Tuesday, August 13, 2019 Last Updated 0 Min 37 Sec ago English Edition
Todays E paper
Ads by Google
Tuesday 13 Aug 2019 11.06 AM

വെള്ളപ്പൊക്കത്തിന് ശേഷം കിണറിലെ മലിനമായ ജലം ശുദ്ധമാക്കാന്‍ ചെയ്യേണ്ടത്

viral fb post

വെള്ളപ്പൊക്കത്തിന് ശേഷം ജനങ്ങള്‍ അനുഭവിക്കുന്ന വലിയ പ്രശ്‌നങ്ങളില്‍ ഒന്നാണ് കിണറിലെ ജലം മലിനമാകുന്നത്. കുടിക്കാന്‍ പോയിട്ട് മറ്റൊരു കാര്യത്തിനും വെള്ളപ്പൊക്കത്തിന് തൊട്ട ്പുറകെ ജലം ഉപയോഗിക്കാനാവില്ല. ഇത്തരത്തിലുള്ള കിണറുകളിലെ ജലം എങ്ങനെ ശുദ്ധീകരിച്ച് എടുക്കാമെന്നാണ് സുരേഷ് സി പിള്ള എന്നയാള്‍ ഫേസ്ബുക്ക് കുറിപ്പിലൂടെ പറയുന്നത്.

ഫേസ്ബുക്ക് കുറിപ്പ്

വെള്ളപ്പൊക്കം ഉണ്ടായ സ്ഥലങ്ങളില്‍ കിണര്‍ പൂര്‍ണ്ണമായോ, ഭാഗികമായോ മലിനമാകാന്‍ (contaminate) സാധ്യത ഉണ്ട്.

കക്കൂസ് മാലിന്യങ്ങള്‍, ഓടവെള്ളം, പക്ഷി മൃഗാദികളുടെ വിസര്‍ജ്ജ്യങ്ങള്‍ ഇവകൊണ്ടെല്ലാം വെള്ളം മലിനമായിരിക്കാം.

ഇവയിലെല്ലാം പല തരത്തിലുള്ള ബാക്റ്റീരിയകള്‍, വൈറസുകള്‍, ആല്‍ഗകള്‍ എന്നിങ്ങനെ ആരോഗ്യത്തിനു ഹാനികരമായ പല സൂക്ഷ്മ ജീവികളും ധാരാളമായി കാണാം.

ഉടനടി ചെയ്യേണ്ടതായ ചില കാര്യങ്ങള്‍ ആണ് പങ്കു വയ്ക്കുന്നത്.

1. കിണറിന്റെ പരിസരം ആദ്യം സഞ്ചാര യോഗ്യമാക്കുക.

2. കിണറിന്റെ അടുത്തേയ്ക്ക് പോകുന്നത് സുരക്ഷതമാണോ എന്ന് ഉറപ്പു വരുത്തുക. ചിലപ്പോള്‍ തിട്ട ഇടിഞ്ഞു, കിണറ്റിലേക്ക് വീഴാം. കിണറുകളുടെ ഭിത്തി ദുര്‍ബ്ബലപ്പെട്ടിട്ടുണ്ടാവാം. ഇതെല്ലാം ഉറപ്പു വരുത്തിയിട്ടേ കിണറിന്റെ അടുത്തേയ്ക്ക് പോകാവൂ.

3 . കിണറ്റില്‍ പൊങ്ങിക്കിടക്കുന്ന ചപ്പു, ചവറുകള്‍, കുപ്പികള്‍ ഇവ എടുത്തു മാറ്റുക.

4. പറ്റുമെങ്കില്‍, വെള്ളം ഒരു പമ്പു വച്ച് പൂര്‍ണ്ണമായും നീക്കം ചെയ്യുക (ഏറ്റവും ഉത്തമമായ കാര്യം ഇതാണ്). ഇതു സാധ്യം അല്ലെങ്കില്‍ പറ്റുന്ന അത്രയും ആഴത്തിലുള്ള വെള്ളം തേകി കിണര്‍ വൃത്തി ആക്കുക. ഇത് വളരെ പ്രധാനമാണ്. കുടിവെള്ളം തീര്‍ത്തും മലിനമായിട്ടുണ്ടാവാം.

5. രാസമാലിന്യങ്ങള്‍ കലര്‍ന്നിട്ടുണ്ടെന്നു സംശയം ഉണ്ടെങ്കില്‍ കിണര്‍ പൂര്‍ണ്ണമായും വറ്റിക്കണം

6. ഇനിയാണ് പ്രധാന കാര്യം. കലങ്ങിയ (turbid) വെള്ളം ആണെങ്കില്‍ അത് പൂര്‍ണ്ണമായും അടിഞ്ഞു, തെളി വെള്ളം ആയതിനു ശേഷമേ അണുനാശനി ഉപയോഗിക്കാവൂ. അല്ലെങ്കില്‍ അണുനാശനം പൂര്‍ണ്ണം ആകില്ല. വെള്ളം കലങ്ങിയത് എന്ന് വച്ചാല്‍, അതില്‍ സൂക്ഷ്മ ജീവികള്‍ ആകാം, ജൈവ പദാര്‍ത്ഥങ്ങള്‍ ആകാം, അല്ലെങ്കില്‍ നേര്‍ത്ത മണ്ണ് കലങ്ങിയത് ആവാം. വെള്ളത്തിന്റെ കലക്കത്തിന്റെ അളവ് പറയുന്ന യൂണിറ്റ് ആണ് NTU, (nephelometric turbidity units). കുടിവെള്ളത്തിന് 1 NTU വില്‍ താഴെ ആയിരിക്കണം എന്നാണ് അന്താരഷ്ട്ര പ്രസിദ്ധീകരങ്ങള്‍ പറയുന്നത്. 2 NTU വരെയും കുഴപ്പമില്ല എന്ന് പറയാം. പക്ഷെ അണു നശീകരണത്തിനായി ഉപയോഗിക്കുന്ന വെള്ളത്തിന് നിര്‍ബന്ധമായും 20 NTU വില്‍ താഴെ ആയിരിക്കണം. അടുത്തുള്ള കൃഷി ഓഫീസറെയോ, ബ്ലോക്ക് പഞ്ചായത്ത് ഓഫീസര്‍ മാരേയോ ഇതിനായി സമീപിക്കാം.

Turbidity മീറ്ററുകള്‍ അടുത്തുള്ള ലാബുകളില്‍ ലഭ്യമാക്കണം. ഇത് വലിയ വിലപിടിപ്പുള്ള ഉപകരണം അല്ല. അല്ലെങ്കില്‍ ഒരു ഗ്ലാസില്‍ വെള്ളം എടുത്ത ശേഷം അതില്‍ ഖര മാലിന്യങ്ങള്‍ ഇല്ല എന്ന് ഉറപ്പു വരുത്താം. വെള്ളത്തിന്റെ കലക്കല്‍ പലപ്പോളും മണ്ണ് കൊണ്ട് ആണെങ്കില്‍ ഒരാഴ്ച കൊണ്ട് പൂര്‍ണ്ണമായും 'സെറ്റില്‍' ആകും. അതുകൊണ്ട് ധൃതി പിടിക്കാതെ ഒരാഴ്ച എങ്കിലും സെറ്റില്‍ ആകാന്‍ ഇടുക. എന്നിട്ടും തെളി ആയില്ലെങ്കില്‍ അത് ഓര്‍ഗാനിക് മാറ്ററുകള്‍ അല്ലെങ്കില്‍ ജൈവ വസ്തുക്കള്‍ ആകാം. അപ്പോള്‍ തീര്‍ച്ചയായും കിണര്‍ വറ്റിച്ചു വെള്ളം പൂര്‍ണ്ണമായും നീക്കം ചെയ്തിട്ടേ അണുനശീകരണത്തിന് ശേഷം കുടി വെള്ളം ആയി ഉപയോഗിക്കാവൂ. ചിരട്ടക്കരി ഒക്കെ പഴമക്കാര്‍ കിണറ്റില്‍ ഇടുന്നത് വെള്ളത്തിന്റെ 'കലക്കല്‍' മാറ്റാനാണ്. കരി ഒരു നല്ല adosrbant (അധിശോഷണം ചെയ്യുന്ന വസ്തു), പക്ഷെ ഒരു 'ഫലപ്രദമായ' അണു നാശിനി അല്ല.

7. അണുനാശനം: വെള്ളം തെളി ആയാല്‍ ഉടനെ അണുനാശനം നടത്താം. ഇപ്പോള്‍ നമുക്ക് ലഭ്യം ആയതില്‍ ഏറ്റവും ഫലപ്രദമായ മാര്‍ഗ്ഗം 'ക്ലോറിനേഷന്‍' ആണ്. അത് സാമാന്യം എളുപ്പം ആയി 'ബ്ലീച്ചിങ് പൗഡര്‍ (Bleaching powder, or chlorinated lime)' ഉപയോഗിച്ചു പ്രാവര്‍ത്തികം ആക്കുകയും ചെയ്യാം. ബ്ലീച്ചിങ് പൗഡറില്‍ നിന്നും ഏകദേശം 30% chlorine വാതകം ലഭ്യമാണ്. പക്ഷെ WHO പറയുന്ന ഈ കാര്യം കൂടി ശ്രദ്ധിക്കുക (TREATMENT UNDER RURAL CONDITIONS) 'the strength of this powder rapidly vanishes after the can is opened, or in cans that have been stored for a long time. In using chlorinated lime, it is best to use I the whole can at once, immediately after opening, in making up a stock oslution.' അതായത് ചുരുക്കി പറഞ്ഞാല്‍ ബ്ലീച്ചിങ് പൗഡറിന്റെ ക്യാന്‍ (സീല്‍ ചെയ്ത കുപ്പി) ഓപ്പണ്‍ ചെയ്ത ഉടനെ ഉപയോഗിക്കുക. തുറന്നു വച്ചാല്‍ അതില്‍ നിന്നും അന്തരീക്ഷത്തിലുള്ള ഈര്‍പ്പവും ആയി പ്രവര്‍ത്തിച്ചു chlorine വാതകം നഷ്ടമാകും. ബ്ലീച്ചിങ് പൗഡര്‍ അഥവാ Calcium hypochlorite [Ca(ClO)2]. ഇത് വെള്ളവും ആയി പ്രവര്‍ത്തിക്കുമ്പോള്‍ ക്ലോറിന്‍ ഗ്യാസ് ഉണ്ടാക്കുകയും അത് അണു നാശിനി ആയി ഭവിക്കുകയും ചെയ്യും. Ca(OCl)Cl+H2O ---> Ca(OH)2+Cl2. അതായത് ഇത് വെള്ളം ഇല്ലാതെ പൗഡര്‍ ആയി ഉപയോഗിച്ചാല്‍ അണുനാശിനി അല്ല എന്നര്‍ത്ഥം. 1 % ആക്റ്റീവ് ക്ലോറിന്‍ ലായനി തയ്യാറാക്കുന്ന വിധം. ഒരു വലിയ ടേബിള്‍ സ്പൂണ്‍ / അല്ലെങ്കില്‍ മൂന്നു, നാല് ടീ സ്പൂണ്‍ ബ്ലീച്ചിങ് പൗഡര്‍ കുറച്ചു വെള്ളത്തില്‍ ലയിപ്പിച്ച ശേഷം അതിലേക്ക് ഒരു ലിറ്റര്‍ വെള്ളം ഒഴിക്കുക. ഏകദേശം പത്തു പതിനഞ്ചു മിനിട്ട് വച്ചതിനു ശേഷം ഈ ലായനി ഉപയോഗിക്കാം. (Ref. Collecting, preserving and shipping specimens for the diagnosis of avian influenza A(H5N1) virus infection, Guide for field operations, October 2006 ). കിണര്‍ ഒരു സിലണ്ടര്‍ ആയി കണക്കാക്കാം. സിലിണ്ടറിന്റെ volume (വ്യാപ്തം) pi(r square) h. ഇത് ഉപയോഗിച്ച് നിങ്ങളുടെ കിണറ്റിലെ വെള്ളത്തിന്റെ അളവും ഒരു ഹൈ സ്‌കൂള്‍ വിദ്യാര്‍ത്ഥി ക്കു കണക്കാക്കവുന്നതേ ഉള്ളൂ. കൂടുതല്‍ വിവങ്ങള്‍ക്കും കണക്കു കൂട്ടലുകള്‍ക്കും താഴെയുള്ള റഫറന്‍സുകള്‍ നോക്കുക.

8 പൈപ്പുകള്‍, വാട്ടര്‍ ടാങ്ക് എന്നിവ വെള്ളം അടിച്ചു കളഞ്ഞു രണ്ടു മൂന്നു പ്രാവശ്യം എങ്കിലും ക്ലീന്‍ ചെയ്യാന്‍ മറക്കാതെ ഇരിക്കുക.

9. തിളപ്പിക്കല്‍: വെള്ളം 'ക്ലോറിനേഷന്‍' നടത്തി അണുനാശനം നടത്തി എങ്കിലും ഒരു ആറു മാസത്തേയ്ക്ക് ഉറപ്പായും തിളപ്പിച്ചേ കുടിക്കാവൂ. അഞ്ചു മിനിറ്റെങ്കിലും വെള്ളം തിളയില്‍ നില്‍കാന്‍ അനുവദിക്കുക. തിളപ്പിക്കല്‍ ഒരു നല്ല അണുനാശന പ്രക്രിയ ആണ്. മിക്കവാറും സൂക്ഷ്മ ജീവികളെ എല്ലാം തിളപ്പിക്കല്‍ പ്രക്രിയ കൊണ്ട് ഒഴിവാക്കാം.
എഴുതിയത്: സുരേഷ് സി. പിള്ള

കൂടുതല്‍ വായനയ്ക്ക്
TECHNICAL NOTES ON DRINKING-WATER, SANITATION AND HYGIENE IN EMERGENCIES, WHO, WHO by WEDC. Authors: Sam Godfrey and Bob Reed. Series Editor: Bob Reed. Editorial contributions, design and illustrations by Rod Shaw
Line illustrations courtesy of WEDC / IFRC. Additional graphics by Ken Chatterton.
Water, Engineering and Development Centre Loughborough University Leicestershire LE11 3TU UK

Hunter, Paul R. 'Household water treatment in developing countries: comparing different intervention types using meta-regression.' Environmental science & technology 43.23 (2009): 8991-8997.

Luby, Stephen P., et al. 'Difficulties in bringing point-of-use water treatment to scale in rural Guatemala.' The American journal of tropical medicine and hygiene 78.3 (2008): 382-387.

Smieja, Joanne A. 'Household water treatments in developing countries.' Journal of Chemical Education 88.5 (2011): 549-553.

Ads by Google
Ads by Google
Loading...
LATEST NEWS
TRENDING NOW