Tuesday, May 21, 2019 Last Updated 6 Min 51 Sec ago English Edition
Todays E paper
Ads by Google
Sunday 21 Apr 2019 05.59 PM

പുറത്തിറങ്ങി അല്‍പസമയം കഴിഞ്ഞപ്പോള്‍ ഹോട്ടലില്‍ സ്‌ഫോടനം ; ശ്രീലങ്കയില്‍ നടി രാധികാ ശരത്കുമാര്‍ രക്ഷപ്പെട്ടത് തലനാരിഴയ്ക്ക്

uploads/news/2019/04/303059/RADIKA-SHARATH-KUMAR.jpg

കൊളംബോ: ശ്രീലങ്കയുടെ തലസ്ഥാനമായ കൊളംബോയില്‍ ഈസ്റ്റര്‍ ദിനത്തില്‍ നടന്ന സ്‌ഫോടനത്തില്‍ നിന്ന് തലനാരിഴക്കാണ് താന്‍ രക്ഷപെട്ടതെന്ന് നടി രാധിക ശരത്കുമാര്‍. ശ്രീലങ്ക സന്ദര്‍ശിക്കാന്‍ പോയ ഇവര്‍ സിന്നമണ്‍ ഹോട്ടലിലാണ് താമസിച്ചിരുന്നത്.

താന്‍ ഹോട്ടലില്‍ നിന്നിറങ്ങി അല്‍പസമയം കഴിഞ്ഞപ്പോഴാണ് സ്‌ഫോടനം ഉണ്ടായിരിക്കുന്നതെന്നാണ് രാധിക ട്വീറ്റ് ചെയ്തിരിക്കുന്നത്.ആക്രമണത്തെ അപലപിക്കുന്നുവെന്നും രാധിക കൂട്ടിച്ചേര്‍ത്തു. മൂന്ന് ക്രിസ്ത്യന്‍ പള്ളികളിലടക്കം ആറിടങ്ങളിലാണ് സ്‌ഫോടനം നടന്നത്.

uploads/news/2019/04/303059/RADIKA-SHARATH-KUMAR-TWEET.jpg

കൊഛികഡെയിലെ സെന്റ് ആന്റണീസ് ചര്‍ച്ച്, നെഗൊമ്പോയിലെ സെന്റ് സെബാസ്റ്റ്യന്‍ ചര്‍ച്ച്, ബാറ്റിക്കലോവ ചര്‍ച്ച് എന്നിവിടങ്ങളിലും ശംഗ്രി ലാ, സിന്നമണ്‍ ഗ്രാന്‍ഡ്, കിങ്‌സ്ബറി എന്നീ ഹോട്ടലുകളിലുമാണ് സ്‌ഫോടനങ്ങളുണ്ടായത്. പ്രധാനമന്ത്രിയുടെ ഔദ്യോഗിക വസതിക്ക് അടുത്താണ് ആക്രമണം നടന്ന ഹോട്ടല്‍ സിന്നമണ്‍ ഗ്രാന്‍ഡ് സ്ഥിതി ചെയ്യുന്നത്.

വിദേശികളടക്കം നൂറ്റിയറുപതോളം പേര്‍ മരിച്ചതായും അഞ്ഞൂറോളം പേര്‍ക്ക് പരിക്കേറ്റതായും റിപ്പോര്‍ട്ടുകളുണ്ട്. പ്രാദേശിക സമയം 8.45 ഓടെയാണ് സ്‌ഫോടനം നടന്നത്. മരണ സംഖ്യയെക്കുറിച്ച് കൃത്യമായ വിവരങ്ങളൊന്നും പുറത്ത് വന്നിട്ടില്ല.

Ads by Google
Sunday 21 Apr 2019 05.59 PM
Ads by Google
Loading...
TRENDING NOW