, ബിസിനസില്‍ ധനലാഭം, തൊഴില്‍ഭാരം മൂലം മനഃസംഘര്‍ഷം, ബന്ധുജന സന്ദര്‍ശനം. ഔഷധസേവ വേണ്ടിവരും, വ്യവഹാരങ്ങളില്‍ ഏര്‍പ്പെടും. സര്‍ക്കാര്‍ ഓഫീസുകളുമായി ബന്ധപ്പെട്ട്‌ കാര്യസാധ്യം.

ചതയം: നിക്ഷേപങ്ങളില്‍നിന്നുള്ള ധനലാഭം പ്രതീക്ഷിക്കാം, വിവാഹ തീരുമാനമെടുക്കും, സ്വഭവനം വിട്ട്‌ ദൂരയാത്ര വേണ്ടിവരും. മാനസികമായ വിഷമതകളില്‍നിന്ന്‌ വിടുതല്‍, തൊഴില്‍പരമായ മാറ്റങ്ങള്‍, ബിസിനസില്‍ നേട്ടങ്ങള്‍. ഭൂമി, വാഹന വില്‍പ്പനവഴി ധനലാഭം.

പൂരൂരുട്ടാതി: ഉദരരോഗ സാധ്യത, സുഹൃത്തുക്കളുമായി അഭിപ്രായ ഭിന്നത, പൊതുപ്രവര്‍ത്തനത്തില്‍ ചെറിയ തിരിച്ചടികള്‍. വിദ്യാര്‍ഥികള്‍ക്ക്‌ ഉപരിപഠനത്തിന്‌ അവസരമൊരുങ്ങും, കടങ്ങള്‍ വീട്ടുവാന്‍ സാധിക്കും, മനസില്‍ സംഘര്‍ഷം അധികരിച്ചിരിക്കും.

ഉത്രട്ടാതി: ധനപരമായി വാരം അനുകൂലം, തുടങ്ങിവച്ച പ്രവര്‍ത്തനങ്ങളില്‍ വിജയം, സാമ്പത്തിക പ്രതിസന്ധി മറികടക്കും. പ്രണയബന്ധങ്ങളില്‍ വിജയം, ഉടമ്പടികളില്‍ ഒപ്പിടും, ഭൂമി ക്രയവിക്രയത്തിന്‌ തീരുമാനമെടുക്കും. തൊഴില്‍ പരമായ നേട്ടങ്ങള്‍.

രേവതി: അടുത്ത ബന്ധുക്കളില്‍നിന്നുള്ള സഹായ ലാഭം, ആരോഗ്യവിഷമതകള്‍ ശമിക്കും. പ്രവര്‍ത്തനങ്ങള്‍ക്ക്‌ മേലുദ്യോഗസ്‌ഥരുടെ അംഗീകാരം, ഭക്ഷണത്തില്‍ നിന്ന്‌ അലര്‍ജി സാധ്യത. അടുത്ത ബന്ധുക്കളില്‍ നിന്നുള്ള സഹായം ലഭിക്കും.

സജീവ്‌ ശാസ്‌താരം