വണ്ടർ വുമൺ 24 നു പ്രദർശനത്തിന്

പ്രേക്ഷകർ ആകാംഷയോടെ കാത്തിരുന്ന ഹോളിവുഡ് സിനിമ 'വണ്ടർ വുമൺ 1984' ഇന്ത്യയിൽ ഡിസംബർ 24 നു പ്രദർശനത്തിന് . ഇംഗ്ലീഷിന് പുറമെ ഹിന്ദി, തമിഴ് , തെലുങ്ക് ഭാഷകളിൽ മൊഴി മാറ്റം നടത്തിയിട്ടുണ്ട്.

പ്രശസ്ത ഇസ്രായേൽ നടിയും , മോഡലുമായ ഗാൽ ഗെദോത്‌ ടൈറ്റിൽ റോളിൽ അഭിനയിക്കുന്ന ചിത്രത്തിൽ ലോകത്തെ രക്ഷിക്കുമായെന്ന ദൗത്യമാണ് നായികക്കുള്ളത് . 2017 ൽ പുറത്തിറങ്ങിയ 'വണ്ടർ വുമൺ 1984' സിനിമയുടെ
തുടർച്ചയാണിത് .

സ്വർണ ചിറകുകൾ ധരിച്ചു , ആകാശത്തിലൂടെ ഇടിമിന്നൽ കണക്ക് പായുന്ന സാങ്കൽപ്പിക കഥാപാത്രം ഡയാന എന്ന വണ്ടർ വുമണിന് ഇക്കുറി രണ്ടു പ്രബല എതിരാളികളാണുള്ളത് . മാക്സ് ലോർഡ് എന്ന പുരുഷ
കഥാപാത്രവും, ചീറ്റ എന്ന സ്ത്രീ കഥാപാത്രവും. പെഡ്രോ പാസ്‌ക്കലും , ക്രിസ്റ്റിൻ വിഗുമാണ് യഥാക്രമം ഈ വേഷങ്ങൾ അവതരിപ്പിക്കുന്നു.

മുൻ ചിത്രങ്ങളിൽ മറഞ്ഞിരുന്നു സാഹസികത കാട്ടിയിരുന്നതിനു പകരം ഡയാന ഇക്കുറി ബുദ്ധിയും, ശക്തിയും , സാഹസികതയും നേരിട്ട് പുറത്തെടുത്തു ദുഷ്ട ശക്തികളിൽ നിന്ന് ലോകത്തെ രക്ഷിക്കുകയാണ്. സ്റ്റീവ് ട്രെവർ എന്ന പ്രേമ
ഭാജനമായി ക്രിസ് പൈൻ വേഷമിട്ടിരിക്കുന്നു. വാർണർ ബ്രദേഴ്‌സ് നിർമിച്ച ചിത്രം സംവിധാനം ചെയ്തത് പാറ്റി ജെൻകിൻസ് ആണ്.