Thursday, December 06, 2018 Last Updated 5 Min 30 Sec ago English Edition
Todays E paper
Ads by Google
Thursday 06 Dec 2018 08.05 PM

മമ്മാ ഐ ലൗവ് യു, ഞാന്‍ പോകുന്നു; കൈത്തണ്ടയില്‍ ആത്മഹത്യാ കുറിപ്പ് എഴുതിവച്ച് കൗമാരക്കാരി ജീവനൊടുക്കി

suicide

ന്യൂഡല്‍ഹി: അധ്യാപകര്‍ അപമാനിച്ചതില്‍ മനംനൊന്ത് ഏഴാം ക്ലാസ് വിദ്യാര്‍ത്ഥിനി ആത്മഹത്യ ചെയ്തു. ഡല്‍ഹിയിലെ ഇന്ദര്‍പുരിയിലാണ് സംഭവം. ഡിസംബര്‍ ഒന്നിനാണ് വിദ്യാര്‍ത്ഥിനി ജീവനൊടുക്കിയത്. ക്ലാസിലെ മുഴുവന്‍ കുട്ടികളുടെ മുന്നില്‍ വച്ച് അധ്യാപികമാര്‍ അപമാനിക്കുമായിരുന്നെന്ന് മരിച്ച വിദ്യാര്‍ത്ഥിനിയുടെ അമ്മ പറഞ്ഞു. പെണ്‍കുട്ടിയുടെ സഹപാഠികളും ഇക്കാര്യം സാക്ഷ്യപ്പെടുത്തുന്നു.

ഡിസംബര്‍ ഒന്നിന് മുന്ന് മണിയോടെയാണ് പെണ്‍കുട്ടി ജീവനൊടുക്കിയത്. കൈത്തണ്ടയില്‍ ആത്മഹത്യാ കുറിപ്പ് എഴുതി വച്ചാണ് പെണ്‍കുട്ടി ജീവനൊടുക്കിയത്. അമ്മയെ സ്‌നേഹിക്കുന്നുവെന്നും താന്‍ ഈ ലോകത്തില്‍ നിന്ന് പോകുകയാണെന്നുമാണ് പെണ്‍കുട്ടി കൈത്തണ്ടയില്‍ കുറിച്ചിരിക്കുന്നത്.

ഡല്‍ഹിയിലെ തിസ് ഹസാരി കോടതിയില്‍ അഭിഭാഷകയാണ് പെണ്‍കുട്ടിയുടെ അമ്മ. ഡിസംബര്‍ ഒന്നിന് കോടതിയിലേക്ക് പുറപ്പെടുന്നതിന് മുമ്പാണ് ഇവര്‍ തന്റെ മകളെ അവസാനമായി ജീവനോടെ കണ്ടത്. നാല് മണിയോടെ തിരിച്ചെത്തിയപ്പോള്‍ മകള്‍ തൂങ്ങിക്കിടക്കുന്നതാണ് കണ്ടത്. പെണ്‍കുട്ടിയുടെ അമ്മ അധ്യാപികമാര്‍ക്കെതിരെ ഉന്നയിച്ച ആരോപണങ്ങള്‍ അന്വേഷിക്കുമെന്ന് പോലീസ് അറിയിച്ചു.

Ads by Google
Ads by Google
Loading...
TRENDING NOW