Friday, July 19, 2019 Last Updated 3 Min 22 Sec ago English Edition
Todays E paper
Ads by Google
Friday 19 Jul 2019 08.53 PM

ഇന്‍ഡോനേഷ്യന്‍ ഓപ്പണ്‍ ബാഡ്മിന്റണ്‍ : പി.വി സിന്ധു സെമിയില്‍

P V Sindhu, Semifinals, Indonesian Tournament

ജക്കാര്‍ത്ത : ഇന്‍ഡോനേഷ്യന്‍ ഓപ്പണ്‍ ബാഡ്മിന്റണ്‍ ടൂര്‍ണമെന്റില്‍ ഇന്ത്യയുടെ പി വി സിന്ധു സെമിയില്‍. ജപ്പാന്റെ നൊസാമി ഒകുഹാരയെ കീഴടക്കിയാണ് സിന്ധു സെമിയില്‍ കടന്നത്. നേരിട്ടുള്ള ഗെയിമുകളിലായിരുന്നു സിന്ധുവിന്റെ വിജയം. സ്‌കോര്‍ 21-14, 21-7.

ടൂര്‍ണമെന്റിലെ അഞ്ചാം സീഡിലായിരുന്നു സിന്ധു മല്‍സരിച്ചത്. മുന്‍ ലോകചാമ്പ്യനായ ഒകുഹാരക്കെതിരെ കരുത്തുറ്റ പ്രകടനമാണ് നടത്തിയത്. 44 മിനിട്ടില്‍ സിന്ധു ജയിച്ച് സെമിയില്‍ എത്തിയത്. ആദ്യ ഗെയിമിലും രണ്ടാം ഗെയിമിലും തുടക്കത്തിലെ ലീഡെടുത്ത സിന്ധു പിന്നീട് ഒരിക്കലും ലീഡ് വഴങ്ങിയില്ല.

സെമിയില്‍ ചൈനയുടെ ചെന്‍ ഫീയാണ് എതിരാളി. അമേരിക്കയുടെ ബൈവന്‍ സാംഗിനെ പരാജയപ്പെടുത്തിയാണ് ചെന്‍ ഫീ സെമിയില്‍ എത്തിയത്. ഒന്നിനെതിരെ രണ്ട് ഗെയിമുകള്‍ക്കാണ് ചെന്‍ ഫീ ബൈവന്‍ സാംഗിനെ കീഴടക്കിയത്.
ചെന്‍ ഫീക്കെതിരെ കളിച്ച ഏഴ് മത്സരങ്ങളില്‍ നാലെണ്ണത്തിലും ജയം സിന്ധുവിനായിരുന്നു. മൂന്ന് മല്‍സരത്തില്‍ പരാജയപ്പെട്ടു.

Ads by Google
Ads by Google
Loading...
TRENDING NOW