Tuesday, May 21, 2019 Last Updated 27 Min 47 Sec ago English Edition
Todays E paper
Ads by Google
Saturday 16 Mar 2019 01.24 AM

പൊന്നാനി സ്വദേശി പൊള്ളലേറ്റ്‌ മരിച്ച കേസില്‍ മകന്‍ റിമാന്‍ഡില്‍

uploads/news/2019/03/294930/c4.jpg

മലപ്പുറം: പൊന്നാനിയില്‍ പിതാവ്‌ പൊള്ളലേറ്റു മരിച്ച കേസില്‍ അറസ്‌റ്റിലായ മകനെ കോടതി റിമാന്‍ഡ്‌ ചെയ്‌തു. പൊന്നാനി ഈശ്വരമംഗലം കോട്ടത്തറ സ്വദേശി മാമ്പ്ര നാരായണന്‍(65) പൊള്ളലേറ്റ്‌ മരിച്ച കേസില്‍ മകന്‍ വിനോദി (27)നെയാണ്‌ പൊന്നാനി ജുഡീഷ്യല്‍ മജിസ്‌ട്രേറ്റ്‌ കോടതി റിമാന്‍ഡ്‌ ചെയ്‌തത്‌.
ഒരാഴ്‌ച മുമ്പാണ്‌ മരണത്തിനാസ്‌പദമായ സംഭവം. മദ്യപിച്ച്‌ വീട്ടിലെത്തിയ മകന്‍ പിതാവ്‌ കിടക്കുന്നതിനടുത്തുള്ള വസ്‌ത്രങ്ങളും പുതപ്പും കൂട്ടിയിട്ട്‌ കത്തിക്കുകയായിരുന്നു. വര്‍ഷങ്ങളായി കിടപ്പിലായ നാരായണന്റെ ദേഹത്തേക്കും തീ പടര്‍ന്നു. കിടപ്പിലായതിനാല്‍ ഇയാള്‍ക്ക്‌ രക്ഷപ്പെടാനും കഴിഞ്ഞില്ല. ശരീരമാസകലം പൊള്ളലേറ്റ നിലയില്‍ സ്വകാര്യ ആശുപത്രിയില്‍ എത്തിച്ച നാരായണനെ പരുക്ക്‌ ഗുരുതരമായതിനാല്‍ കോഴിക്കോട്‌ മെഡിക്കല്‍കോളജ്‌ ആശുപത്രിയില്‍ പ്രവേശിപ്പിക്കുകയായിരുന്നു. വ്യാഴാഴ്‌ച പുലര്‍ച്ചെ അഞ്ചരയോടെയാണ്‌ നാരായണന്‍ മരണത്തിന്‌ കീഴടങ്ങിയത്‌. സംഭവത്തില്‍ ദുരൂഹതയുള്ളതായി നേരത്തെ പോലീസിന്‌ സംശയമുണ്ടായിരുന്നു. തുടര്‍ന്നു പൊന്നാനി പോലീസ്‌ കേസെടുത്ത്‌ അന്വേഷിക്കുകയായിരുന്നു. പ്രതി ലഹരിക്ക്‌ അടിമയായിരുന്നതായും പലപ്പോഴും പണത്തിന്‌ വേണ്ടി വീട്ടുകാരെ ബുദ്ധിമുട്ടിച്ചിരുന്നതായും പരാതികളുണ്ട്‌.

Ads by Google
Saturday 16 Mar 2019 01.24 AM
YOU MAY BE INTERESTED
Ads by Google
Loading...
TRENDING NOW