Saturday, August 24, 2019 Last Updated 19 Min 48 Sec ago English Edition
Todays E paper
Ads by Google
Wednesday 12 Jun 2019 08.08 AM

സംശയത്തിന്റെയും പുച്ഛത്തിന്റെയും വെറുപ്പിന്റെയും കണ്ണുകള്‍കൊണ്ട് ആരും ഇങ്ങോട്ട് നോക്കരുത്, നോക്കിയാല്‍ തന്നെ ഇവിടെ ആരും ചൂളി പോകില്ല; അമ്മയ്ക്ക് വിവാഹാശംസയുമായി മകന്‍

face book post

പലപ്പോഴും രണ്ടാം വിവാഹം എന്ന് കേള്‍ക്കുമ്പോഴേ പലര്‍ക്കും അത് അത്ര താത്പര്യമുള്ള കാര്യമല്ല. ഈ സാഹചര്യത്തിലാണ് ഗോകുല്‍ ശ്രീധര്‍ എന്ന 23കാരന്റെ കുറിപ്പ് വ്യത്യസ്തമാകുന്നത്. പത്താം ക്ലാസില്‍ പഠിക്കുമ്പോഴായിരുന്നു അവന്റെ അമ്മയും അച്ഛനും വിവാഹമോചനം നേടുന്നത്. പിന്നീട് അമ്മ മിനിയുടെ ജീവിതം സ്വന്തം മകന് വേണ്ടി മാത്രമായിരുന്നു. ഇപ്പോള്‍ ആ അമ്മയുടെ രണ്ടാം വിവാഹത്തിന്റെ സന്തോഷത്തിലാണ് ഗോകുല്‍.

രണ്ടാം വിവാഹം ഇപ്പോഴും അംഗീകരിക്കാന്‍ പറ്റാത്ത ആളുകള്‍ ഉള്ള കാലമാണ്. സംശയത്തിന്റെയും പുച്ഛത്തിന്റെയും വെറുപ്പിന്റെയും കണ്ണുകള്‍കൊണ്ട് ആരും ഇങ്ങോട്ട് നോക്കരുത്, അങ്ങനെ നോക്കിയാല്‍ തന്നെ ഇവിടെ ആരും ചൂളി പോകില്ല..- ഗോകുല്‍ ഫേസ്ബുക്കില്‍ കുറിച്ചു.

ഗോകുലിന്റെ ഫേസ്ബുക്ക് പോസ്റ്റിന്റെ പൂര്‍ണ രൂപം;

അമ്മയുടെ വിവാഹമായിരുന്നു.

ഇങ്ങനെ ഒരു കുറിപ്പ് വേണോ എന്ന് ഒരുപാട് ആലോചിച്ചതാണ്, രണ്ടാം വിവാഹം ഇപ്പോഴും അംഗീകരിക്കാന്‍ പറ്റാത്ത ആളുകള്‍ ഉള്ള കാലമാണ്.

സംശയത്തിന്റെയും പുച്ഛത്തിന്റെയും വെറുപ്പിന്റെയും കണ്ണുകള്‍കൊണ്ട് ആരും ഇങ്ങോട്ട് നോക്കരുത്, അങ്ങനെ നോക്കിയാല്‍ തന്നെ ഇവിടെ ആരും ചൂളി പോകില്ല..

ജീവിതം മുഴുവന്‍ എനിക്ക് വേണ്ടി മാറ്റിവെച്ച ഒരു സ്ത്രീ.ദുരന്തമായ ദാമ്പത്യത്തില്‍ ഒരുപാട് അനുഭവിച്ചിട്ടുണ്ട്, അടികൊണ്ട് നെറ്റിയില്‍ നിന്ന് ചോരയൊലിക്കുമ്പോള്‍ ഞാന്‍ ചോദിച്ചിട്ടുണ്ട് എന്തിന് ഇങ്ങനെ സഹിക്കുന്നു എന്ന്?,അന്ന് അമ്മ പറഞ്ഞത് ഓര്‍മ്മയുണ്ട് നിനക്ക് വേണ്ടിയാണ് ഞാന്‍ ജീവിക്കുന്നത്,ഇനിയും സഹിക്കുമെന്ന്.

അന്ന് ആ വീട്ടില്‍ നിന്ന് അമ്മയുടെ കൈപിടിച്ചിറങ്ങിയപ്പോ ഞാന്‍ തീരുമാനം എടുത്തതാണ് ഈ നിമിഷത്തെ കുറിച്ച്, ഇത് നടത്തുമെന്ന്...
യൗവനം മുഴുവന്‍ എനിക്കായി മാറ്റിവെച്ച എന്റെ അമ്മക്ക് ഒരുപാട് സ്വപ്നങ്ങളും ഉയരങ്ങളും കീഴടക്കാന്‍ ഉണ്ട്....കൂടുതല്‍ ഒന്നും പറയാന്‍ ആഗ്രഹിക്കുന്നില്ല, ഇങ്ങനെ ഒരു കാര്യം നടന്നത് രഹസ്യമായി വെക്കേണ്ട ആവശ്യമില്ല എന്ന് തോന്നി..

അമ്മ?? Happy Married Life..

Ads by Google
Wednesday 12 Jun 2019 08.08 AM
YOU MAY BE INTERESTED
Ads by Google
Loading...
TRENDING NOW