Tuesday, June 25, 2019 Last Updated 8 Min 14 Sec ago English Edition
Todays E paper
Ads by Google
Tuesday 25 Jun 2019 01.04 PM

പബ്ജി ലൈറ്റ് ; രജിസ്ട്രേഷന്‍ ആരംഭിച്ചു

PUBG Lite India Pre-Registration begins

ജനപ്രിയ ഗെയിമായ പബ്ജി ലൈറ്റ് പതിപ്പ് ഉടന്‍ ഇന്ത്യയിലെത്തുമെന്ന് അറിയിച്ചതിന് പിന്നാലെ പബ്ജി ലൈറ്റിനായുള്ള രജിസ്ട്രേഷന്‍ ആരംഭിച്ചു.
പബ്ജി ലൈറ്റിന്റെ ഔദ്യോഗിക വെബ്സൈറ്റിലാണ് രജിസ്റ്റര്‍ ചെയ്യാനുള്ള സൗകര്യം ഒരുക്കിയിരിക്കുന്നത്.

കൂടാതെ ഏഷ്യ, യൂറോപ്പ്, മധ്യേഷ്യ, ലാറ്റിനമേരിക്ക, ആഫ്രിക്ക എന്നിവിടങ്ങളിലെ രാജ്യങ്ങളിലേക്കായി പബ്ജി ലൈറ്റ് ബീറ്റാ പതിപ്പിനായുള്ള മുന്‍കൂര്‍ രജിസ്ട്രേഷനും ആരംഭിച്ചു.

ജൂണ്‍ 20 ഏഴ് മണി മുതല്‍ ജൂലായ് നാല് ഏഴ് മണി വരെയാണ് പബ്ജി ബീറ്റാ പതിപ്പിനായുള്ള മുന്‍കൂര്‍ രജിസ്ട്രേഷന്‍ നടക്കുക. രജിസ്ട്രേഷന്‍ പൂര്‍ത്തിയായാല്‍ രജിസ്റ്റര്‍ ചെയ്ത എല്ലാ ഉപയോക്താക്കള്‍ക്കും ജൂലായ് 11ന് ഇമെയില്‍ വഴി ഇവന്റ് കോഡ് അയച്ചുകൊടുക്കും.

ഗെയിം ഡൗണ്‍ലോഡ് ചെയ്യാനും കളിക്കാനും ഇത് ഉപയോഗിക്കാം. പബ്ജി ലൈറ്റിന് വേണ്ടി രജിസ്റ്റര്‍ ചെയ്യുന്നവര്‍ക്ക് ടൈഗര്‍ എം 416 തോക്കും ചീറ്റാ പാരച്യൂട്ട് സ്‌കിന്നും സൗജന്യമായി ലഭിക്കും.

രജിസ്ട്രേഷന്‍ ഒരു ലക്ഷം ആയാല്‍ എല്ലാ ഉപയോക്താക്കള്‍ക്കും കറുത്ത സ്‌കാര്‍ഫ്, പങ്ക് ഗ്ലാസ്, കോംബാറ്റ് പാന്റ്സ് എന്നിവ ലഭിക്കും. രജിസ്ട്രേഷന്‍ രണ്ട് ലക്ഷം എത്തിയാല്‍.

കളിക്കാര്‍ക്ക് ഗോള്‍ഡ് പബ്ജി സ്‌കാര്‍ഫ്, മഞ്ഞയും കറുപ്പും വരകളുള്ള ഷര്‍ട്ട്, ചുവന്ന ടോപ്പ് എന്നിവ ലഭിക്കും. മുന്‍നിര കംപ്യൂട്ടറുകളിലേത് പോലെ വലിയ ഗ്രാഫിക്‌സ്, റാം, സ്റ്റോറേജ് സൗകര്യങ്ങളില്ലാത്ത സാധാരണ പേഴ്‌സണല്‍ കംപ്യൂട്ടറുകള്‍ ഉപയോഗിക്കുന്നവരെ ലക്ഷ്യമിട്ടാണ് പബ്ജി ലൈറ്റ് തയ്യാറാക്കിയിരിക്കുന്നത്.

Ads by Google
Ads by Google
Loading...
TRENDING NOW