Monday, August 19, 2019 Last Updated 3 Min 3 Sec ago English Edition
Todays E paper
Ads by Google
Friday 18 Jan 2019 04.36 PM

ആനന്ദ് മഹീന്ദ്രയുടെ വാഹന ശേഖരത്തിലേക്ക് ഇനി ആള്‍ട്യൂറാസ് G4യും

anand mahindra cars alturas g4

മഹീന്ദ്ര തലവന്‍ ആനന്ദ് മഹീന്ദ്രയുടെ വാഹന ശേഖരത്തിലേക്ക് മഹീന്ദ്ര ആള്‍ട്യൂറാസ് G4 എത്തി. പുതിയ മഹീന്ദ്ര ആള്‍ട്യുറാസ് G4 സ്വന്തമാക്കിയ വിവരം ഇദ്ദേഹം തന്നെയാണ് ട്വിറ്ററിലൂടെ പങ്കുവെച്ചത്. കഴിഞ്ഞ വര്‍ഷമാണ് ആള്‍ട്യുറാസ് G4 -നെ ഇന്ത്യന്‍ നിര്‍മ്മാതാക്കളായ മഹീന്ദ്ര വിപണിയില്‍ കൊണ്ടു വന്നത്. നിലവില്‍ മഹീന്ദ്രയുടെ ഏറ്റവും വിലകൂടിയ എസ്യുവിയാണിത്. വിപണിയില്‍ ടൊയോട്ട ഫോര്‍ച്യൂണര്‍, ഫോര്‍ഡ് എന്‍ഡവര്‍ മോഡലുകള്‍ക്ക് എതിരെ മത്സരിക്കുന്ന ആള്‍ട്യുറാസ് G4 -ന് 26.95 ലക്ഷം രൂപ മുതലാണ് വില. രണ്ടു വകഭേദങ്ങള്‍ മാത്രമെ എസ്യുവിയിലുള്ളൂ.

ഇപ്പോള്‍ പുതിയ എസ്യുവിക്കിടാന്‍ പറ്റിയൊരു പേരിനുള്ള അന്വേഷണത്തിലാണ് ഇദ്ദേഹം. പേരുകള്‍ ആര്‍ക്കും നിര്‍ദ്ദേശിക്കാം. പേര് തിരഞ്ഞെടുക്കപ്പെട്ടാല്‍ നിര്‍ദ്ദേശിച്ച വ്യക്തിക്ക് മഹീന്ദ്ര വാഹനങ്ങളുടെ സ്‌കെയില്‍ മോഡല്‍ സമ്മാനമായി ലഭിക്കും. നേരത്തെ താന്‍ സ്വന്തമാക്കിയ TUV300 എസ്യുവിക്ക് ഗ്രെയ് ഗോസ്റ്റ് എന്ന പേരു നല്‍കിയതായും ട്വിറ്ററില്‍ ആനന്ദ് മഹീന്ദ്ര അറിയിച്ചു. മോഡിഫൈ ചെയ്ത TUV300 എസ്യുവിയാണ് ഗ്രെയ് ഗോസ്റ്റ്. ഇതുകൂടാതെ ഏഴു സീറ്റര്‍ TUV300 പ്ലസ് മോഡലിനെയും ആനന്ദ് മഹീന്ദ്ര സ്വന്തമാക്കിയിട്ടുണ്ട്.

ഇരട്ട പോഡുള്ള ഇന്‍സ്ട്രമെന്റ് ക്ലസ്റ്റര്‍, എട്ടു വിധത്തില്‍ ക്രമീകരിക്കാവുന്ന ഡ്രൈവര്‍ സീറ്റ്, സണ്‍റൂഫ്, തിളങ്ങുന്ന ഗ്ലോവ് ബോക്‌സ്, മഴ തിരിച്ചറിഞ്ഞു പ്രവര്‍ത്തിക്കുന്ന വൈപ്പറുകള്‍, ടയര്‍ പ്രഷര്‍ മോണിട്ടറിംഗ് സംവിധാനം എന്നിവയെല്ലാം ഏഴു സീറ്റര്‍ ആള്‍ട്യുറാസിന്റെ സവിശേഷതകളില്‍പ്പെടും.
എസ്യുവിയിലുള്ള 2.2 ലിറ്റര്‍ നാലു സിലിണ്ടര്‍ ടര്‍ബ്ബോ ഡീസല്‍ എഞ്ചിന് 178 bhp കരുത്തും 420 Nm torque ഉം പരമാവധി സൃഷ്ടിക്കാനാവും.

മെര്‍സിഡീസില്‍ നിന്നുള്ള ഏഴു സ്പീഡ് ഓട്ടോമാറ്റിക് ഗിയര്‍ബോക്‌സാണ് ആള്‍ട്യുറാസ് ഉപയോഗിക്കുന്നത്. ഒമ്പതു എയര്‍ബാഗുകള്‍, ഇലക്ട്രോണിക് സ്റ്റബിലിറ്റി കണ്‍ട്രോള്‍, ആന്റി - റോള്‍ പ്രൊട്ടക്ഷന്‍, എബിഎസ്, ഇബിഡി, ബ്രേക്ക് അസിസ്റ്റ്, ഹില്‍ ഡിസന്റ് കണ്‍ട്രോള്‍, ISOFIX ചൈല്‍ഡ് സീറ്റ് മൗണ്ടുകള്‍ എന്നിവയെല്ലാം യാത്രക്കാരുടെ സുരക്ഷയ്ക്കായി മോഡലിലുണ്ട്.

Ads by Google
Ads by Google
Loading...
TRENDING NOW