Friday, March 08, 2019 Last Updated 7 Min 19 Sec ago English Edition
Todays E paper
Ads by Google
Friday 11 Jan 2019 01.30 PM

ശ്രീനിവാസന്‍ പറഞ്ഞത് മോഹന്‍ലാലിനെ കുറിച്ചല്ല; ലാലിനെ കളിയാക്കാന്‍ ഒരിക്കലും അനുവദിക്കില്ല: സത്യന്‍ അന്തിക്കാട്

about mohanlal

സത്യന്‍ അന്തിക്കാട്-ശ്രീനിവാസന്‍ ടീം മലയാളത്തിലെ ഹിറ്റുകളുടെ കൂട്ടുകെട്ടാണ്. പതിനാറ് വര്‍ഷത്തെ ഇടവേളക്ക് ശേഷം ഇവരുടെ കൂട്ടുകെട്ടിലെത്തിയ 'ഞാന്‍ പ്രകാശന്‍' എന്ന ചിത്രം തീയേറ്ററില്‍ നിറഞ്ഞോടുകയാണ്. ഈ ടീമിനൊപ്പം മോഹന്‍ലാല്‍ വീണ്ടും എത്തുമെന്ന പ്രതീക്ഷയിലായിരുന്നു ആരാധകര്‍. ഇതിനെ കുറിച്ച് സത്യന്‍ അന്തിക്കാട് തന്നെ മനസ്സു തുറക്കുന്നു.

''മോഹന്‍ലാലും ശ്രീനിവാസനും തമ്മില്‍ യാതൊരു പ്രശ്‌നങ്ങളുമില്ല. തെറ്റിദ്ധാരണയാണത്. വാട്‌സ്ആപ്പില്‍ അത്തരം പ്രചാരണങ്ങളൊക്കെ വന്നിട്ടുണ്ട്. ഈ സിനിമയിലുള്ള നിര്‍ദോഷമായ ഒരു തമാശ പോലും മോഹന്‍ലാലിനെ കളിയാക്കിയതാണെന്ന് പറഞ്ഞവരുണ്ട്, ശ്രീനിവാസന്‍ പറഞ്ഞാലും ലാലിനെ കളിയാക്കാന്‍ ഞാന്‍ സമ്മതിക്കില്ലല്ലോ. ഫഹദിന്റെ കഥാപാത്രം 'വീട്ടില്‍ സ്വര്‍ണം വെച്ചിട്ടെന്തിന് എന്ന ഡയലോഗ് പറയുമ്പോള്‍ 'അതാ പറഞ്ഞവന്റെ വീട്ടിലുണ്ടാകും' എന്ന് ശ്രീനി മറുപടി നല്‍കുന്ന സീനുണ്ട്. അത് മോഹന്‍ലാലിനെ ഉദ്ദേശിച്ചാണ് എന്ന തരത്തിലൊക്കെയാണ് വ്യാഖാനിച്ചത്. മോഹന്‍ലാലിന്റെ ടാലന്റിന്റെ ആരാധകനാണ് ശ്രീനി, തിരിച്ചും അങ്ങനെ തന്നെയാണ് -സത്യന്‍ അന്തിക്കാട് പറഞ്ഞു.

'' ഞാന്‍ പ്രകാശന് വേണ്ടി മോഹന്‍ലാലിനെ എത്തിക്കുക എന്ന തരത്തിലൊരു ആലോചന നടത്തിയിരുന്നു. ശ്രീനിവാസനും ലാലും റെഡി ആയിരുന്നു. എന്നാല്‍ കഥ വന്നുചേര്‍ന്നത് ഒരു ചെറുപ്പക്കാരനിലാണ്. ആ കഥയ്ക്ക് ഏറ്റവും യോജിച്ച ആള്‍ ഫഹദ് ഫാസിലായിരുന്നു. എന്റെ വലിയ ആഗ്രഹമാണ് മൂവരും ഒന്നിച്ചൊരു ചിത്രമെന്നത്. അത് സംഭവിച്ചേക്കാം.'' - സത്യന്‍ അന്തിക്കാട് പറഞ്ഞു.

Ads by Google
Ads by Google
Loading...
LATEST NEWS
TRENDING NOW