വെട്ടേറ്റ ബി.ജെ.പി. നേതാവ്‌ മരിച്ചു; കൊല്ലത്ത്‌ ഇന്നു ഹര്‍ത്താല്‍
കടയ്‌ക്കല്‍(കൊല്ലം): ഉത്സവഘോഷയാത്രയ്‌ക്കിടെ ബി.ജെ.പി-സി.പി.എം. സംഘര്‍ഷത്തില്‍ ഗുരുതരമായി പരുക്കേറ്റു ചികിത്സയിലായിരുന്ന ബി.ജെ.പി. നേതാവ്‌ മരിച്ചു. ബി.ജെ.പി. കടയ്‌ക്കല്‍ പഞ്ചായത്ത്‌ സമിതി പ്രസിഡന്റും റിട്ട. എസ്‌.ഐയുമായ കടയ്‌ക്കല്‍ കാഞ്ഞിരത്തുംമൂട്‌ തെങ്ങുവിള വീട്ടില്‍ എ. രവീന്ദ്രനാഥ്‌(58) ആണ്‌ മരിച്ചത്‌. സംഭവത്തില്‍ പ്രതിഷേധിച്ച്‌ കൊല്ലം ജില്ലയില്‍ ഇന്നു രാവിലെ ആറു മുതല്‍ വൈകിട്ട്‌ ആറുവരെ ഹര്‍ത്താലിന്‌ ബി.ജെ.പി. ആഹ്വാനം ചെയ്‌തു. കഴിഞ്ഞ രണ്ടിന്‌ ചിതറ മുതയില്‍ പീഠിക ദേവി ക്ഷേത്രത്തിലെ ഉത്സവഘോഷയാത്രക്കിടെ സി.പി.എം. പ്രവര്‍ത്തകര്‍ എ. രവീന്ദ്രനാഥിനെ വെട്ടിപ്പരുക്കേല്‍പ്പിക്കുകയായിരുന്നു. തിരുവനന്തപുരം മെഡിക്കല്‍ കോളജ്‌ ആശുപത്രിയില്‍ ചികിത്സയിലിരിക്കെ ഇന്നലെ രാവിലെയോടെയാണു മരണം.
പൊതുജനരംഗത്ത്‌ ശ്രദ്ധേയനായതു മുതല്‍ രവീന്ദ്രനാഥിനെതിരേ സി.പി.എം പ്രവര്‍ത്തകര്‍ നിരന്തരം ആക്രമണം നടത്തിയിരുന്നതായി ബി.ജെ.പി. ആരോപിച്ചു. ചികിത്സ ലഭിക്കാന്‍ വൈകിയതാണു മരണകാരണമെന്നു ഡോക്‌ടര്‍മാര്‍ വ്യക്‌തമാക്കി. സംഭവസ്‌ഥലത്തും കടയ്‌ക്കല്‍ താലൂക്ക്‌ ആശുപത്രി പരിസരത്തും ചികിത്സ ലഭിക്കാതെ രക്‌തം വാര്‍ന്ന്‌ രവീന്ദ്രനാഥ്‌ ഏറെ നേരം കിടന്നു. ഒടുവില്‍ പോലീസ്‌ ബലപ്രയോഗത്തില്‍ സി.പി.എം. പ്രവര്‍ത്തകരെ മാറ്റിയാണ്‌ രവീന്ദ്രനാഥിനെ കടയ്‌ക്കല്‍ താലൂക്ക്‌ ആശുപത്രിയിലെത്തിച്ചത്‌. രവീന്ദ്രനാഥിനെ വാഹനത്തില്‍നിന്ന്‌ ഇറക്കുന്നതിനോ, പ്രാഥമിക ചികിത്സ നല്‍കുന്നതിനോ സാധിക്കാത്തവിധത്തില്‍ സി.പി.എം. പ്രവര്‍ത്തകര്‍ കടയ്‌ക്കല്‍ താലൂക്ക്‌ ആശുപത്രി പരിസരം ഉപരോധിച്ചിരുന്നു. തുടര്‍ന്ന്‌ തിരുവനന്തപുരം മെഡിക്കല്‍ കോളജ്‌ ആശുപത്രിയില്‍ കൊണ്ടുപോകാതിരിക്കാന്‍ ആംബുലന്‍സും തടഞ്ഞുവച്ചു. പോസ്‌റ്റ്‌മോര്‍ട്ടത്തിന്‌ ശേഷം ഇന്നു ഉച്ചയ്‌ക്ക്‌ 12ന്‌ നിലമേലില്‍ എത്തിക്കുന്ന മൃതദേഹം വിലാപയാത്രയോടെ ചിതറ കാഞ്ഞിരത്തും മൂട്ടിലെ സ്വവസതിയില്‍ എത്തിക്കും. ഭാര്യ: ജയ, മക്കള്‍: രഞ്‌ജിത്‌, രേഷ്‌മ. സംഘര്‍ഷ സാധ്യത കണക്കിലെടുത്ത്‌ കൊല്ലം സിറ്റി പോലീസ്‌ കമ്മിഷണര്‍, കൊല്ലം റൂറല്‍ എസ്‌.പി, പുനലൂര്‍ എ.എസ്‌.പി .എന്നിവരുടെ നേതൃത്വത്തില്‍ വന്‍ പോലീസ്‌ സംഘം സ്‌ഥലത്ത്‌ ക്യാമ്പ്‌ ചെയ്യുന്നുണ്ട്‌.
LATEST NEWS
TRENDING NOW
-
കെനിയയിലെ ഗര്‍ഭിണികള്‍ തിന്നുന്നത് പുളിമാങ്ങയൊന്നുമല്ല; കല്ലുകളും മണലും ചേറും
-
ബൈക്കില് നിന്ന് വീണ ശരത്ലാലിനെ ആഞ്ഞുവെട്ടി; കൊണ്ടത് കൃപേഷിന്റെ തലയ്ക്ക്, കൃത്യത്തിന് ശേഷം പുതിയ വാള് ഉപേക്ഷിക്കാന് ഒരാള് മാത്രം തയ്യാറായില്ല: പ്രതികളുടെ വിവരണം കേട്ട് പോലീസ്‌ പോലും ഞെട്ടി
-
ചാവേറിനെ തെരഞ്ഞെടുത്തതു നറുക്കെടുപ്പിലൂടെ...സ്ത്രീകളെയും കുട്ടികളെയും ഉപയോഗിച്ച് തലച്ചുമടായി സ്ഫോടകവസ്തുക്കള് അതിര്ത്തി കടത്തി
-
പെണ്‍കുട്ടികളെ മാത്രം പ്രസവിക്കുന്നു...; ഭാര്യയേയും നാല് മക്കളെയും ദുബായില്‍ ഉപേക്ഷിച്ച് പ്രവാസി മലയാളി
-
ജഗതിയുടെ തിരിച്ചുവരവ് പ്രഖ്യാപിച്ച ആ ഫേസ്ബുക്ക് പേജ് വ്യാജമെന്ന് മകള്‍ പാര്‍വതി
-
വില്യം-ഹാരി രാജകുമാരന്മാര്‍ വേര്‍പിരിയലിന്റെ വക്കില്‍; വില്ലത്തിയായത് മേഗന്‍..?
-
സംസ്‌കാരത്തെ തകര്‍ക്കുന്നു; ജനപ്രിയ സോഷ്യല്‍ മീഡിയ ആപ്ലിക്കേഷനായ ടിക് ടോക് നീരോധിക്കണമെന്ന് ആവശ്യം
-
തടി കൂടിയതോടെ കാമുകന്‍ പിന്മാറി; മധുരപ്രതികാരമായി 10 കിലോയില്‍ നിന്ന് 45 കിലോ കുറച്ച് കാമുകി
-
കാറിനും സ്കൂട്ടറിനും ഒരേ നമ്പര്...; സ്കൂട്ടര് ഉടമ പിഴ പിഴയൊടുക്കേണ്ടിവന്നത് അതേ നമ്പരിലുള്ള കാര് പാര്ക്ക് ചെയ്തതിന്; ജാഗ്രതൈ... വ്യാജന്മാര് വിലസുന്നു
-
ഒരു കളക്ടറെ നേരില് കണ്ട് സംസാരിക്കണം എന്ന മോഹം ഐഎഎസുകാരിയാക്കി; മലയാളികളുടെ ചങ്കൂറ്റമായ സബ്കളക്ടര് രേണു രാജ് പഠിച്ചത് ഡോക്ടറാകാന്...
-
ഈ സിനിമ ‘കാണരുത്’ ! അനുഭവിക്കണം- കുമ്പളങ്ങി നൈറ്റ്സ്; കവിതപോലൊരു സിനിമ
-
ശസ്ത്രക്രിയയ്ക്കിടെ രോഗിയുടെ വയറ്റില്‍ ഡോക്ടര്‍ ചവണ മറന്നുവെച്ചു; വീണ്ടും വയറുകീറി പുറത്തെടുത്തു
