Friday, June 21, 2019 Last Updated 13 Min 45 Sec ago English Edition
Todays E paper
Ads by Google
Saturday 18 May 2019 12.12 AM

തിരഞ്ഞെടുപ്പു ഫല പ്രവചനവുമായി ഗണിതാധ്യാപകന്‍ വീണ്ടും

uploads/news/2019/05/308935/1.jpg

കോഴിക്കോട്‌:

വര്‍ഷങ്ങളായി തെരഞ്ഞെടുപ്പു പ്രവചനം നടത്തി ശ്രദ്ധേയനായ പ്രമുഖ ഗണിതാധ്യാപകന്‍ തോട്ടക്കാട്‌ ഗോപാലകൃഷ്‌ണന്‍ നായര്‍ ഇത്തവണ കേരളത്തില്‍ യു.ഡി.എഫിന്‌ 14-15 സീറ്റുകള്‍ പ്രവചിക്കുന്നു. എല്‍.ഡി.എഫിന്‌ 5 സീറ്റാണ്‌ അദ്ദേഹം പ്രതീക്ഷിക്കുന്നത്‌. എന്‍.ഡി.എക്ക്‌ ഒരു സീറ്റു കിട്ടുകയാണെങ്കില്‍ തിരുവനന്തപുരത്തായിരിക്കും.
യു.ഡി.എഫിന്‌ 84 ലക്ഷം (42%), എല്‍.ഡി.എഫിന്‌ 74 ലക്ഷം (37%), എന്‍.ഡി.എക്ക്‌ 36 ലക്ഷം (18%) എന്നിങ്ങനെയായിരിക്കും വോട്ടു വിഹിതം.
ലോകസഭയില്‍ ഒരു മുന്നണിക്കും കേവല ഭൂരിപക്ഷം ലഭിക്കില്ല. എന്നാല്‍ നരേന്ദ്രമോഡി വീണ്ടും പ്രധാനമന്ത്രിയാവും.
എന്‍.ഡി.എക്ക്‌ ഭൂരിപക്ഷത്തിനു 14 സീറ്റുകളുടെ കുറവുണ്ടാവും. ബി.ജെ.പിക്ക്‌ 213 സീറ്റും എന്‍.ഡി.എക്ക്‌ 258 സീറ്റും കിട്ടും. കോണ്‍ഗ്രസ്സിന്‌ 105 സീറ്റും യു.പി.എ സഖ്യത്തിന്‌ 154 സീറ്റും കിട്ടും. മറ്റുള്ളവര്‍ക്ക്‌ 130 സീറ്റുണ്ടാവും. ഇടതുകക്ഷികള്‍ക്ക്‌ ആകെ 7 സീറ്റുകളാണു പ്രവചിക്കുന്നത്‌.
വൈ.എസ്‌.ആര്‍ കോണ്‍ഗ്രസ്‌, ടി.ആര്‍.എസ്‌, ബി.ജെ.ഡി എന്നീ കക്ഷികളുടെ പിന്‍തുണയോടെ ദേശീയ ജനാധിപത്യ സഖ്യം വീണ്ടും അധികാരത്തില്‍ വരും. ഈ മൂന്നു കക്ഷികള്‍ക്കും കൂടി 41 സീറ്റുകള്‍ ഉണ്ടാവും. ദേശീയ തലത്തില്‍ ബി.ജെ.പിക്ക്‌ 32 ശതമാനവും എന്‍.ഡി.എക്ക്‌ 40 ശതമാനവും വോട്ടു ലഭിക്കും. കോണ്‍ഗ്രസ്സിന്‌ 25 ശതമാനവും യു.പി.എക്ക്‌ 33 ശതമാനവുമായിരിക്കും വോട്ടു വിഹിതം.
കേരളത്തില്‍ എല്‍.ഡി.എഫിന്‌ ആറ്റിങ്ങല്‍,ആലപ്പുഴ, ആലത്തൂര്‍, പാലക്കാട്‌, കാസര്‍ക്കോട്‌ എന്നീ മണ്ഡലങ്ങളാണു ലഭിക്കുക.
തിരുവനന്തപുരത്തു കുമ്മനം തോറ്റാലും 3.5 % വോട്ടു ലഭിക്കും. കുമ്മനം തോറ്റാലും കേന്ദ്രമന്ത്രിയാവും. അല്‍ഫോന്‍സ്‌ കണ്ണന്താനവും വി.മുരളീധരനും മന്ത്രിമാരാവും. തിരുവനന്തപുരത്തു വിജയിക്ക്‌ ഭൂരിപക്ഷം 10,000ത്തില്‍ താഴെ ആയിരിക്കും.
കൊല്ലത്തു പ്രേമചന്ദ്രന്‍ സംഘിയാണെന്ന ഇടതു പ്രചാരണം ഏശിയില്ല. അദ്ദേഹത്തിനു 30,000-50,000 ഇടയില്‍ വോട്ടു ഭൂരിപക്ഷം ലഭിക്കും.
തമിഴ്‌നാട്ടില്‍ ഉപതിരഞ്ഞെടുപ്പു നടക്കുന്ന 18 നിയമസഭാ മണ്ഡലങ്ങളില്‍ 15 ഉം ഡി.എം.കെ നേടും.മന്ത്രിസഭ രാജിവെക്കും. ഡി.എം.കെ നേതാവ്‌ സ്‌റ്റാലിന്‍ മുഖ്യമന്ത്രിയാവും എന്നീ പ്രവചനങ്ങളും അദ്ദേഹം നടത്തി.
കോട്ടയം സ്വദേശിയായ തോട്ടക്കാട്‌ എന്‍ ഗോപാല കൃഷ്‌ണന്‍ നായര്‍ 45 വര്‍ഷമായി അധ്യാപകര്‍ക്കു കണക്കു പഠിപ്പിക്കുന്നു. നേരത്തെ എന്‍.സി.ഇ.ആര്‍.ടി പുസ്‌തക നിര്‍മാണ കമ്മിറ്റിയിലും കേരള സര്‍വകലാശാല സെനറ്റിലും അംഗമായിരുന്നു. മുമ്പു പലപ്രവാശ്യം തെരഞ്ഞടുപ്പു ഫലം കൃത്യമായി പ്രവചിച്ചു ശ്രദ്ധനേടിയിട്ടുണ്ട്‌. യാത്രചെയ്‌തും പലരുമായി ആശയ വിനിമയം നടത്തിയും ശേഖരിക്കുന്ന വിവരങ്ങളെ ഗണിതത്തിന്റെ സൂക്ഷ്‌മതയോടെ അവലോകനം ചെയ്‌താണ്‌ ഈ പ്രവചനം നിര്‍വഹിക്കുന്നതെന്‌് അദ്ദേഹം പറയുന്നു.

Ads by Google
Advertisement
Saturday 18 May 2019 12.12 AM
YOU MAY BE INTERESTED
Ads by Google
Loading...
LATEST NEWS
Ads by Google
TRENDING NOW