Friday, September 14, 2018 Last Updated 6 Min 44 Sec ago English Edition
Todays E paper
Ads by Google
Saturday 14 Jul 2018 01.09 AM

അസഹ്യമായ മലിനീകരണം പെരുമാനിയിലെ എല്ലുപൊടി കമ്പനി അടച്ചു പൂട്ടണമെന്ന്‌

പെരുമ്പാവൂര്‍: അസഹ്യമായ മലിനീകരണം സൃഷ്‌ടിക്കുന്ന വെങ്ങോല ഗ്രാമപഞ്ചായത്തിലെ പെരുമാനിയില്‍ ജനവാസ മേഖലയില്‍ സ്‌ഥാപിച്ചിട്ടുള്ള എല്ലുപൊടി കമ്പനി അടച്ചു പൂട്ടണ മെന്നും പ്രവര്‍ത്തനാനുമതി പുതുക്കി നല്‍കരുതെന്നും പരിസ്‌ഥതി സംരക്ഷണ കര്‍മ്മ സമിതി കേന്ദ്രകമ്മിറ്റി യോഗം ആവശ്യപ്പെട്ടു.
വ്യവസായ യൂണിറ്റിന്‌ പ്രവര്‍ത്തനാനുമതി പുതുക്കി നല്‍കിയാല്‍ പെരുമ്പാവൂരിലെ മലിനീകരണ നിയന്ത്രണ ബോര്‍ഡ്‌ ഓഫീസിനു മുന്നില്‍ കര്‍മ്മസമിതി അനിശ്‌ചിതകാലസമരം തുടങ്ങുമെന്ന്‌ ചെയര്‍മാന്‍ വര്‍ഗീസ്‌ പുല്ലുവഴി അറിയിച്ചു. കമ്പനിയില്‍ മൃഗത്തോല്‍ ഉറയിടുന്നതും എല്ലു പുഴുങ്ങുന്നതും നെയ്യ്‌ ഉരുക്കുന്നതും എല്ല്‌ പൊടിക്കുന്നതുമാണ്‌ മലിനീകരണത്തിന്‌ ഇടയാക്കുന്നത്‌.
സ്‌ഥാപനത്തില്‍ നിന്നുളള ദുര്‍ഗന്ധം രണ്ടു കിലോമീറ്റര്‍ ചുറ്റളവില്‍ താമസിക്കുന്ന 300ല്‍ അധികം കുടുംബങ്ങളുടെ സ്വസ്‌ഥജീവിതത്തിന്‌ ഭീഷണിയാണ്‌. കമ്പനിക്ക്‌ സമീപമുളള വീടുകളില്‍ മരണം സംഭവിച്ചാല്‍ മൃതദേഹത്തെ ഈച്ചകള്‍ പൊതിയും. വിവാഹം തുടങ്ങിയ വിശേഷ ദിവസങ്ങളില്‍ ഈച്ചയുടെ ശല്യം മൂലം ഭക്ഷണം കഴിക്കുന്നതിനും കഴിയാത്ത സാഹചര്യവുമുണ്ട്‌. ഒരു വര്‍ഷം മുമ്പ്‌ നാട്ടുകാരുടെ പരാതിയെ തുടര്‍ന്ന്‌ മൂവാറ്റുപുഴ ആര്‍.ഡി.ഒ. കമ്പനിയുടെ പ്രവര്‍ത്തനം നിര്‍ത്തി വയ്‌ക്കുവാന്‍ ഉത്തരവിട്ടിരുന്നെങ്കിലും സ്‌ഥാപനത്തിനുള്ളില്‍ എല്ലും തോലും നെയ്യും സംഭരിച്ചു വച്ചത്‌ രണ്ടു പ്രാവശ്യം കമ്പനി ഉടമയും പരിസരവാസികളുമായി വലിയ സംഘര്‍ഷത്തിന്‌ ഇടയാക്കിയതാണ്‌. ഇപ്പോള്‍ പ്രവര്‍ത്തനാനുമതി പുതുക്കുതിന്‌ ഉടമ മലിനീകരണ നിയന്ത്രണ ബോര്‍ഡിനെ സമീപിച്ചിരിക്കുകയാണ്‌.
വെങ്ങോല ഗ്രാമപഞ്ചായത്ത്‌ കഴിഞ്ഞ വര്‍ഷം സ്‌ഥാപനത്തിന്റെ ലൈസന്‍സ്‌ പുതുക്കി നല്‍കേണ്ടതില്ലെന്ന്‌ തീരുമാനിച്ചിരുന്നു. കേരള നിയമസഭ പാസാക്കിയ നെല്‍വയല്‍ തണ്ണീര്‍ത്തട ഭേദഗതി റദ്ദ്‌ ചെയ്യണമെന്നും യോഗം ആവശ്യപ്പെട്ടു. സര്‍ക്കാര്‍ തീരുമാനത്തില്‍ പ്രതിഷേധിച്ച്‌ ഈ മാസം 28ന്‌ താലൂക്ക്‌ ഓഫീസിലേക്ക്‌ മാര്‍ച്ച്‌ സംഘടിപ്പിക്കുവാനും യോഗം തീരുമാനിച്ചു. ചെയര്‍മാന്‍ വര്‍ഗീസ്‌ പുല്ലുവഴിയുടെ അധ്യക്ഷതയില്‍ ചേര്‍ന്ന യോഗത്തില്‍ എം.കെ. ശശിധരന്‍പിള്ള, ടി.എ. വര്‍ഗീസ്‌, എം.ജി. സുനില്‍കുമാര്‍, എം.എ. സുനി, പി. രാമചന്ദ്രന്‍ നായര്‍, ജോയി വെള്ളാക്കുളം, ഔഗേന്‍ സി. പോള്‍, രാജ്‌ വി. പീറ്റര്‍, വി.പി. സുരേഷ്‌, കെ. മാധവന്‍ നായര്‍, വി. വേലപ്പന്‍, വി.എന്‍. രാമന്‍ നായര്‍, പി.സി. റോക്കി, വി. രവീന്ദ്രന്‍, ബേബി നാഷ്‌ തുടങ്ങിയവര്‍ പ്രസംഗിച്ചു.

Ads by Google
Advertisement
Saturday 14 Jul 2018 01.09 AM
YOU MAY BE INTERESTED
Ads by Google
Loading...
LATEST NEWS
Ads by Google
TRENDING NOW