Saturday, May 19, 2018 Last Updated 0 Min 43 Sec ago English Edition
Todays E paper
Ads by Google
Wednesday 05 Apr 2017 03.38 PM

വെറുത്ത മനുഷ്യനെ വിവാഹം കഴിക്കുന്നു

uploads/news/2017/04/96777/weeklyaarathitv.jpg

മഞ്ഞുരുകുംകാലം എന്ന സീരിയലിലൂടെ പ്രേക്ഷകരുടെ ഇഷ്ടതാരമായിമാറിയ ആരതി സംസാരിക്കുന്നു

ദൈവാനുഗ്രഹം ഒന്നുകൊണ്ട് മാത്രമാണ് നിങ്ങള്‍ക്ക് മുന്‍പില്‍ എനിക്ക് അഭിനയിക്കാന്‍ സാധിച്ചത്. ഒരിക്കലും എഴുന്നേറ്റ് നടക്കില്ലെന്ന് ഡോക്ടര്‍മാര്‍ വിധിയെഴുതിയ കുട്ടിയാണ് ഞാന്‍. നാലാം ക്ലാസില്‍ പഠിക്കുന്ന സമയത്ത് സ്‌കൂള്‍ കെട്ടിടത്തിന്റെ മുകളില്‍ നിന്ന് കാല്‍ വഴുതി താഴെ വീണു.

മൂന്നാം ദിവസം കണ്ണു തുറന്നപ്പോള്‍ ഞാന്‍ ഐ.സി.യുവിലാണ്. പുറത്ത് കരഞ്ഞുകൊണ്ട് നില്‍ക്കുന്ന അച്ഛനെയും അമ്മയെയും കാണാം. നട്ടെല്ലിന് ക്ഷതം ഏറ്റതിനാല്‍ ഒന്ന് എഴുന്നേറ്റ് ഇരിക്കാന്‍ പറ്റാതെ ഞാന്‍ ഒരുപാട് കരഞ്ഞിട്ടുണ്ട്.

ഒരു വര്‍ഷത്തോളം ഹോസ്പിറ്റല്‍ ബെഡില്‍ കിടന്നു. ഇനി ഒരിക്കലും എഴുന്നേറ്റ് നടക്കില്ലെന്ന് ഡോക്ടര്‍മാര്‍ വിധിയെഴുതി. അതിനിടയില്‍ മരുന്ന് മാറി കുത്തിവച്ച് മുടി മൊത്തം കൊഴിഞ്ഞ് പോയി.

ഒരു വര്‍ഷം കഴിഞ്ഞ് ഇനി ചികിത്സിച്ചിട്ട് കാര്യമില്ലെന്ന് ഉറപ്പായപ്പോള്‍ വീട്ടിലേക്ക് മടങ്ങി. കുറച്ചുനാള്‍ കഴിഞ്ഞ് ആ ആശുപത്രി പൂട്ടി. മറ്റ് പല ഡോക്ടര്‍മാരെ കണ്ടെങ്കിലും യാതൊരു പ്രയോജനവും ഉണ്ടായില്ല.

എനിക്കുവേണ്ടി അമ്മ പോകാത്ത അമ്പലങ്ങളില്ല. ക്ഷേത്രങ്ങളില്‍ പോയിട്ട് ഫലമില്ലാതെ വന്നപ്പോള്‍ ഞാറയ്ക്കല്‍ മാനാട്ടുപറമ്പ് തിരുഹൃദയ ദേവാലയത്തില്‍ പോകാന്‍ തുടങ്ങി. നോമ്പുകള്‍ നോല്‍ക്കും. അവിടുന്ന് കിട്ടുന്ന എണ്ണ അസുഖം ബാധിച്ച സ്ഥാനത്ത് പുരട്ടും.

അത്ഭുതമെന്ന് പറയട്ടെ, ഞാന്‍ എഴുന്നേറ്റ് ഇരിക്കാന്‍ തുടങ്ങി. പളളിയിലച്ചന്‍ ഇടയ്ക്ക് വീട്ടില്‍ വന്ന് പ്രാര്‍ത്ഥിക്കുമായിരുന്നു. പിന്നീട് പതുക്കെ പതുക്കെ നടക്കാന്‍ തുടങ്ങി, ഓടാന്‍ തുടങ്ങി, ഇപ്പോള്‍ ഇതാ അഭിനയിക്കാനും. അമ്മയുടെ പ്രാര്‍ത്ഥന ഒന്നു കൊണ്ട് മാത്രമാണ് നഷ്ടപ്പെട്ട ജീവിതം എനിക്ക് വീണ്ടെടുക്കാന്‍ സാധിച്ചത്.

പിന്നീട് സ്‌കൂളില്‍ തിരിച്ചെത്തിയപ്പോള്‍ ടീച്ചര്‍മാര്‍ പറഞ്ഞു ഇനി അഞ്ചാം ക്ലാസില്‍ ചേര്‍ക്കാം. പക്ഷേ അമ്മ അതിനു സമ്മതിച്ചില്ല. അടിത്തറയില്ലാതെ പഠിച്ചിട്ട് എന്തു കാര്യം, നാലാം ക്ലാസില്‍ ഒന്നു കൂടി പഠിക്കട്ടെ. കൂട്ടുകാരെല്ലാം അഞ്ചാം ക്ലാസില്‍ പഠിച്ചപ്പോള്‍ എനിക്ക് നാലാം ക്ലാസില്‍ ഇരിക്കേണ്ടി വന്നു.

ആ സമയത്ത് മുടിയില്ലാത്തതുകൊണ്ട് എല്ലാവരും മുട്ടത്തലച്ചിയെന്ന് വിളിച്ച് കളിയാക്കുമായിരുന്നു. മുടി വളരാന്‍ ഒരുപാട് നാട്ടുമരുന്നുകള്‍ പ്രയോഗിച്ചെങ്കിലും ഫലം കണ്ടില്ല.

വീണ്ടും അമ്മയുടെ കഠിനമായ പ്രാര്‍ത്ഥനകൊണ്ട് മുടി വളരാന്‍ തുടങ്ങി. ആര്‍ട്ട്‌സിലും, സ്‌പോര്‍ട്‌സിലും എല്ലാം പങ്കെടുത്തു. സ്‌കൂളിനു നിരവധി ട്രോഫികള്‍ വാങ്ങി കൊടുക്കാന്‍ സാധിച്ചു. ഇപ്പോള്‍ എന്‍ജിനീയറിംഗ് രണ്ടാം വര്‍ഷം പഠിക്കുന്നു.

Ads by Google
Loading...
TRENDING NOW