Wednesday, July 10, 2019 Last Updated 4 Min 31 Sec ago English Edition
Todays E paper
Ads by Google
Wednesday 10 Jul 2019 09.25 AM

ഗാനഗന്ധര്‍വന്‍ പോസ്റ്ററില്‍ മമ്മൂട്ടിയെ എന്തുകൊണ്ട് ചെറുതാക്കി; രമേഷ് പിഷാരടി പറയുന്നു

ganagandharwan movie poster

ജയറാം നായകനായ പഞ്ചവര്‍ണ്ണതത്ത എന്ന ഹിറ്റ് ചിത്രത്തിന് ശേഷം മമ്മൂട്ടിയെ നായകനാക്കി രമേഷ് പിഷാരടി സംവിധാനം ചെയ്യുന്ന ചിത്രമാണ് ഗാനഗന്ധര്‍വ്വന്‍. ചിത്രത്തിന്റെ പോസ്റ്റര്‍ കഴിഞ്ഞ ദിവസം പുറത്ത് വന്നിരുന്നു. ഇത് സിനിമയുടെ പോസ്റ്ററല്ല. സിനിമയ്ക്കുള്ളിലെ പോസ്റ്ററാണെന്ന് പറഞ്ഞാണ് ഇത് ലോഞ്ച് ചെയ്തത്. ഈ പോസ്റ്ററില്‍ കലാസദന്‍ ഉല്ലാസിന്റെ നമ്പറും നല്‍കിയിരുന്നു.

ഗാനഗന്ധര്‍വ്വനില്‍ കലാസദന്‍ എന്ന ട്രൂപ്പിലെ ഗായകനായാണ് മമ്മൂട്ടി എത്തുന്നത്. കലാസദന്‍ ഉല്ലാസ്. സിനിമയ്ക്കുള്ളിലെ ഈ പോസ്റ്ററില്‍ ഒരു നമ്പര്‍ നല്‍കിയിരുന്നു. പോസ്റ്റര്‍ പുറത്ത് വന്നതോടെ കലാസദന്‍ ഉല്ലാസിനെ തേടി നിരവധി പേരാണ് ഈ നമ്പറിലേക്ക് വിളിച്ചത്. ഇതോടെ അണിയറ പ്രവര്‍ത്തകര്‍ മറ്റൊരു സംവിധാനം ചെയ്തു. പോസ്റ്ററിലെ നമ്പറില്‍ വിളിച്ചാല്‍ ഒരു ശബ്ദ സന്ദേശം കിട്ടുന്ന സംവിധാനമാണ് ഇത്. '' കലാസദന്‍ ഉല്ലാസിനെ വിളിച്ചതിന് നന്ദി''- എന്നാണ് ഈ ശബ്ദ സന്ദേശം.

പുറത്ത് വന്ന പോസ്റ്ററില്‍ മമ്മൂട്ടിയുടെ ചെറിയൊരു ചിത്രമാണ് ഉപയോഗിച്ചിരിക്കുന്നത്. ഇതേ കുറിച്ച് സംവിധായകനായ പിഷാരടി തന്നെ വിശദീകരണം നല്‍കിയിട്ടുണ്ട്. '' മമ്മൂക്ക വലിയൊരു നടനാണ്. എന്നാല്‍ ഈ ചിത്രത്തിലെ കലാസദന്‍ ഉല്ലാസ് ചെറിയൊരു ഗായകന്‍ മാത്രമാണ്'' - പിഷാരടി പറയുന്നു. പുതുമുഖം വന്ദിതയാണ് ചിത്രത്തിലെ നായിക. രമേഷ് പിഷാരടിയും ഹരി.പി.നായരും ചേര്‍ന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. ഇച്ചായീസ് പ്രൊഡക്ഷന്‍സും രമേഷ് പിഷാരടി എന്റര്‍ടെയ്ന്‍മെന്റ്സുമാണ് നിര്‍മാണം.

Ads by Google
Ads by Google
Loading...
LATEST NEWS
TRENDING NOW