Friday, August 23, 2019 Last Updated 40 Min 50 Sec ago English Edition
Todays E paper
Ads by Google
Monday 15 Jul 2019 02.15 AM

വിംബിള്‍ഡണ്‍ ടെന്നീസ്‌ : വീണ്ടും ജോക്കോവിച്ച്‌

uploads/news/2019/07/321936/s3.jpg

ലണ്ടന്‍: സെര്‍ബിയന്‍ താരം നൊവാക്‌ ജോക്കോവിച്ചിന്‌ വിംബിള്‍ഡന്‍ പുരുഷ സിംഗിള്‍സ്‌ കിരീടം. അഞ്ചു സെറ്റ്‌ വരെ നീണ്ട വാശിയേറിയ പോരാട്ടത്തിലാണ്‌ റോജര്‍ ഫെഡററെ ജോക്കോവിച്ച്‌ മറികടന്നത്‌. സ്‌കോര്‍ 7-6, 1-6, 7-6, 4-6, 13-12.
ജോക്കോവിച്ചിന്റെ അഞ്ചാം വിംബിള്‍ഡന്‍ കിരീടനേട്ടമാണിത്‌. ഗ്രാന്‍ഡ്‌ സ്ലാമുകളില്‍ 16-ാമത്‌ വിജയം. വിംബിള്‍ഡന്‍ ചരിത്രത്തിലെ തന്നെ ഏറ്റവും ദൈര്‍ഘ്യമേറിയ ഫൈനലിലാണ്‌ സെന്റര്‍ കോര്‍ട്ടില്‍ ഫെഡററെ ജോക്കോവിച്ച്‌ കീഴടക്കിയത്‌. നാലു മണിക്കൂര്‍ 55 മിനിറ്റ്‌ നേരമാണ്‌ മത്സരം നീണ്ടുനിന്നത്‌.
ആദ്യ സെറ്റു മുതല്‍ ഇഞ്ചോടിഞ്ചു പോരാട്ടമാണ്‌ നടന്നത്‌. ടൈബ്രേക്കറിലേക്കു നീണ്ട ആദ്യ സെറ്റ്‌ 7-6(7-5) എന്ന സ്‌കോറില്‍ ജോക്കോവിച്ച്‌ നേടി.
എന്നാല്‍ രണ്ടാം സെറ്റില്‍ തിരിച്ചടിച്ച ഫെഡറര്‍ സെര്‍ബിയന്‍ താരത്തെ നിഷ്‌പ്രഭമാക്കി 6-1ന്‌ സെറ്റ്‌ നേടി മത്സരത്തില്‍ ഒപ്പമെത്തി.
മൂന്നാം സെറ്റും ടൈബ്രേക്കറിലേക്കു നീണ്ടപ്പോള്‍ ജയം ജോക്കോവിച്ചിനൊപ്പം നിന്നു. 7-6(7-5) എന്ന സ്‌കോറില്‍ ജോക്കോവിച്ച്‌ സെറ്റ്‌ നേടി മുന്നിലെത്തി. പക്ഷേ നാലാം സെറ്റില്‍ വീണ്ടും ഫെഡറര്‍ തിരിച്ചു വന്നതോടെ മത്സരം നിര്‍ണായകമായ അഞ്ചാം സെറ്റിലേക്കു നീളുകയായിരുന്നു.

Ads by Google
Monday 15 Jul 2019 02.15 AM
YOU MAY BE INTERESTED
Ads by Google
Loading...
TRENDING NOW