Wednesday, July 26, 2017 Last Updated 0 Min 27 Sec ago English Edition
Todays E paper
Monday 03 Apr 2017 03.32 PM

തലവേദന അനുഭവപ്പെടുന്ന രീതിയും അതിനു കാരണങ്ങളും

uploads/news/2017/04/96166/heaadpainaskdr030417.jpg

ഓരോരുത്തരിലും തലവേദന അനുഭവപ്പെടുന്ന രീതിയും അതിനു കാരണങ്ങളും വ്യത്യസ്തമായിരിക്കും. നിത്യജീവിതത്തില്‍ പല സന്ദര്‍ഭങ്ങളില്‍ അനുഭവപ്പെടുന്നതലവേദനകളെക്കുറിച്ചുള്ള സംശയങ്ങളും അവയ്ക്കുള്ള മറുപടിയും.

തലവേദനയുമായി ബന്ധപ്പെട്ട് നിരവധി സംശയങ്ങള്‍ ഉണ്ടാകാറുണ്ട്. തലവേദന എല്ലാവരിലും ഒരുപോലെ അല്ല എന്നതുതന്നെയാണ് ഇത്തരം സംശയങ്ങള്‍ക്ക് കാരണം.

ഓരോരുത്തരിലും തലവേദന അനുഭവപ്പെടുന്ന രീതിയും അതിനു കാരണങ്ങളും വ്യത്യസ്തമായിരിക്കും. നിത്യജീവിതത്തില്‍ പല സന്ദര്‍ഭങ്ങളില്‍ അനുഭവപ്പെടുന്ന തലവേദനകളെക്കുറിച്ചുള്ള സംശയങ്ങളും അവയ്ക്കുള്ള ഉത്തരവും.

പനിയും തലവേദനയും :-
പനിയോടു കൂടിയ തലവേദന ഉണ്ടാകുന്നത് സാധാരണമാണ്. എന്താണ് ഇതിനു കാരണം. ഇവ തമ്മിലുള്ള ബന്ധമെന്താണ്?


തലവേദന രണ്ടുവിധമുണ്ട്. ഇന്റര്‍നാഷണല്‍ ഹെഡേയ്ക്ക് സൊസൈറ്റി (ഐ.എച്ച്.എസ്) യുടെ നിര്‍വചനപ്രകാരം തലവേദന പ്രൈമറിയും സെക്കഡറിയുമുണ്ട്.

പ്രൈമറി തലവേദനയില്‍ മൈഗ്രേന്‍, ടെന്‍ഷന്‍ ടൈപ്പ് തലവേദന, ക്ലസ്റ്റര്‍ ഹെഡ്എയ്ക് എന്നിവയാണ്. സെക്കന്‍ഡറി തലവേദന എടുത്തുപറയാവുന്ന പല കാരണങ്ങളാലാണ് ഉണ്ടാകുന്നത്. തലയ്ക്ക് ഏല്‍ക്കുന്ന ആഘാതം, തലയിലെരക്തക്കുഴലുകളുടെ വൈകല്യം, ട്യൂമറുകള്‍, തലച്ചോറിനെ ബാധിക്കുന്ന അണുബാധ, സൈനസൈറ്റിസ്, ഹൈപ്പോഗ്ലൈസീമിയ തുടങ്ങിയവയെല്ലാം തലവേദനയുണ്ടാക്കുന്നു.

പനിയുണ്ടാക്കുന്ന രോഗങ്ങളെല്ലാംതന്നെ സാധാരണ തലവേദന ഉണ്ടാക്കുന്നു. മെനിഞ്ചൈറ്റിസ്, എന്‍സെഫാലൈറ്റിസ് തുടങ്ങിയ മസ്തിഷ്‌ക്കത്തെ ബാധിക്കുന്ന അണുബാധ പനിയോടു കൂടി ശക്തമായ തലവേദനയുണ്ടാക്കുന്നു.

മദ്യം കഴിച്ചാല്‍ : -
മദ്യം കഴിച്ചാല്‍ ചിലരില്‍ തലവേദനയുണ്ടാകുന്നു. എന്താണ് ഇതിനു കാരണം?

പലതരം ഭക്ഷണപദാര്‍ഥങ്ങള്‍ തലവേദനയുണ്ടാകുന്നതിന് കാരണമാകുന്നു. തലവേദനയുണ്ടാകുന്ന ഏകദേശം പത്തുശതമാനം പേരില്‍ വിവിധ ഭക്ഷണപാനീയങ്ങള്‍ തലവേദനയ്ക്ക് പ്രേരണാഘടക (ട്രിഗര്‍) മാകുന്നു.

വിവിധതരം മദ്യ ഇനങ്ങളില്‍ ചുവന്ന വൈനും ബിയറും സാധാരണമായി തലവേദനയെ ഉദ്ദീപിപ്പിക്കുന്നു.

ഇത് മൈഗ്രേന്‍ രോഗമുള്ളവരില്‍ കൂടുതലായി കാണുന്നു. മദ്യം കുടിക്കുമ്പോള്‍ തലയിലെ രക്തക്കുഴലുകള്‍ വികസിക്കുന്നതാണ് ഇതിനു കാരണം.

ദീര്‍ഘദൂരയാത്ര :-
ദീര്‍ഘദൂര ബസ്‌യാത്ര തലവേദനയ്ക്ക് കാരണമാകുന്നത് എന്തുകൊണ്ടാണ്?

തുടര്‍ച്ചയായ ബസ് യാത്ര ചിലരില്‍ തലവേദനയുണ്ടാക്കുന്നുണ്ട്. എന്നാല്‍ ഇത് സാധാരണ മൈഗ്രേന്‍ രോഗികള്‍ക്ക് മാത്രമാണ് അനുഭവപ്പെടുന്നത്. 'മോഷന്‍ സിക്‌നസ്' ആണ് ഇവിടെ മുന്നോടിയായി (ഓറ) ഉണ്ടാകുന്നത്. ഇതോടനുബന്ധിച്ച് ഓക്കാനം, തലകറക്കം, ഛര്‍ദി തുടങ്ങിയ ബുദ്ധിമുട്ടുകള്‍ ഉണ്ടാകുന്നു. അതേതുടര്‍ന്ന് തലവേദനയും ഉണ്ടാകുന്നു.

സമയം തെറ്റിയ ഭക്ഷണം :-
പതിവു സമയത്ത് ഭക്ഷണം കഴിക്കാതിരുന്നാല്‍ ചിലരില്‍ തലവേദനയുണ്ടാകുന്നു. ഇതിനു കാരണമെന്താണ്?


ഭക്ഷണം ശരിയായ സമയത്ത് കഴിക്കാതിരുന്നാല്‍ ശരീരത്തില്‍ പഞ്ചസാരയുടെ അളവ് കുറയാനിടയാകും. ഇതുകൂടാതെ അസിഡിറ്റിയും വര്‍ധിക്കുന്നു. ഈ രണ്ടു കാരണങ്ങളും മൈഗ്രേന്‍ ഉദ്ദീപിപ്പിക്കുന്നു. വൈകിയാണെങ്കിലും ഭക്ഷണം കഴിച്ചാല്‍ തലവേദന പതുക്കെ കുറയുന്നതും കാണാം.
TRENDING NOW