Monday, July 15, 2019 Last Updated 6 Min 4 Sec ago English Edition
Todays E paper
Ads by Google
Monday 15 Jul 2019 07.39 PM

സംസ്ഥാനത്ത് വൈദ്യുതി നിയന്ത്രണം ഉടനില്ല : മഴ ഉണ്ടാകുമെന്ന പ്രതീക്ഷയില്‍ കെഎസ്ഇബി

KSEB, Power Cut, Rain

തിരുവനന്തപുരം : സംസ്ഥാനത്ത് വൈദ്യുതി നിയന്ത്രണം ഉടന്‍ ഉണ്ടാകേണ്ട സാഹചര്യം ഇല്ലെന്ന് കെഎസ്ഇബി. ഈ മാസം അവസാനം വരെ ഇപ്പോള്‍ തുടരുന്നതുപോലെ തുടരാനാണ് കെഎസ്ഇബിയുടെ തീരുമാനം.

വരും ദിവസങ്ങളില്‍ ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥ പ്രവചനം ഉണ്ടായിരുന്നു. ഇതിന്റെ അടിസ്ഥാനത്തിലാണ് ഉടന്‍ ലോഡ്‌ഷെഡിംഗ് വേണ്ടന്ന നിലപാടിലേക്ക് എത്തിയത്. അണക്കെട്ടുകളില്‍ സംഭരണശേഷിയുടെ 12% വെള്ളം മാത്രമേ ബാക്കിയുള്ളു. സംസ്ഥാനങ്ങളില്‍ ജല വൈദ്യുതിയുടെ ഉപയോഗത്തിന്റെ മൂന്നിലൊന്ന് മാത്രമാണ് ജല വൈദ്യുതി പദ്ധതികളില്‍ ഉത്പാദിപ്പിക്കുന്നത്.

ഈ മാസം മുപ്പത് വരെ ജല വൈദ്യുതികളെ ആശ്രയിക്കാമെന്നാണ് കെഎസ്ഇബിയുടെ നിഗമനം. അതിനുള്ളില്‍ ശക്തമായ മഴ ഉണ്ടാകുമെന്നാണ് പ്രതീക്ഷ. കേന്ദ്രവൈദ്യുതി നിലയങ്ങളില്‍ നിന്നും ലഭിക്കുന്ന വൈദ്യുതിയുടെ കുറവ് മൂലം ചില സ്ഥലങ്ങളില്‍ വൈദ്യുതി നിയന്ത്രണം ഏര്‍പ്പെടുത്തിയിരുന്നു. എന്നാല്‍ പൂര്‍ണ്ണമായും നിയന്ത്രണം ഏര്‍പ്പെടുത്തുന്നത് ഈ മാസം മുപ്പതിന് ശേഷം മാത്രമേ തീരുമാനം ഉണ്ടാവൂ എന്നാണ് ധാരണ. കൂടാതെ ഓഗസ്റ്റ് ഒന്നിന് വീണ്ടും യോഗം ചേര്‍ന്ന് മഴയുടെ അളവും അണക്കെട്ടിലെ ജലനിരപ്പും അടക്കമുള്ള സാഹചര്യങ്ങള്‍ വിശദമായി വിലയിരുത്താനും തീരുമാനമായിട്ടുണ്ട്.

Ads by Google
Ads by Google
Loading...
LATEST NEWS
TRENDING NOW