Thursday, March 30, 2017 Last Updated 13 Min 13 Sec ago English Edition
Todays E paper
Monday 09 Jan 2017 02.57 PM

പുതുദാമ്പത്യത്തിന്റെ പദവിന്യാസങ്ങള്‍

uploads/news/2017/01/68995/weeklyrajasreewair.jpg

അവതാരകയും നര്‍ത്തകിയുമായ രാജശ്രീവാര്യരുടെ വിവാഹശേഷമുള്ള ആദ്യത്തെ പുതുവത്സരമാണ് ഇത്. പുതിയ ജീവിതത്തെക്കുറിച്ച് രാജശ്രീ.

കൈയും മെയ്യും മനസ്സും ഒന്നാകുമ്പോഴാണ് നൃത്തം കാണികളുടെ മനസ്സില്‍ കുളിര്‍മ്മയുണ്ടാക്കുന്നത്. അങ്ങനെ പ്രേക്ഷകരുടെ മനസ്സിന് കുളിര്‍മ്മയേകാന്‍ ഒരു യഥാര്‍ത്ഥ നര്‍ത്തകിക്കേ കഴിയൂ.

ജീവിതത്തില്‍ ഒറ്റപ്പെട്ടു നിന്ന സമയത്തും രാജശ്രീ നൃത്തം കൈവിട്ടില്ല. ഏകാന്തജീവിതം അവസാനിപ്പിച്ച് തന്റെ സുഹൃത്ത് കൂടിയായ അനില്‍കുമാറിനൊപ്പം പുതിയൊരു ജീവിതംതുടങ്ങിയിരിക്കുകയാണ് രാജശ്രീ.

പുതുവര്‍ഷത്തില്‍ കൂട്ടിനൊരാളും വന്നു. പുതിയ ജീവിതത്തെക്കുറിച്ച്?


പുതിയ ആളൊന്നുമല്ല അനില്‍. വര്‍ഷങ്ങളായി എന്റെ നല്ല സുഹൃത്തായിരുന്നു. ഒരു കൂട്ടുവേണമെന്ന് തോന്നിയപ്പോള്‍ അത് നമ്മളെ അറിയുന്ന, മനസ്സിലാക്കുന്ന ഒരാളാകുന്നതാണ് നല്ലതെന്ന് തോന്നി. കെ.എസ്.ഇ.ബി.യില്‍ എഞ്ചിനീയറാണ് അനില്‍.

അദ്ദേഹത്തിന്റെ ആദ്യ വിവാഹമാണ്. ജീവിതത്തില്‍ വിവാഹമേ വേണ്ടെന്ന് കരുതി ജീവിച്ച ആളാണ് അദ്ദേഹം. എന്റെ വീട്ടില്‍ എല്ലാവര്‍ക്കും അദ്ദേഹത്തെ അറിയാം. വിവാഹക്കാര്യം സംസാരിച്ചപ്പോള്‍ എല്ലാവര്‍ക്കും സമ്മതം. മകള്‍ക്കും പൂര്‍ണ്ണ സമ്മതം. അങ്ങനെ പെട്ടെന്ന് തീരുമാനിച്ച് വളരെ പെട്ടെന്നായിരുന്നു വിവാഹം. കഴിഞ്ഞ സെപ്തംബര്‍ 11-ന്.

ദൃശ്യ- ശ്രവ്യ മാധ്യമങ്ങളുടെ തുടക്കകാലത്ത് മാധ്യമരംഗത്ത് പ്രവര്‍ത്തിക്കാന്‍ സാധിച്ചു?


87 - കാലഘട്ടത്തില്‍ തിരുവനന്തപുരത്ത് നടന്ന കുട്ടികളുടെ നൃത്തമത്സരത്തില്‍ എനിക്കായിരുന്നു ഒന്നാംസ്ഥാനം. അതുകഴിഞ്ഞ് ദൂരദര്‍ശനില്‍ നൃത്തമവതരിപ്പിക്കാന്‍ ക്ഷണം. ആ സമയത്താണ് ആകാശവാണിയില്‍ 'വിദ്യാര്‍ത്ഥികള്‍ക്ക്' എന്ന പ്രോഗ്രാമിലേക്ക് നന്നായി മലയാളം സംസാരിക്കുന്ന കുട്ടികളെ സ്‌കൂളില്‍ നിന്നും തെരഞ്ഞെടുത്തത്. അതിലും അവസരം കിട്ടി.

എന്റെ സംഗീത അദ്ധ്യാപകനായ പെരുമ്പാവൂര്‍ ജി. രവീന്ദ്രനാഥ്‌സാര്‍ ആകാശവാണിയിലെ സ്റ്റാഫായിരുന്നു. അദ്ദേഹത്തിന്റെ പ്രോഗ്രാമുകളിലൂടെ പാടുകയും ചെയ്തു. ആകാശവാണിയിലുണ്ടായിരുന്നവര്‍ ദൂരദര്‍ശനിലേക്ക് ട്രാന്‍സ്ഫറായി വന്ന സമയം. അവരാണ് എന്നോട് പരിപാടിയുടെ അവതാരകയാകാമോ എന്ന് ചോദിക്കുന്നത്.

നൃത്തവും സംഗീതവുമല്ലാതെ അവതരണത്തിന്റെ ശൈലിപോലും എനിക്കറിയില്ല. പ്രീഡിഗ്രിക്ക് പഠിക്കുന്ന സമയത്ത് സമീക്ഷ എന്ന സാഹിത്യപരിപാടി അവതരിപ്പിച്ചു. അതുവരെ ടെലിവിഷനില്‍ അവതരണം എന്നൊരു ശൈലിയുണ്ടായിരുന്നില്ല.

മലയാളത്തില്‍ ആദ്യമായി അവതരണം ചെയ്ത പരിപാടിയായി സമീക്ഷ മാറി. ഒ.എന്‍.വി, വിഷ്ണുനമ്പൂതിരി, കൈതപ്രം തുടങ്ങിയവരുടെ പങ്കാളിത്തം സമീക്ഷയുടെ ലെവല്‍ തന്നെ മാറ്റി. വയലാറിന്റെ കവിതകള്‍ ഈ പ്രോഗ്രാമിലൂടെ അവതരിപ്പിച്ച് ആ വര്‍ഷത്തെ നാനാ ടെലിവിഷന്‍ അവാര്‍ഡും കരസ്ഥമാക്കി.

തുടര്‍ന്ന് ലൈവ്‌പ്രോഗ്രാം, ന്യൂസ് പ്രോഗ്രാം എല്ലാം അവതരിപ്പിക്കാന്‍ സാധിച്ചു. എം.ടി.ക്ക് ജ്ഞാനപീഠം കിട്ടിയ വര്‍ഷം തിരുവനന്തപുരത്ത് സംഘടിപ്പിച്ച പ്രോഗ്രാം അവതരിപ്പിക്കാന്‍ അവസരം ലഭിച്ചു.

സുപ്രഭാതം എന്ന പ്രോഗ്രാമിലൂടെ പ്രേക്ഷകരുടെ പ്രിയങ്കരിയായി മാറി?


ഏഷ്യാനെറ്റ് തുടങ്ങിയ സമയത്ത് തന്നെ അവിടുത്തെ ടീമിനൊപ്പം പ്രവര്‍ത്തിക്കാന്‍ സാധിച്ചു. അവതരണശൈലിയില്‍ നിന്നും വേറിട്ടൊരനുഭവം തന്നെയായിരുന്നു സുപ്രഭാതം പരിപാടി. ഒരു ദിവസം രാവിലെ അഞ്ചുമണിക്ക് എന്റെ ഫോണിലേക്ക് വിളി വന്നു. ആറരയ്ക്ക് യേശുദാസ് സ്റ്റുഡിയോയില്‍ എത്തും. അദ്ദേഹത്തെ ഇന്റര്‍വ്യൂ ചെയ്യണം.

എനിക്കാകെ ടെന്‍ഷനായി. രണ്ടു പേരാണ് ഈ പരിപാടി അവതരിപ്പിക്കുന്നത്. ഒന്ന് എന്റെ അദ്ധ്യാപകന്‍ കൂടിയായ ടി.എന്‍ ഗോപകുമാര്‍സാര്‍, മറ്റൊന്ന് ഞാന്‍. ജേണലിസ്റ്റ് വ്യൂവിലൂടെ അദ്ദേഹം ചോദിക്കും, ഞാന്‍ മറ്റൊരു ആംഗിള്‍ കണ്ടുപിടിക്കണം.

ഒരു ഇന്റര്‍വ്യൂ കഴിയുമ്പോള്‍ തന്നെ ആളുകള്‍ മടുത്തുതുടങ്ങും. അതുകൊണ്ട് ഗസ്റ്റുകളുടെ മൂഡ് നോക്കി വേണം സംസാരിക്കാന്‍. ഗോപകുമാര്‍ സാറിന്റെ ഇന്റര്‍വ്യൂ കഴിഞ്ഞു. പേടിച്ചിട്ടാണ് ഞാന്‍ ദാസ്‌സാറിന്റെ അരികിലെത്തുന്നത്. പക്ഷേ ഒരു മകളോടെന്നപോലെ സ്‌നേഹത്തോടും വാത്സല്യത്തോടുമാണ് അദ്ദേഹം എന്നോട് പെരുമാറിയത്.

TRENDING NOW