Monday, May 20, 2019 Last Updated 8 Min 13 Sec ago English Edition
Todays E paper
Ads by Google
Thursday 09 May 2019 07.05 AM

സ്‌കൂള്‍ കാലഘട്ടം മുതലുള്ള സൗഹൃദം പ്രണയമായി; വിവാഹ വാഗ്ദാനം നല്‍കി നിരവധി തവണ ലൈംഗികമായി പീഡിപ്പിച്ചു; അവശയായ പെണ്‍കുട്ടിയെ ആശുപത്രിയിലെത്തിച്ചത് നാട്ടുകാര്‍; പ്രതിയായ കാമുകന്‍ പോലീസ് പിടിയില്‍

molesting minor girl

കൊല്ലം: പ്രായപൂര്‍ത്തിയാകാത്ത പെണ്‍കുട്ടിയെ പ്രണയം നടിച്ച് ലൈംഗികപീഡനത്തിനിരയാക്കിയ യുവാവിനെ പോലീസ് അറസ്റ്റ് ചെയ്തു. കൊല്ലം പരവൂര്‍ പൂതക്കുളം സ്വദേശി ഹരിയാണ് പോലീസ് പിടിയിലായത്. ഹരിയും പെണ്‍കുട്ടിയും സ്‌കൂളില്‍ പഠിക്കുന്ന കാലത്ത് തന്നെ പരിചയക്കാരായിരുന്നു. ഈ പരിചയം പിന്നീട് പ്രണയമാവുകയായിരുന്നു. വിവാഹവാഗ്ദാനം നല്‍കി പ്രതി പെണ്‍കുട്ടിയെ ലൈംഗികമായി പീഡിപ്പിക്കുകയായിരുന്നു.

പെണ്‍കുട്ടിയുടെ കൂട്ടുകാരിയുടെ വീട്ടില്‍ വച്ചും, പെണ്‍കുട്ടിയുടെ വീടിനു സമീപമുള്ള ആളൊഴിഞ്ഞ പുരയിടത്തില്‍ വച്ചും ഇയാള്‍ പെണ്‍കുട്ടിയെ പീഡനത്തിനിരയാക്കി. പെണ്‍കുട്ടിയെ വഴിയരികില്‍ അവശനിലയില്‍ കണ്ടെത്തിയ നാട്ടുകാര്‍ വിവരം തിരക്കിയപ്പോള്‍ താന്‍ വിഷം കഴിച്ചുവെന്നും ഇപ്പോള്‍ മരിക്കുമെന്നും പറഞ്ഞതിനെ തുടര്‍ന്ന് പാരിപ്പള്ളി മെഡിക്കല്‍ കോളേജില്‍ പ്രവേശിപ്പിച്ചു. തുടര്‍ന്ന് പരിശോധിച്ച ഡോക്ടറോട് താന്‍ വിഷം കഴിച്ചതല്ല പീഡിപ്പിക്കപ്പെട്ടതാണെന്ന് പെണ്‍കുട്ടി വെളിപ്പെടുത്തി.

പെണ്‍കുട്ടിയുടെ ബന്ധുക്കളുടെ പരാതിയുടെ അടിസ്ഥാനത്തില്‍ ഹരിയെ പൊലീസ് അറസ്റ്റ് ചെയ്തു. പ്രതിയെ വൈദ്യ പരിശോധനക്ക് ശേഷം പരവൂര്‍ കോടതിയില്‍ ഹാജരാക്കി റിമാന്‍ഡ് ചെയ്തു.

Ads by Google
Thursday 09 May 2019 07.05 AM
Ads by Google
Loading...
LATEST NEWS
TRENDING NOW