Tuesday, August 20, 2019 Last Updated 7 Min 16 Sec ago English Edition
Todays E paper
Ads by Google
Thursday 28 Mar 2019 11.37 AM

ഗോസിപ്പുകള്‍ക്ക് ഇനി വിട ; അര്‍ജുന്‍ കപൂറിന് 12 വയസ്സ് മൂപ്പുള്ള മലൈക്ക വധുവാകും ; വിവാഹം ഏപ്രില്‍ 19 ന് റിപ്പോര്‍ട്ട്

uploads/news/2019/03/297674/malaika-arora.jpg

ന്യൂഡല്‍ഹി: ഒടുവില്‍ ഒളിച്ചുകളിയും ഗോസിപ്പുമെല്ലാം അവസാനിപ്പിച്ച് ബോളിവുഡിലെ ഏറ്റവും പുതിയ താര ജോഡി അര്‍ജുന്‍കപൂറും മലൈക്കാ അറോറയും വിവാഹിതരാകുന്നു. ദീര്‍ഘനാളായി പ്രണയത്തിലായ ഇരുവരുടെയും വിവാഹം അടുത്തമാസം 19 ന് നടക്കുമെന്ന് സ്‌പോട്ട് ബോയ് ഇ യാണ് റിപ്പോര്‍ട്ട് ചെയ്യുന്നത്. വിവാഹചടങ്ങിലേക്ക് രണ്‍വീര്‍ - ദീപിക ദമ്പതികളും കരിഷ്മയും കരീന സഹോദരിമാരുമെല്ലാം ഉണ്ടാകുമെന്നാണ് റിപ്പോര്‍ട്ടില്‍ പറയുന്നത്. വിവാഹവാര്‍ത്ത ഇരുവരും ഔദ്യോഗികമായി സ്ഥിരീകരിച്ചിട്ടില്ല.

ഒരു വര്‍ഷം മുമ്പ് ഭര്‍ത്താവ് അര്‍ബാസ് ഖാനുമായി വിവാഹമോചനം നേടിയ ശേഷം മലൈകയും അര്‍ജുനും പലയിടങ്ങളിലും ഒരുമിച്ചെത്തിയത് ഇരുവരും തമ്മിലുള്ള പ്രണയവാര്‍ത്തകളെ ശക്തിപ്പെടുത്തിയിരുന്നു. കുറച്ച് നാള്‍ മുമ്പ് വിവാഹത്തെക്കുറിച്ച് ചോദിച്ചപ്പോള്‍ പറയാറാകുമ്പോള്‍ എല്ലാം നിങ്ങള്‍ അറിയും എന്നായിരുന്നു അര്‍ജുന്‍ കപൂറിന്റെ മറുപടി. ഇരുവരെയും പലയിടങ്ങളിലും ഒരുമിച്ച് കണ്ടിരുന്നെങ്കിലും കോഫി വിത്ത് കരണ്‍ പരിപാടിയുടെ ഒരു എപ്പിസോഡില്‍ താന്‍ അര്‍ജുനെ ഇഷ്ടപ്പെടുന്നതായി മലൈക തന്നെ വ്യക്തമാക്കുകയായിരുന്നു.

കഴിഞ്ഞ വര്‍ഷം ലാക്‌മേ ഫാഷന്‍ വീക്കില്‍ ഒരുമിച്ച് പങ്കെടുത്തതോടെയാണ് ഇരുവരും പ്രണയത്തിലാണെന്ന ഗോസിപ്പ് പരന്നു തുടങ്ങിയത്. പിന്നാലെ ഇന്ത്യാസ് ഗോസ് ടാലന്റ് പരിപാടിയില്‍ ഇരുവരും കൈകോര്‍ത്ത് നടന്നുപോകുന്ന ദൃശ്യങ്ങള്‍ കൂടി പുറത്തുവന്നു. അര്‍ബാസ് ഖാനുമായുള്ള ആദ്യ വിവാഹത്തില്‍ മലൈക്കയ്ക്ക് കൗമാര പ്രായത്തിലുള്ള ഒരു മകനുണ്ട്. 2016 ല്‍ അര്‍ബാസ് ഖാനുമായി വേര്‍പെട്ട് താമസിക്കാന്‍ തുടങ്ങിയ മലൈക്ക 2017 ല്‍ വിവാഹമോചനവും നേടി. ടെലിവിഷന്‍ പരിപാടികളിലും മറ്റും ശ്രദ്ധ കേന്ദ്രീകരിച്ചിരിക്കുകയാണ് മലൈക.

Ads by Google
Ads by Google
Loading...
LATEST NEWS
TRENDING NOW