Sunday, August 18, 2019 Last Updated 57 Min 0 Sec ago English Edition
Todays E paper
Ads by Google
Saturday 14 May 2016 12.31 PM

ഭര്‍ത്താവിന് മറ്റു സ്ത്രീകളോട് താല്‍പര്യം; ഞാനെന്തുചെയ്യും?

uploads/news/2016/05/380/8.jpg

ഞാനൊരു വീട്ടമ്മയാണ്. എനിക്ക് 38 വയസും ഭര്‍ത്താവിന് 43 വയസുമാണ്. ഞങ്ങളുടെ വിവാഹം കഴിഞ്ഞിട്ട് 10 വര്‍ഷമായി. രണ്ടു കുട്ടികളുമുണ്ട്. ഭര്‍ത്താവിന് ഇപ്പോള്‍ സെക്‌സില്‍ താല്‍പര്യമില്ല. എന്നാല്‍ മറ്റ് സ്ത്രീകളെക്കുറിച്ച് ആവേശത്തോടെ സംസാരിക്കാറുണ്ട്. അവരുമായി ലൈംഗികബന്ധത്തിലേര്‍പ്പെടുന്നതിനെക്കുറിച്ചും പറയും. മുമ്പ് ഞങ്ങള്‍ പതിവായി ലൈംഗികബന്ധത്തിലേര്‍പ്പെടുമായിരുന്നു. ഇതു മൂലമാണോ ഭര്‍ത്താവിന് എന്നോടുള്ള താല്‍പര്യം കുറഞ്ഞത്. ഇപ്പോള്‍ മാസത്തിലൊരിക്കലാണ് ഞങ്ങള്‍ ശാരീരിക ബന്ധത്തിലേര്‍പ്പെടുന്നത്. എന്നാല്‍ എന്നോടുള്ള സ്‌നേഹത്തിന് യാതൊരു കുറവും ഇല്ല. ഭര്‍ത്താവിന്റെ ഈ സ്വഭാവം മാറ്റിയെടുക്കാന്‍ ഞാന്‍ എന്താണ് ചെയ്യേണ്ടത്?

മിസിസ്. പി.ജി മാനന്തവാടി

ഭാര്യാഭര്‍ത്താക്കന്മാര്‍ക്കിടയില്‍ ചിലപ്പോഴൊക്കെ ലൈംഗിക താല്‍പര്യം കുറഞ്ഞു പോകുന്നതായി കാണാറുണ്ട്. വിവാഹ ജീവിതം തുടങ്ങി കുറേ നാളുകള്‍ കഴിയുമ്പോഴും കുട്ടികള്‍ ഉണ്ടാകുമ്പോഴും കുട്ടികള്‍ മുതിര്‍ന്നു കഴിയുമ്പോഴുമൊക്കെ ദമ്പതിമാരില്‍ ലൈംഗിക താല്‍പര്യക്കുറവ് പ്രകടമായി കാണാം. ഇത്തരം സന്ദര്‍ഭങ്ങളില്‍ നിര്‍ബന്ധമായും കുറച്ചു നേരമെങ്കിലും പങ്കാളിയോടൊത്ത് സമയം ചെലവഴിക്കാന്‍ നാം പ്രത്യേകം ശ്രദ്ധിക്കണം. ലൈംഗിക ഇഷ്ടാനിഷ്ടങ്ങള്‍ തുറന്നു പറയുകയും ലൈംഗികതയില്‍ പുതിയ രീതികള്‍ പരീക്ഷിക്കുകയും വേണം. പുതുമകള്‍ കണ്ടെത്തിയുള്ള ലൈംഗിക ജീവിതത്തിന് ആസ്വാദ്യത കൂടും. മാത്രമല്ല വിരസത ഉണ്ടാവുകയുമില്ല. ഇപ്പോള്‍ നിങ്ങള്‍ മാസത്തിലൊരിക്കാണല്ലോ ലൈംഗിക ബന്ധത്തിലേര്‍പ്പെടുന്നത്. അതു പോരാ. ആഴ്ചയിലൊരിക്കലെങ്കിലും ലൈംഗിക ബന്ധത്തിലേര്‍പ്പെടാന്‍ പ്രത്യേകം ശ്രദ്ധിക്കണം. ഭാര്യാ ഭര്‍ത്താക്കന്മാര്‍ തമ്മിലുള്ള അഭിപ്രായ വ്യത്യാസങ്ങള്‍ ലൈംഗിക ജീവിതത്തെ സാരമായിബാധിക്കുന്നത് കാണാറുണ്ട്. അഭിപ്രായവ്യത്യാസങ്ങളും ഇഷ്ടക്കേടുകളും ഉള്ളപ്പോഴാണ് മറ്റ് സ്ത്രീകളെക്കുറിച്ചുള്ള പരാമര്‍ശങ്ങള്‍പോലും കടന്നു വരുന്നത്. അതിനാല്‍ നിങ്ങള്‍ തമ്മിലുള്ള സ്‌നേഹബന്ധം ദൃഢമാക്കുകയും ലൈംഗികതയില്‍ പുതുമകള്‍ കണ്ടെത്തുകയും ചെയ്യുക.

Ads by Google
Saturday 14 May 2016 12.31 PM
YOU MAY BE INTERESTED
Ads by Google
Loading...
LATEST NEWS
TRENDING NOW