വൈറലായി കരീന ധരിച്ച ചെരുപ്പ്; വില അറിഞ്ഞ് കണ്ണ് തള്ളി ആരാധകര്‍

ബോളിവുഡിന്റെ താരറാണി കരീന കപൂര്‍ തന്റെ രണ്ടാം കുഞ്ഞിന് ജന്മം നല്‍കാനുള്ള തയ്യാറെടുപ്പിലാണ്. ഫോഷന്‍ ലോകത്ത് എന്നും വേറിട്ട് നില്‍ക്കുന്ന ഒരു താരം കൂടിയാണ് കരീന. ഇപ്പോള്‍ നടി ധരിച്ച ഒരു ചെരുപ്പാണ് ഫാഷന്‍ ലോകത്തെ വലിയ ചര്‍ച്ചാ വിഷയം ആയിരിക്കുന്നത്. വീട്ടില്‍ നടത്തിയ ഹാലോവീന്‍ പാര്‍ട്ടിയിലാണ് വ്യത്യസ്ത രീതിയിലുള്ള ഒരു ചെരുപ്പ് ധരിച്ച് കരീനയെ കണ്ടത്.

ശ്രുതി സാഞ്ചെട്ടി ഡിസൈന്‍ ചെയ്ത ഗ്രേ നിറത്തിലുള്ള ഡ്രസ്സായിരുന്നു താരത്തിന്റ വേഷം. എന്നാല്‍ എല്ലാവരുടെയും ശ്രദ്ധ താരത്തിന്റെ ചരുപ്പിലായിരുന്നു. ഇറ്റാലിയന്‍ ആഡംബര ബ്രാന്‍ഡ് ബോറ്റേഗ വെനറ്റയില്‍ നിന്നുമുള്ളതാണ് ഈ ചെരിപ്പ്. ഇളം മഞ്ഞ നിറത്തിലുള്ള ചതുരാകൃതിയില്‍ ഉള്ളതാണ് ചെരുപ്പ്. വനേറ്റയുടെ ഐകോണിക് ബ്രെയ്ഡ് ഡിസൈലുള്ള ചെരിപ്പ് കാഴ്ചയില്‍ തീര്‍ത്തും വ്യത്യസ്തമാണ്. 1430 അമേരിക്കന്‍ ഡോളര്‍ (ഇന്ത്യന്‍ രൂപയില്‍ ഏകദേശം 1,06,600) ആണ് വില.