Tuesday, September 11, 2018 Last Updated 0 Min 37 Sec ago English Edition
Todays E paper
Ads by Google
Tuesday 11 Sep 2018 12.18 AM

ജില്ലയില്‍ പകര്‍ച്ചവ്യാധി നിയന്ത്രണവിധേയം

uploads/news/2018/09/247535/2.jpg

തൃശൂര്‍: ജില്ലയില്‍ എലിപ്പനിയടക്കമുള്ള പകര്‍ച്ചവ്യാധികള്‍ നിയന്ത്രണ വിധേയമാക്കാന്‍ കഴിഞ്ഞെന്ന്‌ ജില്ലാ മെഡിക്കല്‍ ഓഫീസര്‍. ആരോഗ്യവകുപ്പിന്റെ കൃത്യവും സമയോചിതവുമായ ഇടപെടലുകളിലൂടെയാണ്‌ എലിപ്പനി നിയന്ത്രിച്ചത്‌. പ്രളയത്തെ തുടര്‍ന്ന്‌ ജില്ലയില്‍ എലിപ്പനി മൂലമുള്ള മരണങ്ങളുടെ സാധ്യത കണ്ടറിഞ്ഞ്‌ പ്രതിരോധ നടപടികള്‍ ശക്‌തമാക്കിയിരുന്നുവെന്നും ഡി.എം.ഒ. വ്യക്‌തമാക്കി. കുടിവെള്ള സ്രോതസുകളുടെ കൃത്യമായ ക്ലോറിനേഷന്‍, എലിപ്പനി പ്രതിരോധ മരുന്നായ ഡോക്‌സിസൈക്ലിന്റെ ലഭ്യത, ദുരന്തബാധിത പ്രദേശങ്ങളിലെ പ്രത്യേക മെഡിക്കല്‍ സേവനങ്ങള്‍, ബോധവത്‌കരണ പ്രവര്‍ത്തനങ്ങള്‍ എന്നിവയെല്ലാം ഉറപ്പു വരുത്തുന്നുണ്ട്‌. നിലവില്‍ കൊതുകു സാന്ദ്രത കുറവാണെങ്കിലും കൊതുകുകള്‍ മുട്ടയിട്ടു പെരുകാനുള്ള സാഹചര്യങ്ങള്‍ നിലനില്‍ക്കുന്നുണ്ട്‌. അതിനാല്‍ ഉറവിട നശീകരണത്തില്‍ കൂടുതല്‍ ശ്രദ്ധ കേന്ദ്രീകരിക്കേണ്ടത്‌ ഡെങ്കിപ്പനി, ചിക്കുന്‍ഗുനിയ, മലമ്പനി തുടങ്ങിയ രോഗങ്ങള്‍ പടരാതിരിക്കാന്‍ അത്യന്താപേക്ഷിതമാണെന്നും ഡി.എം.ഒ. അറിയിച്ചു. ചെടിച്ചെട്ടികള്‍, ഉപയോഗശൂന്യമായ കുപ്പികള്‍, പാത്രങ്ങള്‍, ടയറുകള്‍, ചിരട്ടകള്‍ തുടങ്ങിയവയില്‍ വെള്ളം കെട്ടിനില്‍ക്കാനുള്ള സാഹചര്യങ്ങള്‍ ഒഴിവാക്കി വീടും പരിസരവും വൃത്തിയായി സൂക്ഷിക്കാന്‍ ജനങ്ങള്‍ പ്രത്യേകം ശ്രദ്ധിക്കണമെന്നും ജില്ലാ മെഡിക്കല്‍ ഓഫീസര്‍ നിര്‍ദേശിച്ചു.വ്യാജപ്രചാരണങ്ങള്‍ക്കു വശംവദരാകാതെ ആരോഗ്യപ്രവര്‍ത്തകരുടെ നിര്‍ദേശങ്ങള്‍ സ്വീകരിച്ചുകൊണ്ട്‌ ഉറവിട നശീകരണ പ്രവര്‍ത്തനങ്ങളില്‍ സഹകരിക്കണമെന്നും പരിസര ശുചീകരണം എല്ലാവരും സ്വന്തം ഉത്തരവാദിത്വമായി നിര്‍വഹിക്കണമെന്നും ഡി.എം.ഒ. ആഹ്വാനംചെയ്‌തു. പ്രളയബാധിത പ്രദേശങ്ങളില്‍ മഞ്ഞപ്പിത്തം, വയറിളക്കം, കോളറ തുടങ്ങിയ ജലജന്യ രോഗങ്ങള്‍ പിടിപെടാതിരിക്കാന്‍ കുടിവെള്ളം ക്ലോറിനേറ്റ്‌ ചെയ്യുന്നതിനു പുറമെ 20 മിനിറ്റ്‌ തിളപ്പിച്ചാറിയ ശേഷം മാത്രമേ ഉപയോഗിക്കാവൂ എന്നും തിളപ്പിച്ച വെള്ളത്തില്‍ പച്ചവെള്ളം ഒഴിച്ച്‌ തണുപ്പിക്കരുതെന്നും കൈകഴുകല്‍ എല്ലാവരും ശീലമാക്കണമെന്നും ജില്ലാ മെഡിക്കല്‍ ഓഫീസര്‍ നിര്‍ദേശിച്ചു.

Ads by Google
Advertisement
Tuesday 11 Sep 2018 12.18 AM
YOU MAY BE INTERESTED
Ads by Google
Loading...
LATEST NEWS
Ads by Google
TRENDING NOW