Thursday, June 13, 2019 Last Updated 3 Min 54 Sec ago English Edition
Todays E paper
Ads by Google
Monday 13 May 2019 08.41 AM

പിതാവ് മുഖ്യമന്ത്രിയാകാതിരിക്കാന്‍ കളിച്ചയാള്‍ ; ജോസ് കെ മാണിക്ക് രൂക്ഷ വി​മര്‍ശനം; എരിതീയില്‍ എണ്ണയൊഴിച്ച് പി സി ജോര്‍ജ്ജ്

uploads/news/2019/05/307829/pc-george.jpg

കോട്ടയം: അപ്പന്‍ മുഖ്യമന്ത്രിയാകാതിരിക്കാന്‍ സകല കളിയും കളിച്ചയാളാണ് ജോസ് കെ മാണി യെന്നും പിതാവിന്റെ മരണത്തില്‍ പോലും വോട്ടു തേടിയെന്നും കടുത്ത വിമര്‍ശനവുമായി ജനപക്ഷം പാര്‍ട്ടി നേതാവ് പിസി ജോര്‍ജ്ജ് എംഎല്‍എ. പാര്‍ട്ടിയില്‍ നേതാവായി തന്നെ ഉയര്‍ത്തി കൊണ്ടു വന്ന പിതാവിനോട് മാണിയുടെ മകന് വെറുപ്പായിരുന്നന്നും ഇക്കാര്യം താന്‍ മാണിസാറുമായി സംസാരിച്ചിരുന്നതായും പറഞ്ഞു.

മലയാളത്തിലെ ഒരു പ്രമുഖ വാര്‍ത്താ ചാനലിലെ പരിപാടിയില്‍ കേരളാകോണ്‍ഗ്രസിനും ജോസ് കെ മാണിക്കും എതിരേ രൂക്ഷ വിമര്‍ശനമാണ് പിസി ജോര്‍ജ്ജ് നടത്തിയത്. മാണിയുടെ മരണം പോലും രാഷ്ട്രീയമായി ഉപ​യോഗിക്കാന്‍ ശ്രമിച്ചയാളാണ് ജോസ് കെ മാണി. മരണത്തിന്റെ പിറ്റേന്ന് കയ്യില്‍ കുപ്പിവളയുമണിഞ്ഞ് വോട്ടു ​ചോദിക്കുകയായിരുന്നു ജോസ് കെ മാണിയും ഭാര്യയും. മാണി സാറിന്റെ മൃതദേഹത്തോടു പോലും ജോസ് കെ മാണി വിദ്വേഷം പ്രകടിപ്പിച്ചു. ആരും ചെല്ലരുത് എന്നതാണ് ഉദ്ദേശത്തോടെ സെമിത്തേരിയുടെ ഒരു മൂലയില്‍ ആണ് അടക്കിയത്.

വര്‍ഷാ വര്‍ഷം മാണിസാറിന് വേണ്ടിയുളള പ്രാര്‍ത്ഥനയ്ക്ക് വേണ്ടിയോ അദ്ദേഹത്തിന്റെ കല്ലറ കാണാനോ ആരും അങ്ങോട്ട് പോകരുത് എന്ന ഉദ്ദേശത്തോടെയാണ് എല്ലാം ചെയ്തത്. മാണി ഗ്രൂപ്പിനെ പിരിച്ച് വിടണം എന്നാണ് തന്റെ അഭിപ്രായമെന്നും പറഞ്ഞു. കെ എം മാണിയുടെ മരണശേഷം കേരളാകോണ്‍ഗ്രസില്‍ നേതൃത്വം സംബന്ധിച്ച പ്രശ്നം വലിയ പ്രതിസന്ധിയിലൂടെ നീങ്ങുമ്പോഴാണ് ആരോപണങ്ങള്‍ വഴി ജോസ് കെ മാണിയെ പിസി ജോര്‍ജ്ജ് കുഴപ്പത്തിലാക്കിയിരിക്കുന്നത്. നേതൃസ്ഥാനത്തിന് വേണ്ടി ജോസ് കെ മാണിയും പിജെ ജോസഫും ഏറ്റുമുട്ടുകയാണ്.

പാര്‍ട്ടി ചെയര്‍മാന്‍ കസേരയ്ക്കാണ് ഇരുവരും പിടിവലി നടത്തുന്നത്. അതേസമയം പിജെ ജോസഫിനെ സഹായിക്കുക എന്ന ഉദ്ദേശമാണ് പിസി ജോര്‍ജ്ജിന് എന്ന വിലയിരുത്തലുണ്ട്. കേരള കോണ്‍ഗ്രസില്‍ ആയിരുന്നപ്പോള്‍ പിജെ ജോസഫിന് ഒപ്പമായിരുന്ന പിസി ജോര്‍ജ് മകനെ വളര്‍ത്താന്‍ മാണി നടത്തിയിരുന്ന നീക്കങ്ങളോട് ശക്തമായ എതിര്‍പ്പ് പ്രകടിപ്പിച്ചിരുന്നയാളുമാണ്. ബാര്‍ കോഴ വിവാദത്തിന് പിന്നാലെയാണ് മാണിയോട് ഉടക്കി പിസി ജോര്‍ജ് കേരള കോൺഗ്രസ് എമ്മുമായുളള ബന്ധം ഉപേക്ഷിച്ചത്.

Ads by Google
Ads by Google
Loading...
LATEST NEWS
TRENDING NOW