Monday, August 19, 2019 Last Updated 12 Min 14 Sec ago English Edition
Todays E paper
Ads by Google
Saturday 20 Jul 2019 03.44 PM

ഹജ് തീർഥാടകരുടെ തിരക്ക് വർധിച്ചു : വിശുദ്ധ കഅ്ബാലയത്തെ അണിയിച്ച കിസ്‌വ ഹറംകാര്യ വകുപ്പ് ഉയർത്തിക്കെട്ടി

uploads/news/2019/07/323380/Gulf200719e.jpg

ജിദ്ദ : ഹജ് തീർഥാടകരുടെ തിരക്ക് വർധിച്ചതോടെ വിശുദ്ധ കഅ്ബാലയത്തെ അണിയിച്ച കിസ്‌വ ഹറംകാര്യ വകുപ്പ് ഉയർത്തിക്കെട്ടി. ഹജ് തീർഥാടകരുടെ തിരക്ക് വർധിച്ചതോടെയാണ് തറനിരപ്പിൽനിന്ന് മൂന്ന് മീറ്റർ ഉയരത്തിൽ കിസ്‌വ ഉയർത്തിയത്. വലിയ തിരക്കിനിടെ ഹജ് തീർഥാടകർ പിടിച്ചുവലിക്കുന്നതു മൂലം കേടാകാനുള്ള സാധ്യത കണക്കിലെടുത്താണ് കിസ്‌വ ഉയർത്തിക്കെട്ടിയത്.

ഉയർത്തിക്കെട്ടിയ കിസ്‌വയുടെ ഭാഗം തൂവെള്ള പട്ടുതുണി കൊണ്ട് മൂടിയിട്ടുണ്ട്. കിസ്‌വ നിർമാണ ഫാക്ടറിയിലെ 50 ലേറെ ജീവനക്കാർ ചേർന്നാണ് കിസ്‌വ ഉയർത്തിക്കെട്ടിയത്. ഹജ് സീസണിൽ വലിയ തിരക്കനുഭവപ്പെടുമ്പോൾ കിസ്‌വ ഉയർത്തിക്കെട്ടുന്നത് പതിവാണ്.
.
തെറ്റായ വിശ്വാസംമൂലം ചിലർ കിസ്‌വയിൽനിന്ന് നൂലുകൾ വലിച്ചെടുക്കുകയും മറ്റു ചിലർ അനുഗ്രഹം തേടി കിസ്‌വയെ സ്പർശിക്കുകയും ചുംബിക്കുകയും മറ്റും ചെയ്യാറുണ്ട്. ഇതെല്ലാം കണക്കിലെടുത്താണ് കിസ്‌വ ഉയർത്തിക്കെട്ടുന്നതെന്ന് ഹറംകാര്യ വകുപ്പ് അധികൃതർ പറഞ്ഞു.

.ഹജ് തീർഥാടകർ അറഫയിൽ സമ്മേളനം നടക്കുന്ന ദിവസം (ദുൽഹജ് ഒമ്പതിന്) പഴയ കിസ്‌വ മാറ്റി വിശുദ്ധ കഅ്ബാലയത്തെ പുതിയ കിസ്‌വ അണിയിക്കും.

പുതിയ കിസ്‌വ അണിയിച്ചാലും കിസ്‌വയുടെ അടിഭാഗം ഉയർത്തിക്കെട്ടും. മുഹറം പകുതി വരെ ഇത് തുടരും. ഹജ് തീർഥാടകർ സ്വദേശങ്ങളിലേക്ക് തിരിച്ചുപോകേണ്ട അവസാന ദിവസം മുഹറം 15 ആണ്. വിശുദ്ധ ഹറമിൽ തിരക്കൊഴിയുന്നതോടെ കിസ്‌വ പഴയപടി താഴ്ത്തിക്കെട്ടും.

Ads by Google
Saturday 20 Jul 2019 03.44 PM
YOU MAY BE INTERESTED
Ads by Google
Loading...
TRENDING NOW