Monday, August 26, 2019 Last Updated 5 Min 58 Sec ago English Edition
Todays E paper
Ads by Google
Monday 14 Jan 2019 01.34 AM

ഇന്നു നിങ്ങള്‍ക്കെങ്ങിനെ?(14)

uploads/news/2019/01/280335/nithyam.jpg

മേടം (അശ്വതി, ഭരണി, കാര്‍ത്തിക ) - പിതാവില്‍ നിന്നും സഹായസഹകരണ ങ്ങള്‍ ലഭിക്കും. എല്ലാ കാര്യത്തിലും തൃപ്‌തിക്കുറവ്‌ ഉണ്ടാകും. സുഹൃത്തുക്കളുമായി ഉല്ലാസയാത്രകളില്‍ പങ്കെടുക്കും. അന്യരുടെ കഷ്‌ടപ്പാടിലും ദുഃഖത്തിലും കാരുണ്യം തോന്നും. വേണ്ടപ്പെട്ടവരുടെ വേര്‍പാടുമൂലം ദുഃഖം അനുഭവിക്കാനിടവരും. ദൈവിക കാര്യങ്ങളില്‍ താല്‍പര്യം വര്‍ദ്ധിക്കും. പല വിഷമഘട്ടങ്ങളില്‍ നിന്നും മോചനം ലഭിക്കും. സഹനശക്‌തിയും ക്ഷമയും നിമിത്തം വിവാദങ്ങളില്‍ നിന്നും രക്ഷപെടും.
ഇടവം (കാര്‍ത്തിക , രോഹിണി, മകയിരം ) - പ്രേമവിവാഹം ആഗ്രഹിക്കുന്നവര്‍ക്ക്‌ വീട്ടുകാരില്‍നിന്ന്‌ അനുകൂല മറുപടി ലഭിക്കും. കാര്‍ഷിക മേഖലയില്‍ പ്രവര്‍ത്തിക്കുന്നവര്‍ക്ക്‌ ധനനഷ്‌ടം ഉണ്ടാകാം. ദാമ്പത്യജീവിതം സംതൃപ്‌തമായിരിക്കും. പിതാവിന്റെ ആരോഗ്യനില മോശമാകും. ധനപരമായി നേട്ടം ഉണ്ടാകും. സഹോദരങ്ങളില്‍ നിന്നും ഗുണാനുഭവം പ്രതീക്ഷിക്കാം. ആരോഗ്യപരമായി അനുഭവപ്പെട്ടിരുന്ന ബുദ്ധിമുട്ടുകള്‍ക്ക്‌ ആശ്വാസം ലഭിക്കും. പുതിയ ഗൃഹത്തിലേക്ക്‌ മാറിത്താമസിക്കാന്‍ ഉദ്ദേശിക്കുന്നവര്‍ക്ക്‌ അനുകൂല സമയം.
മിഥുനം (മകയിരം , തിരുവാതിര, പുണര്‍തം ) - കൂടുതല്‍ ജോലിഭാരം കൊണ്ട്‌ മാനസികവും ശാരീരികവുമായി ക്ലേശം അനുഭവപ്പെടും. സ്വന്തം ആവശ്യത്തിന്‌ വേണ്ടിയോ മറ്റുള്ളവര്‍ക്കു വേണ്ടിയോ ആശുപത്രിയുമായി ബന്ധപ്പെടേണ്ടി വരും. ദാമ്പത്യ ജീവിതം സന്തോഷപ്രദമായിരിക്കും. എല്ലാ കാര്യത്തിലും അവസാനം താല്‍പര്യക്കുറവ്‌ അനുഭവപ്പെടും. ഏത്‌ തൊഴില്‍ ചെയ്‌താലും തക്കതായ പ്രതിഫലം ലഭിക്കാന്‍ തടസ്സം നേരിടും.
കര്‍ക്കടകം (പുണര്‍തം , പൂയം, ആയില്യം) - ബന്ധുക്കള്‍ ശത്രുതാമനോഭാവത്തോടെ പെരുമാറും. ഭൂമിസംബന്ധമായ ക്രയവിക്രയത്തിനു ശ്രമിക്കുന്നവര്‍ക്ക്‌ പുതിയ അവസരങ്ങള്‍ ലഭിക്കും. ഇഷ്‌ടജനങ്ങളുമായുള്ള സമ്പര്‍ക്കം മനഃസുഖം വര്‍ദ്ധിപ്പിക്കും. അനാവശ്യങ്ങള്‍ ചിന്തിച്ച്‌ രക്‌തസമ്മര്‍ദ്ദം വര്‍ദ്ധിക്കും. സന്താനങ്ങളുടെ വിവാഹകാര്യത്തില്‍ തീരുമാനുണ്ടാകും.
ചിങ്ങം (മകം, പൂരം, ഉത്രം ) - കുടുംബസ്വത്ത്‌ സംബന്ധമായി കോടതിയെ അഭയം പ്രാപിക്കും. കുടുംബസ്വത്ത്‌ സംബന്ധമായി കോടതിയെ അഭയം പ്രാപിക്കും. സര്‍ക്കാര്‍ ഉത്തരവിനായി കാത്തിരിക്കുന്ന ഉദ്യോഗാര്‍ത്ഥികള്‍ക്ക്‌ തടസ്സങ്ങള്‍ നേരിടും. അമിത പലിശ മോഹിച്ച്‌ സ്വകാര്യ സ്‌ഥാപനങ്ങളില്‍ പണം നിക്ഷേപിക്കാതിരിക്കുക. ജീവിത പങ്കാളിക്ക്‌ ഔദ്യോഗിക മേഖലയില്‍ സ്‌ഥാനക്കയറ്റം ലഭിക്കും. കലാരംഗത്ത്‌ പ്രവര്‍ത്തിക്കുന്നവര്‍ക്ക്‌ പുതിയ അവസരങ്ങള്‍ ലഭിക്കും.
കന്നി (ഉത്രം , അത്തം, ചിത്തിര ) - വിവാഹം ഉറപ്പിക്കും. ബന്ധുജനങ്ങള്‍ക്ക്‌ അപകടമോ രോഗപീഢയോ വരാനിടയുണ്ട്‌. കര്‍മ്മ സംബന്ധമായി പലവിധ പ്രതിസന്ധികളും തരണം ചെയ്യേണ്ടി വരും. സര്‍ക്കാര്‍ മേഖലയില്‍ പ്രവര്‍ത്തിക്കുന്നവര്‍ക്ക്‌ അപ്രതീക്ഷിത സ്‌ഥലംമാറ്റം പ്രതീക്ഷിക്കാം. സുഖസൗകര്യങ്ങള്‍ക്കുവേണ്ടി പണം ചിലവഴിക്കും. പുതിയ സംരംഭങ്ങള്‍ തുടങ്ങാനുദ്ദേശിക്കുന്നവര്‍ക്ക്‌ സമയം അനുകൂലമല്ല.
തുലാം (ചിത്തിര , ചോതി, വിശാഖം ) - സന്താനങ്ങളുടെ ഭാവിയെ ഓര്‍ത്ത്‌ മനസ്സ്‌ ഉല്‍ക്കണ്‌ഠപ്പെടും. ദൂരയാത്രകള്‍ ആവശ്യമായി വരും. വേണ്ടപ്പെട്ടവര്‍ മുഖേന മനഃക്ലേശത്തിന്‌ ഇടയുണ്ട്‌. ബിസിനസ്സ്‌ മേഖലയില്‍ പ്രവര്‍ത്തിക്കുന്നവര്‍ ബുദ്ധി സാമാര്‍ത്ഥ്യം മുഖേന പല ആപത്തുകളില്‍ നിന്നും രക്ഷപെടും. അവിവാഹിതരുടെ വിവാഹകാര്യത്തില്‍ തീരുമാനമുണ്ടാകും. വിശേഷ വസ്‌ത്രാഭരണാദികള്‍ സമ്മാനമായി ലഭിക്കും. സര്‍വ്വകാര്യവിജയം. സാമ്പത്തിക ഇടപാടുകള്‍ സൂക്ഷിച്ചു കൈകാര്യം ചെയ്യണം.
വൃശ്‌ചികം (വിശാഖം , അനിഴം, തൃക്കേട്ട) - വരവില്‍ കവിഞ്ഞ്‌ ചെലവ്‌ വര്‍ദ്ധിക്കും. ടെസ്‌റ്റുകളിലും ഇന്റര്‍വ്യൂകളിലും പങ്കെടുക്കുന്നവര്‍ക്ക്‌ കഠിനമായി പ്രയത്നിക്കേണ്ടിവരും. അനാവശ്യമായ ചിന്തകള്‍ അവസാനിപ്പിക്കുക. ആലോചിക്കാതെ ചിന്തകള്‍ അവസാനിപ്പിക്കുക. എന്തു ക്ലേശങ്ങള്‍ സഹിച്ചാണെങ്കിലും നിലവിലുള്ള ജോലി നിലനിര്‍ത്തിക്കൊണ്ടു പോകാന്‍ ശ്രമിക്കുക.
ധനു (മൂലം, പൂരാടം, ഉത്രാടം ) - പൊതുപ്രവര്‍ത്തകര്‍ മറ്റുള്ളവരാല്‍ ആദരിക്കപ്പെടും. ഇഷ്‌ടഭക്ഷണലാഭം ഉണ്ടാകും. ഭൂമിസംബന്ധമായ ക്രയവിക്രയങ്ങള്‍ക്ക്‌ അനുകൂല സമയം. കലാരംഗത്ത്‌ പ്രവര്‍ത്തിക്കുന്നവര്‍ക്ക്‌ ധാരാളം യാത്രകള്‍ ചെയ്യേണ്ടി വരും.
മകരം (ഉത്രാടം , തിരുവോണം, അവിട്ടം ) - മാതൃബന്ധുക്കള്‍ക്ക്‌ അസുഖങ്ങളുണ്ടാകും. സ്വന്തം താല്‍പ്പര്യങ്ങള്‍ പ്രാവര്‍ത്തികമാക്കുവാന്‍ വിപരീത പരിതസ്‌ഥിതികളില്‍ സാധിക്കാതെ വരും. ഗൃഹം മോടിപിടിപ്പിക്കാനായി പണം ചെലവഴിക്കും. ദാമ്പത്യജീവിതം സന്തോഷപ്രദമായിരിക്കും. വരവില്‍ കവിഞ്ഞ്‌ വര്‍ദ്ധിക്കും. തൊഴില്‍രഹിതര്‍ക്ക്‌ ജോലി ലഭിക്കാന്‍ തടസ്സങ്ങള്‍ നേരിടും. സംസാരത്തില്‍ നിയന്ത്രണം പാലിക്കുക. ഗൃഹത്തില്‍ ബന്ധുസമാഗമം പ്രതീക്ഷിക്കാം.
കുംഭം (അവിട്ടം , ചതയം, പൂരുരുട്ടാതി ) - സന്താനങ്ങളാല്‍ കീര്‍ത്തി വര്‍ദ്ധിക്കും. വ്രതാനുഷ്‌ഠാനത്തിന്‌ താല്‍പര്യം ഉണ്ടാകും. നഷ്‌ടപ്പെട്ട ധനം തിരികെ ലഭിക്കും. സുഹൃത്തുക്കളുടെ സല്‍ക്കാരങ്ങളില്‍ പങ്കെടുക്കും. ശത്രുക്കളുടെ ഉപദ്രവം നിഷ്‌ഫല മാക്കാന്‍ സാധിക്കും. കലാരംഗത്ത്‌ പ്രവര്‍ത്തിക്കുന്നവര്‍ പ്രശസ്‌തിയും അംഗീകാരവും ലഭിക്കും. പ്രമോഷനു വേണ്ടി ശ്രമിക്കുന്ന സര്‍ക്കാര്‍ജീവനക്കാര്‍ക്ക്‌ അനുകൂല ഉത്തരവ്‌ ലഭിക്കും. ഉന്നതവ്യക്‌തികളുമായി അടുത്തിടപഴകാന്‍ അവസരം ഉണ്ടാകും.
മീനം (പൂരുരുട്ടാതി , ഉതൃട്ടാതി, രേവതി) - സന്താനങ്ങളുടെ ഭാവിയെ ഓര്‍ത്ത്‌ മനസ്‌ ഉത്‌കണ്‌ഠപ്പെടും. വരവില്‍ കവിഞ്ഞ്‌ ചെലവ്‌ വര്‍ദ്ധിക്കും. ഗൃഹത്തില്‍ മംഗള കര്‍മ്മങ്ങള്‍ നടക്കും. അപ്രതീക്ഷിതമായ എതിര്‍പ്പുകളെ തരണം ചെയ്യേണ്ടി വരും. ടെസ്‌റ്റുകളിലും ഇന്റര്‍വ്യൂകളിലും പങ്കെടുക്കുന്നവര്‍ക്ക്‌ മെച്ചപ്പെട്ട പ്രകടനം കാഴ്‌ച വെയ്‌ക്കാന്‍ സാധിക്കും. ആരോഗ്യപരമായി ബുദ്ധിമുട്ടുകള്‍ അനുഭവപ്പെടും. പുതിയ വാഹനം വാങ്ങും. ധനപരമായി നേട്ടം ഉണ്ടാകും. ശത്രുക്കള്‍ കൂടും. ഗൃഹത്തില്‍ മംഗളകര്‍മ്മങ്ങള്‍ നടക്കും. സജ്‌ജനങ്ങളുടെ സഹായം ലഭിക്കും. മനസിനിണങ്ങിയ ജീവിതപങ്കാളിയെ കണ്ടെത്തും.

- അനില്‍ പെരുന്ന - 9847531232

Ads by Google
Monday 14 Jan 2019 01.34 AM
YOU MAY BE INTERESTED
Ads by Google
Loading...
TRENDING NOW