സംഭരണ ഏജന്‍സികള്‍ കൈമലര്‍ത്തി; കൊയ്‌ത നെല്ല്‌ കര്‍ഷകന്‍ പാടത്തു തള്ളി
കോട്ടയം: നിയമങ്ങളുടെ നൂലാമാലയില്‍പ്പെട്ടു നെല്ല്‌ വില്‍ക്കാന്‍ കഴിയാതെ വന്ന കര്‍ഷകന്‍, കൊയ്‌തെടുത്ത നെല്ല്‌ പാടത്തു തിരിച്ചിറക്കി. മൂന്നുദിവസം പലയിടത്തും കൊണ്ടുപോയെങ്കിലും വില്‍പ്പന നടക്കാതെ വന്നപ്പോഴാണിത്‌. നീണ്ടൂര്‍ കല്ലറ ചിറയില്‍കണ്ടത്തില്‍ പാട്ടത്തിനെടുത്ത പാടശേഖരത്തില്‍ കൃഷിയിറക്കിയ കല്ലറ കുന്നത്ത്‌ ചാക്കോയാണു പെരുവഴിയിലായത്‌.
നെല്‍ക്കൃഷി പോത്സാഹിപ്പിക്കാനായി സര്‍ക്കാര്‍ വ്യാപകമായ പ്രചാരണം നടത്തുന്നവേളയിലാണു കൊയ്‌തെടുത്ത നെല്ല്‌ വില്‍ക്കാനായി കര്‍ഷകന്‍ നെട്ടോട്ടം നടത്തിയത്‌. ഏറ്റുമാനൂര്‍ ഐക്കരത്തുണ്ടത്തില്‍ സിബി ജെയിംസിന്റെ അഞ്ച്‌ ഏക്കര്‍ പാടശേഖരം പാട്ടത്തിനെടുത്താണ്‌ ചാക്കോ കൃഷി ഇറക്കിയത്‌. കഴിഞ്ഞ ആറിനാണു പാടശേഖരത്തിലെ കൊയ്‌ത്ത്‌ കഴിഞ്ഞത്‌. പന്ത്രണ്ടര ടണ്‍ നെല്ല്‌ വിളവെടുക്കാനായി. ഇതു വില്‍ക്കാനായി ചാക്കോ ആദ്യം സമീപിച്ചത്‌ സപ്ലൈകോ ഉദ്യോഗസ്‌ഥരെയാണ്‌. കൃഷി വകുപ്പില്‍നിന്നുള്ള കത്തുമായി വന്നാല്‍ മാത്രമേ നെല്ല്‌ സംഭരിക്കാന്‍ കഴിയൂ എന്ന നിലപാടാണു ഉദ്യോഗസ്‌ഥര്‍ സ്വീകരിച്ചത്‌.
ഇതനുസരിച്ച്‌ കല്ലറ കൃഷി ഓഫീസിനെ സമീപിച്ചപ്പോള്‍ നേരത്തേ രജിസ്‌റ്റര്‍ ചെയ്യാത്തതിനാല്‍ കത്തു നല്‍കാന്‍ കഴിയില്ലെന്ന്‌ ഉദ്യോഗസ്‌ഥര്‍ പറഞ്ഞു. കര്‍ഷകരില്‍നിന്നു നെല്ല്‌ സംഭരിക്കണമെങ്കില്‍ കൃഷി ഓഫീസില്‍ രജിസ്‌റ്റര്‍ ചെയ്യണമെന്നാണു നിയമം. ചാക്കോ ഇത്തരത്തില്‍ രജിസ്‌റ്റര്‍ ചെയ്‌തിരുന്നില്ല. ഇതേത്തുടര്‍ന്ന്‌ ഓയില്‍ പാം ഇന്ത്യയുടെ ഉടമസ്‌ഥതയിലുളള വെച്ചൂര്‍ മോഡേണ്‍ റൈസില്‍ നെല്ലു കൊടുക്കുന്നതിനായി കൃഷി വകുപ്പില്‍ നിന്നു കത്ത്‌ നല്‍കി. നെല്ലുമായി മില്ലിലെത്തിയപ്പോള്‍ കിലോഗ്രാമിനു 14.70 രൂപ നിരക്കിലേ സംഭരിക്കാന്‍ കഴിയൂ എന്നായിരുന്നു അധികൃതരുടെ മറുപടി.
സപ്ലൈകോ ഒരു കിലോ നെല്ല്‌ 22.70 രൂപയ്‌ക്ക്‌ സംഭരിക്കുമ്പോഴാണു കൊടിയ ചൂഷണം. ഇത്രയും കുറഞ്ഞ വിലയ്‌ക്ക്‌ വില്‍ക്കുന്നില്ലെന്ന്‌ തീരുമാനിച്ച കര്‍ഷകന്‍ നെല്ലുമായി നീണ്ടൂര്‍ സഹകരണ ബാങ്കിനെ സമീപിച്ചു. ആദ്യം സമീപിച്ചപ്പോള്‍ ഇന്നലെ നെല്ലുമായി എത്താനാണ്‌ ബാങ്ക്‌ അധികൃതര്‍ പറഞ്ഞത്‌. ഇതനുസരിച്ച്‌ ലോറിയില്‍ കയറ്റിയ നെല്ലുമായി ബാങ്കില്‍ എത്തിയപ്പോള്‍ ഈര്‍പ്പം കൂടുതലാണെന്നും സംഭരിക്കാനാകില്ലെന്നും പറഞ്ഞു. ഇതേത്തുടര്‍ന്ന്‌ സഹികെട്ട കര്‍ഷകന്‍ നെല്ലുമായി പടത്തേക്കു പോരുകയായിരുന്നു. അരിവില കുത്തനെ ഉയരുന്നെന്ന മുറവിളിക്കിടെയാണ്‌ നെല്ല്‌ സംഭരിക്കാന്‍ പോലും ഏജന്‍സികള്‍ തയാറാകാത്തത്‌.
ഷാലു മാത്യു
LATEST NEWS
- കടല്ക്ഷോഭം പതിവായി; ആനുകൂല്യങ്ങളില്ല തീരദേശവാസികള് ദുരിതത്തില്
- ഡി.വൈ.എഫ്.ഐ. നേതാവ് ലോഡ്ജ്മുറിയില് ജീവനൊടുക്കി
- പാന് കാര്ഡിന് അപേക്ഷിച്ചു; ആധാര് കാര്ഡ് കിട്ടി
- ''ഞങ്ങളെ തൂക്കിലേറ്റൂ, അല്ലെങ്കില് സ്വന്തം വീട്ടില് ജീവിക്കാന് അനുവദിക്കൂ''
- മനുഷ്യാവകാശ കമ്മിഷന് അധ്യക്ഷന് ആ പണിയെടുത്താല് മതി: പിണറായി
TRENDING NOW
-
എറണാകുളത്ത് ചവിട്ടിക്കൊല, ഇടുക്കിയില് പ്രതികളില്നിന്നു കൈക്കൂലി; പോലീസിന് അപമാനമായി റൂറല് എസ്.പി യുടെ സ്ക്വാഡ്
-
സത്യത്തില് ഈ നോട്ടുകളൊക്കെ എങ്ങോട്ടു പോയി? എ.ടി.എം. കൗണ്ടറുകള് കാലിയായത് ഇങ്ങനെ...
-
നിങ്ങളുടെ ഫെയ്സ്ബുക്ക് അക്കൗണ്ടില് ഈ 8 കാര്യങ്ങള് അറിഞ്ഞോ അറിയാതെയോ നല്കിയിട്ടുണ്ടെങ്കില് ഡിലീറ്റ് ചെയ്യൂ... അല്ലെങ്കില് പണി ഉറപ്പ്
-
ഖത്തറില് നിന്നും അലിഭായി പറന്നിറങ്ങിയത് ചിക്കന് പോക്സുമായി; കൂട്ടുപ്രതികള്ക്കും രോഗം; ചോദ്യം ചെയ്യല് ഇനി എങ്ങനെ... പുലിവാലു പിടിച്ച് പോലീസ്
-
കൊല്ലപ്പെട്ട രാജേഷുമായി ഒന്നിച്ച് ജീവിക്കാന് ആഗ്രഹിച്ചിരുന്നു; കൊല്ലിച്ചത് താനോ സത്താറോ അല്ല; മൂന്നാമനിലേയ്ക്ക് വിരല് ചൂണ്ടി നൃത്താധ്യാപികയുടെ വെളിപ്പെടുത്തല്
-
തമിഴിലെ സൂപ്പര്താരങ്ങള് കേരളത്തിലായിരുന്നുവെങ്കില് ആത്മഹത്യ ചെയ്തേനേ... വർണവിവേചനത്തേക്കുറിച്ച് സന്തോഷ് പണ്ഡിറ്റ്
-
ഖല്ബിലൊരു പന്തുകളി
-
'ചക്ക' നമ്മുടെ മാത്രമല്ല, തമിഴ്നാടിന്റെയും ഔദ്യോഗിക ഫലമാണ്; അറിയാം കുറേ ചക്ക വിശേഷങ്ങള്...
-
ഹാക്കിംഗ്വഴി തട്ടിയെടുത്തത് കോടികള്, ബാങ്കുകളെ വട്ടംചുറ്റിച്ച 'ഡോണ്' പിടിയില്; തട്ടിപ്പിന്റെ വഴികള്കണ്ട് അമ്പരന്ന് 5 സംസ്ഥാനങ്ങളിലെ പോലീസ്
-
ഒറ്റ കണ്ണിറുക്കല് കൊണ്ട് ലോകത്തെ കയ്യിലെടുത്ത പ്രിയ വാര്യരെക്കുറിച്ച് അച്ഛന് പ്രകാശ് വാര്യര്ക്ക് പറയാനുള്ളത്
-
സഞ്ചാരികളെ ഭീതിയുടെ മുള്മുനയില് നിര്ത്തി ബോട്ടിനടിയില് വാ തുറന്ന് തിമിംഗലം; ചിത്രം വൈറലാകുന്നു
-
കണ്ടറിയേണ്ട ക്യാപ്റ്റന്
