Tuesday, January 10, 2017 Last Updated 32 Min 16 Sec ago English Edition
Todays E paper
Monday 02 Jan 2017 12.16 PM

തൊട്ടുരുമ്മിയുള്ള സെല്‍ഫി അനുവദിക്കില്ലെന്ന് യേശുദാസ്

uploads/news/2017/01/66527/yesudas-1.jpg

തിരുവനന്തപുരം : തൊട്ടുരുമ്മിയുള്ള സെല്‍ഫിയ്‌ക്കെതിരെ ഗായകന്‍ കെ.കെ യേശുദാസ്. സെല്‍ഫി വന്നതോടെ പുറത്തിറങ്ങിയാല്‍ തൊട്ടുരുമ്മി നിന്ന് ഫോട്ടോ എടുക്കാനുള്ളവരുടെ തിക്കും തിരക്കുമാണ് എങ്ങും. എന്നാല്‍ താന്‍ അത് വിലക്കിയെന്നും യേശുദാസ് പറഞ്ഞു.

എണ്‍പതുകള്‍ക്ക് മുന്‍പ് പുറത്ത് എവിടെയെങ്കിലും പോകുമ്പോള്‍ ഒരു പെണ്‍കുട്ടി വന്ന് ഒരു ഫോട്ടോ എടുത്തോട്ടെ എന്ന് ചോദിക്കാറില്ലായിരുന്നു. അതായിരുന്നു ആ തലമുറയുടെ അടക്കവും ഒതുക്കവും. അക്കാലത്ത് ആരെങ്കിലും അടുത്തെത്തി 'ഇത് എന്റെ ഭാര്യയാണ്, ഇതെന്റെ മകളാണ്' എന്നൊക്കെ പരിചയപ്പെടുത്തിയാലും അവര്‍ ഒരു അകലം പാലിക്കുമായിരുന്നു. എന്നാല്‍, ഇന്ന് സ്ഥിതി ആകെ മാറിയിരിക്കുന്നുവെന്നും ഇത് കുറ്റപ്പെടുത്തലല്ലെന്നും യേശുദാസ് കൂട്ടിച്ചേര്‍ത്തു.

ഒപ്പം നിന്ന് ഫോട്ടോ എടുക്കുന്നതില്‍ വിരോധമില്ല. എന്നാല്‍, തൊട്ടുരുമ്മിയുളള സെല്‍ഫി പറ്റില്ലെന്ന് ആണിനെയും പെണ്ണിനെയും താന്‍ ഒരുപോലെ വിലക്കിയിട്ടുണ്ടെന്നും യേശുദാസ് പറഞ്ഞു. സ്ത്രീകള്‍ ജീന്‍സ് ധരിക്കുന്നതിനെതിരെ യേശുദാസ് നടത്തിയ പരാമര്‍ശം മുന്‍പ് വിവാദമായിരുന്നു.

Ads by Google
Monday 02 Jan 2017 12.16 PM
YOU MAY BE INTERESTED
TRENDING NOW