Friday, November 16, 2018 Last Updated 1 Min 3 Sec ago English Edition
Todays E paper
Ads by Google
Monday 10 Sep 2018 12.04 AM

കൈനകരിയിലെ പമ്പിങ്‌ ഉടന്‍ പൂര്‍ത്തിയാക്കും; വീട്ടില്‍ തിരിച്ചെത്തിക്കുന്നതിന്‌ അടിയന്തര നടപടികള്‍

uploads/news/2018/09/247236/2.jpg

ആലപ്പുഴ: കൈനകരിയിലെ പാടശേഖരങ്ങളിലെ പമ്പിങ്‌ ജോലികള്‍ ഉടന്‍ പൂര്‍ത്തിയാക്കുമെന്നും ഇനിയും വീടുകളില്‍ നിന്നും വെള്ളമിറങ്ങാത്ത സ്‌ഥലങ്ങളിലുള്ളവരെ മടക്കിക്കൊണ്ടു വരുന്നതിനായി യുദ്ധകാല അടിസ്‌ഥാനത്തിലാണ്‌ പമ്പിങ്‌ നടക്കു ന്നതെന്നും ജില്ലാ കലക്‌ടറുടെ ചുമതല വഹിക്കുന്ന ഗ്രാമവികസന കമ്മിഷണര്‍ എന്‍. പത്മകുമാര്‍ പറഞ്ഞു.
കൈനകരിയിലെ കനകശ്ശേരി, വടക്കേ വാവാക്കാട്‌, കൂലിപ്പുരയ്‌ക്കല്‍, പരിത്തിവളവ്‌, ആര്‍ ബ്ലോക്ക്‌ എന്നിവിടങ്ങളിലെ പമ്പിങ്‌ അദ്ദേഹം നേരിട്ടു വിലയിരുത്തി. ഇതില്‍ പമ്പിങ്‌ ആരംഭിച്ചിട്ടില്ലാത്ത കൂലിപ്പുരയ്‌ക്കല്‍ പാടശേഖര സമിതിയുടെ ഭാരവാഹിയെ ഫോണില്‍ വിളിച്ചു ഉടന്‍ തന്നെ പമ്പിങ്‌ ആരംഭിക്കണമെന്നും നിര്‍ദ്ദേശം നല്‍കി. വിവിധ പാടശേഖരങ്ങളിലെ വെള്ളം വറ്റിക്കാനായി 34 പമ്പുകളാണ്‌ പ്രവര്‍ത്തിപ്പിക്കുന്നത്‌. താല്‍ക്കാലികമായി എത്തിച്ചിരിക്കുന്ന ബാര്‍ജുകളിലാണ്‌ പമ്പുകള്‍ സ്‌ഥാപിച്ചിട്ടുള്ളത്‌. ഏഴു ദിവസത്തിനകം കൈനകരിയിലെ മടവീഴ്‌ചയുണ്ടായ പാടശേഖരങ്ങളിലെ വെള്ളം വറ്റിച്ചു കളയാനാണ്‌ ലക്ഷ്യം. ഇതിനായി 31 പമ്പുകളാണ്‌ കൈനകരിയില്‍ മാത്രം സ്‌ഥാപിച്ചിട്ടുള്ളത്‌. മണിക്കൂറില്‍ രണ്ടു ലക്ഷം ലിറ്റര്‍ വെള്ളം പമ്പ്‌ ചെയ്യാന്‍ കഴിവുള്ളതാണ്‌ ഇവിടെയെത്തിച്ചിരിക്കുന്ന പമ്പുകള്‍.
വെള്ളം കയറി നശിച്ച പമ്പുകളുടെ അറ്റകുറ്റ പണികള്‍ അടിയന്തരമായി പൂര്‍ത്തിയാക്കാനായി കൊല്ലത്തുനിന്നുള്ള ഒരു സംഘം നാളെ ജില്ലയിലെത്തും.
ഡപ്യൂട്ടി കലക്‌ടര്‍ മുരളീധരന്‍ പിള്ള, ഇറിഗേഷന്‍ എക്‌സിക്യൂട്ടീവ്‌ എന്‍ജിനീയര്‍ ഹരണ്‍ ബാബു, കൃഷി വകുപ്പ്‌ അസിസ്‌റ്റന്റ്‌ എക്‌സിക്യൂട്ടീവ്‌ എഞ്ചിനീയര്‍ ഷൈനി ലൂക്കോസ്‌, പ്രിന്‍സിപ്പല്‍ കൃഷി ഓഫീസര്‍ ബീന നടേശ്‌ എന്നിവര്‍ കലക്‌ടറോടൊപ്പമുണ്ടായിരുന്നു.

Ads by Google
Advertisement
Monday 10 Sep 2018 12.04 AM
YOU MAY BE INTERESTED
Ads by Google
Loading...
LATEST NEWS
Ads by Google
TRENDING NOW