Saturday, September 23, 2017 Last Updated 13 Min 24 Sec ago English Edition
Todays E paper
Ads by Google
Tuesday 14 Mar 2017 07.14 PM

അറബി നാട്ടില്‍ നിന്ന് തിരിച്ചു പോകുന്നതുവരെ അപ്പച്ചന്റെ കൂടെ ഞാനും ഉണ്ട്, മുണ്ടുടുത്ത് ചെരുപ്പിടാതെ: ഒരു മകന്റെ ഹൃദയം തൊടുന്ന ഫേസ്ബുക്ക് പോസ്റ്റ്

uploads/news/2017/03/89619/m.jpg

തനിക്കു ചെരുപ്പും പാന്റും ഇടാന്‍ കഴിയാത്തതിനാല്‍ മകന്റെ കൂടെ ഗള്‍ഫില്‍ പോകാന്‍ മടി കാണിച്ച പിതാവിനു കൂട്ടായി മകന്‍ പിതാവിനൊപ്പം നഗ്നമായ കാലുകളുമായി മുണ്ടു ധരിച്ചു ഗള്‍ഫില്‍ പോകുന്നു. മുണ്ട് ഉടുത്തു ചെരിപ്പിടാതെയുള്ള പിതാവിന്റെ ആദ്യ വിമാന യാത്ര ഡേവിസ് ദേവസി എന്ന പ്രവാസി യുവാവു തന്നെയാണു തന്റെ ഫേസ്ബുക്കിലൂടെ പങ്കുവച്ചത്.

മൂന്നു പ്രാവശ്യം എന്റെ അമ്മച്ചി ബഹറിനില്‍ വന്നു പോയി. അപ്പോഴും അപ്പച്ചന്‍ വന്നില്ല. ഈ കഴിഞ്ഞ ഡിസംബറിലാണ് അപ്പച്ചന്‍ വരാന്‍ മടിക്കുന്നതിന്റെ കാരണം ഞാന്‍ അറിയുന്നത്, എന്നു തുടങ്ങുന്നതാണു ഡേവിസിന്റെ ഫേസ്ബുക്ക് പോസ്റ്റ്. ഇന്ന് ഞങ്ങള്‍ ബഹറിനിലേയ്ക്കു പോകുകയാണ്, അപ്പച്ചന്‍ അറബിനാട്ടില്‍ നിന്ന് തിരിച്ചു പോകുന്നതുവരെ അപ്പച്ചന്റെ കൂടെ ഞാനും മുണ്ട് ഉടുത്ത് ചെരുപ്പിടാതെ ഉണ്ടാകും എന്നു ഡേവിസ് തന്റെ ഫേസ്ബുക്കില്‍ കുറിക്കുന്നു.

ഫേസ്ബുക്ക് പോസ്റ്റിന്റെ പൂര്‍ണ്ണ രൂപം.

ഞാന്‍ ജോലി ചെയ്യുന്ന രാജ്യമായ ബഹറിനിലെക്ക് കുറേക്കാലമായി എന്‍റെ അപ്പച്ചനെ ഞാന്‍ ക്ഷണിക്കുന്നു. അപ്പോഴോക്കെ സന്തോഷത്തോടെ അപ്പച്ചന്‍ അത് നിരസിക്കുമായിരുന്നു. അതിനിടയില്‍ മൂന്ന്‌ പ്രാവശ്യം എന്‍റെ അമ്മച്ചി ബഹറനില്‍ വന്ന് പോയീ. അപ്പോഴും അപ്പച്ചന്‍ വന്നില്ല. ഈ കഴിഞ്ഞ ഡിസംബറില്‍ ആണ് ഞാന്‍ ആ വിവരം അറിയിന്നുന്നത്, അപ്പച്ചന്‍ വരാന്‍ മടിക്കുന്നതിന്റെ കാരണം.

കൃഷിക്കാരായ തനി നാട്ടിന്‍പുറത്തുകാരാണ് ഞങ്ങളുടെ കുടുംബം. ഇന്നേവരെ എന്‍റെ അപ്പച്ചന്‍ ചെരിപ്പ് ധരിച്ചിട്ടില്ല. PANTS എന്നാ പാശ്ചാത്യരുടെ കോണകവും ഇടാറില്ല. അതുകൊണ്ട് മുണ്ടും ഷര്‍ട്ടും ഉടുത്ത് ചെരിപ്പിടാതെ വന്നാല്‍ എന്‍റെ മോന് അവന്‍റെ കൂട്ടുകാരുടെയും മറ്റുള്ളവരുടേയും മുന്‍പില്‍ ഞാന്‍ ഒരു അപമാനം ആകും എന്ന് കരുതിയിട്ടാണ് അപ്പച്ചന്‍ വരാന്‍ മടിക്കുന്നത് എന്ന്.

ഇന്ന് ഞങ്ങള്‍ ബഹറിനിലെക്ക് പോകുകയാണ്. അപ്പച്ചന്‍ ഈ അറബിനാട്ടില്‍ നിന്ന് തിരിച്ചുപോകുന്നതുവരെ അപ്പച്ചന്റെ കൂടെ ഞാനും മുണ്ട്‌ ഉടുത്ത് ചെരിപ്പിടാതെ ഉണ്ടാവും. ഞാന്‍ ഇന്ന് ആരായിരിക്കുന്നുവോ അത് എന്‍റെ പിതാവിന്‍റെ ആ നഗ്നമായ കാലുകള്‍ കൊണ്ട് കുന്നും, മലയും, പാടവും, പറമ്പും, കല്ലും, മുള്ളും ചവിട്ടി പൊടിഞ്ഞ രക്തത്തിന്‍റെ പ്രതിഫലം ആണ്. മക്കളുടെ പത്രാസ്സിന് അനുസരിച്ച് മാതാപിതാക്കളെ കോലം കേട്ടിക്കുന്നതിനോട് എനിക്ക് യോജിപ്പില്ല.

ചെരുപ്പ് ഇടാതെ നടക്കുമ്പോള്‍ കാലിന് ചെറിയൊരു വേദന ഉണ്ട്, പക്ഷെ ആ വേദനക്ക് നല്ലോരു സുഖം കിട്ടുന്നത്, മാതാപിതാക്കള്‍ നമ്മള്‍ക്ക് വേണ്ടി അനുഭവിച്ച കഷ്‌ടതകള്‍ ഓര്‍ക്കുമ്പോള്‍ ആണ്. മാതപിതാക്കള്‍ മക്കള്‍ക്കുവേണ്ടി അനുഭവിക്കുന്ന വേദന മനസിലായത് ഞാനും ഒരു പിതാവ് ആയപ്പോഴാണ്‌. കുഴിമാടത്തില്‍ പൂക്കള്‍ വക്കുന്നതിന് പകരം ജീവിച്ചിരിക്കുമ്പോള്‍ മാതപിതാക്കളുടെ കയ്യില്‍ നമ്മള്‍ക്ക് പൂക്കള്‍ കൊടുക്കാം. വാർദ്ധക്യത്തിലായിരിക്കുന്ന മാതാപിതാക്കളെ ബഹുമാനിക്കേണ്ടതും സംരക്ഷിക്കേണ്ടതും ഓരോ മക്കളുടെയും കടമയും, ഉത്തരവാദിത്വവും ആണന്ന് ഞാന്‍ പൂര്‍ണമായി വിശ്വസിക്കുന്നു.

Ads by Google
Advertisement
Tuesday 14 Mar 2017 07.14 PM
YOU MAY BE INTERESTED
Ads by Google
LATEST NEWS
Ads by Google
TRENDING NOW