Monday, May 20, 2019 Last Updated 37 Min 42 Sec ago English Edition
Todays E paper
Ads by Google
Tuesday 05 Mar 2019 01.23 PM

വൈദ്യശാസ്ത്രത്തില്‍ വീണ്ടും അത്ഭുതം; എയ്ഡ്‌സ് ബാധിതനായ ലണ്ടന്‍ സ്വദേശിക്കും സൗഖ്യം; രോഗവിമുക്തനാകുന്ന രണ്ടാമന്‍

സ്‌റ്റെം സെല്‍ (വിത്തുകോശം) മാറ്റിവയ്ക്കലിലൂടെയാണ് ഈ നേട്ടം.
 HIV

സീറ്റില്‍: വൈദ്യശാസ്ത്രത്തിന്റെ പുരോഗതി ഒരാള്‍ക്കു കൂടി ആയുസ് നീട്ടിനല്‍കി. എച്ച്.ഐ.വി വൈറസ് ബാധിതനായ ലണ്ടന്‍ സ്വദേശിയുടെ രോഗം ചികിത്സയിലൂടെ മാറിയതായി റിപ്പോര്‍ട്ട്. സ്‌റ്റെം സെല്‍ (വിത്തുകോശം) മാറ്റിവയ്ക്കലിലൂടെയാണ് ഈ നേട്ടം. നേരത്തെ ബെര്‍ലിനില്‍ ചികിത്സയ്‌ക്കെത്തിയ അമേരിക്കന്‍ സ്വദേശിയ്ക്കും രോഗം ഭേദപ്പെട്ടിരുന്നു.

പന്ത്രണ്ട് വര്‍ഷം മുന്‍പാണ് അമേരിക്കന്‍ സ്വദേശിയായ തിമോത്തി റേ ബ്രൗണ്‍ ജര്‍മ്മനിയില്‍ ചികിത്സ നേടിയത്. ഇദ്ദേഹം ഇപ്പോഴും എച്ച്.ഐ.വി വൈറസില്‍ നിന്ന് മോചിതനാണ്. ഏറെ അപകടസാധ്യതയേറിയതും വിജയിക്കാന്‍ ബുദ്ധിമുട്ടേറിയതുമാണ് ഈ പരീക്ഷണരീതി. ഇക്കാലത്തിനുള്ളില്‍ രണ്ടു പേര്‍ക്ക് മാത്രമാണ് ചികിത്സ വിജയിച്ചത്. അതുകൊണ്ടുതന്നെ രോഗബാധിതരായ ദശലക്ഷങ്ങളില്‍ ഈ ചികിത്സ അപ്രയോഗികമാണ്.

2003ല്‍ രോഗം സ്ഥിരീകരിച്ചയാള്‍ക്കാണ് ഇപ്പോള്‍ രോഗം മാറിയതായി കണ്ടെത്തിയത്. ഇയാളുടെ പേര് പുറത്തുവിട്ടിട്ടില്ല. 2012ലാണ് രോഗം നിയന്ത്രിക്കാന്‍ ചികിത്സ തുടങ്ങിയത്. ഗുണപരമായ ജനിതക വ്യതിയാനം വഴി ചിലര്‍ക്ക് എച്ച്.ഐ.വി പ്രതിരോധശേഷി ലഭിക്കാറുണ്ട്. അത്തരമൊരു വ്യക്തിയുടെ മജ്ജയുടെ വിത്തുകോശങ്ങള്‍, എച്ച്.ഐ.വി ബാധിതനായ വ്യക്തി മൂന്നു വര്‍ഷം സ്വീകരിച്ചപ്പോഴാണ് വൈറസ് ബാധയില്‍ നിന്ന് മുക്തിനേടിയതെന്ന് റിപ്പോര്‍ട്ടില്‍ പറയുന്നു.

വിത്തുകോശങ്ങള്‍ മാറ്റിയതിനൊപ്പം വൈറസ് പ്രതിരോധമരുന്നുകളും പ്രയോഗിച്ചു. ഇതോടെ വൈറസിന്റെ സാന്നിധ്യം രോഗിയില്‍ നിന്നും പൂര്‍ണ്ണമായും മാറി. തുടര്‍ന്ന് 18 മാസത്തോളം ചികിത്സ നിര്‍ത്തിവച്ചു. രോഗം തിരിച്ചുവരുമോ എന്നറിയാനായിരുന്നു ഇത്. സാധാരണ നിലയില്‍ എച്ച്.ഐ.വി ബാധിതര്‍ വൈറസിനെ അമര്‍ച്ച ചെയ്യാനുള്്‌ള മരുന്നുകള്‍ കഴിക്കണം. നിര്‍ത്തിവച്ചാല്‍ രണ്ടോ മൂന്നോ ആഴ്ചകള്‍ക്കുള്ളില്‍ രോഗം കലശലാകും. നിലവില്‍ തിട്ടപ്പെടുത്താന്‍ കഴിയുന്ന ഒരു വൈറസിനെയും ഈ വ്യക്തിയില്‍ കണ്ടെത്താന്‍ കഴിഞ്ഞിട്ടില്ലെന്നാണ് ചികിത്സയ്ക്ക് നേതൃത്വം നല്‍കിയ സംഘത്തിലെ ഡോ.രവീന്ദ്ര ഗുപ്ത പറയുന്നു.

Ads by Google
Ads by Google
Loading...
LATEST NEWS
TRENDING NOW