Wednesday, August 21, 2019 Last Updated 9 Min 54 Sec ago English Edition
Todays E paper
Ads by Google
Friday 22 Feb 2019 07.44 PM

കളിച്ചു തോല്‍പ്പിക്കണം: വെറുതെ പാക്കിസ്ഥാന് രണ്ടു പോയിന്റ് നല്‍കരുത്: സച്ചിന്‍

 Pakistan, Sachin Tendulkar,  World Cup

ന്യൂഡല്‍ഹി: പുല്‍വാമ ആക്രമണത്തിന്റെ പശ്ചാത്തലത്തില്‍ ലോകകപ്പില്‍ പാക്കിസ്ഥാനെതിരെ ഇന്ത്യ കളിക്കരുതെന്ന ആവശ്യത്തെ തള്ളി ക്രിക്കറ്റ് ഇതിഹാസം സച്ചിന്‍ തെണ്ടൂല്‍ക്കര്‍. ലോകകപ്പ് വേദികളില്‍ എക്കാലവും പാക്കിസ്ഥാന് മേല്‍ ആധിപത്യമുള്ള ടീമാണ് ഇന്ത്യ. ഇന്ത്യ മത്സരത്തില്‍ നിന്ന് പിന്മാറുന്നതിലൂടെ പാക്കിസ്ഥാന് രണ്ട് പോയിന്റ് സൗജന്യമായി ലഭിക്കുന്നത് കാണാന്‍ താല്‍പര്യമില്ലെന്നും സച്ചില്‍ വ്യക്തമാക്കി. നേരത്തെ പാക്കിസ്ഥാനെതിരായ മത്സരത്തില്‍ നിന്ന് പിന്മാറരുതെന്ന് ആവശ്യപ്പെട്ട് മുന്‍ താരം സുനില്‍ ഗവാസ്‌കറും രംഗത്തെത്തിയിരുന്നു.

ലോകകപ്പില്‍ പാക്കിസ്ഥാനെ ഒരിക്കല്‍ കൂടി തോല്‍പ്പിക്കാനുള്ള അവസരമാണ്. അതുകൊണ്ട് തന്നെ രണ്ട് പോയിന്റ് വെറുതെ നല്‍കി അവരെ ടൂര്‍ണമെന്റില്‍ സഹായിക്കുന്നതിനോട് തനിക്ക് യോജിപ്പില്ലെന്നായിരുന്നു പിടിഐയ്ക്ക് അനുവദിച്ച അഭിമുഖത്തില്‍ സച്ചിന്‍ നിലപാട് വ്യക്തമാക്കിയത്. അതേസമയം രാജ്യം എന്ത് തന്നെ തീരുമാനിച്ചാലും മനസുകൊണ്ട് താന്‍ ആ തീരുമാനത്തിനൊപ്പം നില്‍ക്കുമെന്നും സച്ചിന്‍ പറഞ്ഞു. മത്സരം ബഹിഷ്‌കരിക്കണമെന്ന ആവശ്യത്തിനെതിരെ ശശി തരൂറ എംപിയും രംഗത്തു വന്നിരുന്നു. 1999 ല്‍ കാര്‍ഗില്‍ യുദ്ധത്തിശന്റ മൂധന്യാവസ്ഥയില്‍ ഇന്ത്യ ലോകകപ്പില്‍ പാക്കിസ്ഥാനെതിരെ കളിച്ചിട്ടുണ്ട്. ജയിച്ചിട്ടുമുണ്ട്. മത്സരം അടിയറവ് വെയ്ക്കുക എന്ന് പറഞ്ഞാല്‍, രണ്ട് പോയിന്റ് നഷ്ടപ്പെടുക മാത്രമല്ല. അത് കീഴടങ്ങലിനേക്കാള്‍ ദയനീയമായിരിക്കും എന്നാണ് തരൂര്‍ ട്വീറ്റ് ചെയ്തത്.

ഈ മാസം 14ന് പുല്‍വാമയില്‍ ഭീകരര്‍ നടത്തിയ ആക്രമണത്തില്‍ 40 സിആര്‍പിഎഫ് ജവാന്‍മാരാണ് വീരമൃത്യു വരിച്ചത്. ഇതിന് പിന്നാലെയാണ് ലോകകപ്പില്‍ പാക്കിസ്ഥാനെതിരായ മത്സരത്തില്‍ നിന്ന് ഇന്ത്യ പിന്‍മാറണമെന്ന ആവശ്യം ഉയര്‍ന്നത്. ഈ ആവശ്യത്തെ സൗരവ് ഗാംഗുലി, ഹര്‍ഭജന്‍ സിംഗ് ഉള്‍പ്പെടെയുള്ള താരങ്ങളും പിന്തുണച്ചിരുന്നു. മെയ് 30ന് ഇംണ്ടില്‍ ആരംഭിക്കുന്ന ഏകദിന ലോകകപ്പില്‍ ജൂണ്‍ 16ാം തിയതിയാണ് ഇന്ത്യ പാക്കിസ്ഥാന്‍ മത്സരം.

Ads by Google
Ads by Google
Loading...
TRENDING NOW