Thursday, July 04, 2019 Last Updated 0 Min 54 Sec ago English Edition
Todays E paper
Ads by Google
Thursday 04 Jul 2019 11.42 AM

ഷാവോമിയുടെ സിസി പരമ്പര സ്മാര്‍ട്ഫോണുകള്‍ അവതരിപ്പിച്ചു

xiaomi cc9 series smartphones launched in china

ഷാവോമി സിസി പരമ്പര സ്മാര്‍ട്ഫോണുകളായ സിസി9, സിസി9ഇ എന്നിവ ചൈനീസ് വിപണിയില്‍ അവതരിപ്പിച്ചു. ചൈനയില്‍ 1799 യുവാന്‍ വിലയ്ക്കാണ് സിസി9 സ്മാര്‍ട്ഫോണ്‍ അവതരിപ്പിച്ചത്. ഇത് ഇന്ത്യയില്‍ ഏകദേശം 18000 രൂപയോളം വരും. ഇത് സിസി9 സ്മാര്‍ട്ഫോണിന്റെ ഏറ്റവും താഴ്ന്ന പതിപ്പിനുള്ള വിലയാണ്.

6.08 ഇഞ്ച് അമോലെഡ് ഡിസ്പ്ലേയാണ് ഫോണിനുള്ളത്. ക്വാല്‍കോം സ്നാപ്ഡ്രാഗണ്‍ 665 പ്രൊസസര്‍ ഇതില്‍ ഉപയോഗിച്ചിരിക്കുന്നു. 48 എംപി, 8എംപി, 2എംപി സെന്‍സറുകളുള്ള ട്രിപ്പിള്‍ ക്യാമറ സംവിധാനമാണിതില്‍. സെല്‍ഫിയ്ക്കായി 32 മെഗാപിക്സല്‍ ക്യാമറ നല്‍കിയിരിക്കുന്നു. ഇന്‍സ്‌ക്രീന്‍ ഫിംഗര്‍പ്രിന്റ് സ്‌കാനറാണ് ഇതിലുള്ളത്.

1299 യുവാനാണ് ചൈനയില്‍ സിസി9ഇയുടെ കുറഞ്ഞ വില. ഇത് ഇന്ത്യയില്‍ ഏകദേശം 13000 രൂപ വരും. സിസി9ഇ സ്മാര്‍ട്ഫോണിന്റെ നാല് ജിബി റാം + 64 ജിബി സ്റ്റോറേജ് പതിപ്പിനാണ് ഈ വില. ഇത് കൂടാതെ ആറ് ജിബിറാം + 64 ജിബി റാം (1399 യുവാന്‍ - ഏകദേശം 14000രൂപ) , ആറ് ജിബി റാം + 128 ജിബി സ്റ്റോറേജ് (1599 യുവാന്‍- ഏകദേശം 16000രൂപ) പതിപ്പുകളാണ് സിസി9ഇ ഫോണിനുള്ളത്.

6.39 ഇഞ്ച് അമോലെഡ് ഡിസ്പ്ലേയുള്ള ഫോണില്‍ ക്വാല്‍കോം സ്നാപ്ഡ്രാഗണ്‍ 710 പ്രൊസസറാണുള്ളത്. 48 മെഗാപിക്സല്‍, എട്ട് മെഗാപിക്സല്‍, രണ്ട് മെഗാപിക്സല്‍ സെന്‍സറുകളടങ്ങുന്ന ട്രിപ്പിള്‍ ക്യാമറാ സംവിധാനമാണിതില്‍. സെല്‍ഫി ക്യാമറയ്ക്കായി 32 മെഗാപിക്സല്‍ സെല്‍ഫി ക്യാമറയും നല്‍കിയിരിക്കുന്നു. 4030 എംഎഎച്ച് ബാറ്ററിയും അണ്ടര്‍സ്‌ക്രീന്‍ ഫിംഗര്‍പ്രിന്റ് സ്‌കാനറും ഫോണിനുണ്ട്.

ഗ്രേഡിയന്റ് ഫിനിഷ് ഡിസൈന്‍, 3ഡി ഗ്ലാസ് ബോഡി, വാട്ടര്‍ ഡ്രോപ്പ് നോച്ച്, ട്രിപ്പിള്‍ റിയര്‍ ക്യാമറ, ഇന്‍ ഡിസ്പ്ലേ ഫിംഗര്‍പ്രിന്റ് സെന്‍സര്‍, സിംഗിള്‍ ഫ്രണ്ട് ക്യാമറ, ക്വാല്‍കോം സ്നാപ്ഡ്രാഗണ്‍ പ്രൊസസര്‍ എന്നിവയുമായാണ് ഈ രണ്ട് ഫോണുകളും വിപണിയില്‍ അവതരിപ്പിച്ചിരിക്കുന്നത്.

Ads by Google
Ads by Google
Loading...
TRENDING NOW