Wednesday, July 17, 2019 Last Updated 2 Min 39 Sec ago English Edition
Todays E paper
Ads by Google
Wednesday 17 Jul 2019 04.36 PM

ചൈനീസ് ടെക് ബ്രാന്‍ഡായ ബേസ്യുസ് ഇന്ത്യയിലേക്ക് എത്തുന്നു

these are the attractive gadgets introduced by the new chinese brand baseus to the indian tech market

ഇന്ത്യന്‍ മാര്‍ക്കറ്റിലേക്ക് ചൈനീസ് ടെക് ബ്രാന്‍ഡായ ബേസ്യുസ് എത്തുന്നു. പ്രധാനമായും ഇലക്ട്രോണിക് ആക്‌സസറീസ് വില്‍പ്പനയിലാണ് ബേസ്യൂസ് മുന്‍പന്തിയിലുള്ളത്. baseus.com എന്ന വെബ്‌സൈറ്റിലും അതോടൊപ്പം റീടെയ്ല്‍ ഷോപ്പുകളിലും ബേസ്യുസ് ഉല്‍പ്പന്നങ്ങള്‍ ഉടന്‍ എത്തും. ഇയര്‍ഫോണ്‍, പവര്‍ ബാങ്ക്, ഫ്‌ലാഷ് ചാര്‍ജര്‍, ഗെയിമിങ് ജോയ്സ്റ്റിക്, ബ്ലുടൂത്ത് സ്പീക്കര്‍ തുടങ്ങുന്ന ഉല്‍പ്പന്നങ്ങളാണ് ബേസ്യൂസ് വെബ്‌സൈറ്റിലുളളത്.

ചൈന കേന്ദ്രീകരിച്ച് പ്രവര്‍ത്തിക്കുന്ന ഷെന്‍സണ്‍ ടൈംസ് ഇന്നോവേഷന്‍ ടെക്‌നോളജി എന്ന കമ്പനിയാണ് ബെസ്യൂസ് ബ്രാന്‍ഡ് ഉടമകള്‍. ബേസ് ഓണ്‍ യൂസര്‍ എന്നതാണ് ബേസ്യൂസ് എന്ന പേര് വഴി കമ്പനി ഉദ്ദേശിക്കുന്നത്. അത്തരത്തിലുളള ബേസിക് ടെക് ഉപകരണങ്ങളാണ് ആഗോള തലത്തില്‍ ബേസ്യൂസ് വില്‍പ്പന നടത്തുന്നതും. അനുദിനം വളര്‍ന്നുകൊണ്ടിരിക്കുന്ന ഇന്ത്യന്‍ ടെക് മാര്‍ക്കറ്റിനെ ബേസ്യൂസ് അതീവ പ്രാധാന്യത്തോടെയാണ് കാണുന്നതെന്ന് കമ്പനി ജനറല്‍ മാനേജര്‍ വിവിയന്‍ വാങ് പറഞ്ഞു.

ഇന്ത്യന്‍ മാര്‍ക്കറ്റില്‍ കൈയ്യൊപ്പ് പതിപ്പിക്കുകയാണ് ലക്ഷ്യം. ഗാഡ്ജറ്റ് പ്രേമികളായ ഇന്ത്യക്കാര്‍ ബേസ്യുസിനെ ഇരുകൈയ്യും നീട്ടി സ്വീകരിക്കുമെന്നാണ് പ്രതീക്ഷ. മികച്ച ഉല്‍പ്പന്നങ്ങള്‍ ശരാശരി വിലയില്‍ അവതരിപ്പിക്കുമെന്നും 2020 ഓടെ ഇന്ത്യന്‍ മാര്‍ക്കറ്റിന്റെ 5-7 ശതമാനം വരെ നേടാനാകുമെന്നാണ് കരുതുന്നതെന്നും വിവിയന്‍ വാങ് വ്യക്തമാക്കി.

ബേസ്യൂസ് പ്രൊഡക്ടുകളില്‍ ശ്രദ്ധേയമായ ഒന്ന് ഇയര്‍ഫോണ്‍ ആണ്. 99 ശതമാനവും ചെവിയില്‍ പാകമായിരിക്കും എന്ന് കമ്പനി ഉറപ്പുനല്‍കുന്നതിനൊപ്പം തുടര്‍ച്ചയായി 7 മണിക്കൂര്‍ വരെ ഉപയോഗിച്ചാലും ബുദ്ധിമുട്ട് അനുഭവപ്പെടില്ലെന്നും കമ്പനി ഉറപ്പ് നല്‍കുന്നു. എന്‍കോക് എസ് 17 പ്രൊ എന്ന ഈ മോഡലിന് 3,999 രൂപയാണ് ഇന്ത്യന്‍ മാര്‍ക്കറ്റിലെ വില.

IPX5 സര്‍ട്ടിഫിക്കേഷനോടുകൂടിയ വാട്ടര്‍ റെസിസ്റ്റന്റ് ഫീച്ചറും ഇതില്‍ കമ്പനി അവകാശപ്പെടുന്നു. 6,999 രൂപ വിലയുളള ഡിജിറ്റല്‍ ഡിസ്‌പ്ലെ പവര്‍ സ്റ്റേഷനാണ് മറ്റൊരു ഉല്‍പ്പന്നം. ഹൈ ഡെന്‍സിറ്റി ലിഥിയം പോളിമര്‍ ബാറ്ററി 33 വാള്‍ട്ട് പവര്‍ സപ്ലെ നല്‍കും.

ടൈപ്പ് സി ലാപ്‌ടോപ്പ് അടക്കം ചാര്‍ജ് ചെയ്യാന്‍ കഴിയുന്നതാണ് പവര്‍‌സ്റ്റേഷന്‍. ഇതോടൊപ്പം സ്‌ക്രീന്‍ പ്രൊട്ടക്ഷന്‍, കേബിള്‍സ്, മിനി ഹൗസ് ഹോള്‍ഡ് ഉല്‍പ്പന്നങ്ങള്‍, മൊബൈല്‍ കേയ്‌സുകള്‍, വയര്‍ലെസ് ചാര്‍ജറുകള്‍ എന്നിങ്ങനെ ബേസിക് ഇലക്ട്രോണിക് ഉപകരണങ്ങളും ഇന്ത്യയിലേക്കെത്തുന്നുണ്ട്.

Ads by Google
Wednesday 17 Jul 2019 04.36 PM
YOU MAY BE INTERESTED
Ads by Google
Loading...
TRENDING NOW