Monday, February 19, 2018 Last Updated 20 Min 50 Sec ago English Edition
Todays E paper
Ads by Google
Tuesday 01 Nov 2016 09.11 AM

ഇന്ന് 85ാമത് അഖിലകേരള ക്ഷേത്രപ്രവേശന ദിനം

uploads/news/2016/11/47289/guruvayoor.jpg

ക്ഷേത്രത്തില്‍ നിലനിന്ന അനാചാരങ്ങളെ വെളിച്ചത്തുകൊണ്ടുവന്ന ഗുരുവായൂര്‍ സത്യാഗ്രഹത്തിന് ഇന്ന് (നവംബര്‍ ഒന്ന്)
85 വയസ്. എല്ലാ ഹിന്ദുക്കള്‍ക്കും ക്ഷേത്രത്തില്‍ പ്രവേശിപ്പിക്കണമെന്നാവശ്യപ്പെട്ട പ്രമേയം വടകരയില്‍ ചേര്‍ന്ന കെപിസിസി യോഗം പാസാക്കിയതോടെയാണ് പ്രശസ്തമായ സത്യാഗ്രഹത്തിന് തുടക്കം കുറിച്ചത്. തുടര്‍ന്ന് കേരള ഗാന്ധി കെ. കേളപ്പന്‍, പി. കൃഷ്ണപിള്ള, സുബ്രഹ്മണ്യന്‍ തീരുംമുന്‍പ് എന്നിവര്‍ നേതൃത്വം നല്‍കിയ സത്യാഗ്രഹം ഗുരുവായൂര്‍ ക്ഷേത്രത്തിന് സമീപം നടന്നു.

എന്നാല്‍ ക്ഷേത്രത്തിലേക്കുള്ള പ്രവേശനം സ്വാതന്ത്ര്യ സമരത്തിന്റെ ഭാഗമല്ലെന്ന് ഒരു വിഭാഗം കോണ്‍ഗ്രസുകാര്‍ ആളുകള്‍ വാദിച്ചിരുന്നു.

1931 ഒക്ടോബര്‍ പതിനെട്ടിനു കോഴിക്കോടു വെച്ചു കൂടിയ പ്രത്യേക കെ.പി.സി.സി യോഗത്തില്‍ നവംബര്‍ ഒന്നിന് ഗുരുവായൂര്‍ ക്ഷേത്ര നടക്കല്‍ സമരം ആരംഭിക്കാന്‍ തീരുമാനിക്കുകയായിരുന്നു. തുടര്‍ന്ന് സമരത്തിന് മുന്നോടിയായി ഒരു സംഘം സ്ത്യാഗ്രഹികള്‍ കണ്ണൂരില്‍ നിന്നും കാല്‍നടയായി ഗുരുവായൂരുലേക്ക് തിരിക്കുകയും ഒന്നിന് നിരാഹാരസമരം ആരംഭിക്കുകയും ചെയ്തു. അതിനുശേഷം ഈ ദിവസം ക്ഷേത്രപ്രവേശന ദിനമായി ആചരിക്കപ്പെടുന്നു.

ക്ഷേത്രനട തുറക്കുന്ന സമയമായ മൂന്ന് മണി മുതലാണ് സത്യാഗ്രഹം ആരംഭിക്കുന്നത്. എന്‍.എസ്.എസ്., എസ്.എന്‍.ഡി.പി, ഉണ്ണിനമ്പൂതിരി സഭ അടക്കമുള്ള സാമൂദായിക സംഘടനകളുടെ പിന്തുണയോടെയായിരുന്നു സമരം. സമരത്തിന് ശക്തിയാര്‍ജ്ജിച്ചതോടെ എല്ലാവരേയും പോലീസ് അറസ്റ്റ് ചെയ്തു ജയിലിലേക്ക് മാറ്റി.

അറസ്‌റ്റോടെ മന്ദഗതിയിലായ സമരം ആറുമാസത്തിന് ശേഷം പി കൃഷണപിള്ള ക്ഷേത്രത്തിലെ ബൃാഹ്മണര്‍ക്ക് മാത്രം അവകാശമുണ്ടായിരുന്ന മണി മുഴക്കി തൊഴുതു. കൊടിയ മര്‍ദ്ദനങ്ങള്‍ ഏറ്റുവാങ്ങിയാണ് കൃഷ്ണപിള്ള സമരം നടത്തിയത്. ഇതോടെ വീണ്ടും ശക്തിയാര്‍ജിച്ച സമരം വീണ്ടും ജനങ്ങള്‍ ഏറ്റെടുത്തു. ദേശീയ തലത്തില്‍ ശ്രദ്ധയാകര്‍ഷിച്ച സമരത്തിന് പിന്നീട് ഗാന്ധിജിയുടെ പിന്തുണയും ലഭിച്ചിരുന്നു.

Ads by Google
Tuesday 01 Nov 2016 09.11 AM
YOU MAY BE INTERESTED
Ads by Google
TRENDING NOW