Thursday, November 08, 2018 Last Updated 2 Min 54 Sec ago English Edition
Todays E paper
Ads by Google
Thursday 08 Nov 2018 04.49 PM

യോഗ ആരംഭിക്കും മുമ്പ് ഇക്കാര്യങ്ങൾ മനസ്സിലാക്കൂ

Things To Know Before Starting Yoga Practices

നിങ്ങൾ യോഗ പരിശീലിക്കാൻ ആഗ്രഹിക്കുന്നോ? യോഗ പരിശീലനം ആരംഭിക്കുന്നതിനു മുമ്പ് മനസ്സിലാക്കേണ്ട ചില കാര്യങ്ങൾ ഇതാ;

1. യോഗ ചെയ്യാൻ കഴിയുന്നത് ആർക്കൊക്കെ? (Who can do Yoga)


ശാരീരികമായി പ്രശ്നങ്ങൾ ഒന്നും ഇല്ലാത്തവർക്ക് യോഗ ചെയ്യാൻ കഴിയും. അതായത്, ഗുരുതരമായ അസുഖങ്ങൾ ഒന്നും ഇല്ലാത്തവർക്ക് യോഗ ചെയ്യാം.

2. യോഗ പരിശീലനം ആരംഭിക്കാൻ യോജിച്ച പ്രായം, ഇതിന് പ്രായപരിധിയുണ്ടോ? (What is the right age to start and is there any age limit to do Yoga)


പുരാണ ഗ്രന്ഥങ്ങളിൽ പറയുന്നത് അനുസരിച്ച്, യോഗ പരിശീലനം എട്ടാം വയസ്സിൽ ആരംഭിക്കുകയും കഴിയാവുന്ന പ്രായം വരെ തുടരുകയും ചെയ്യാം. പ്രശസ്തനായ യോഗ ഗുരു തന്റെ 90 ആം വയസ്സിലും യോഗാഭ്യാസം തുടർന്നിരുന്നു. അദ്ദേഹം 95 വയസ്സ് വരെ ജീവിച്ചിരുന്നു. അതായത്, യോഗ പരിശീലനത്തിന് പ്രത്യേക പ്രായപരിധിയൊന്നും ഇല്ല.
Things To Know Before Starting Yoga Practices

3. യോഗ ചെയ്യാൻ അനുയോജ്യമായ സമയം ഏതാണ്? (What is the right time to do Yoga)


പകൽ ഏതു സമയത്ത് വേണമെങ്കിലും ആസനങ്ങൾ ചെയ്യാവുന്നതാണ്. എന്നാൽ, പുരാണ ഗ്രന്ഥങ്ങൾ അനുസരിച്ച്, അന്തരീക്ഷം ശുദ്ധവും ശാന്തവുമായിരിക്കുന്ന ‘ബ്രഹ്മ മുഹൂർത്ത’ത്തിൽ (സൂര്യോദയത്തിന് രണ്ട് മണിക്കൂർ മുമ്പ്- അതായത്, രാവിലെ നാല് മണിക്കും ആറ് മണിക്കും ഇടയിൽ) യോഗ ചെയ്യുന്നത് ഗുണകരമായിരിക്കും.

രാവിലെ സമയം ലഭിക്കാത്തവർക്ക് വൈകുന്നേരങ്ങളിലും (അഞ്ച് മണിക്കും ആറ് മണിക്കും ഇടയിൽ) യോഗ പരിശീലിക്കാവുന്നതാണ്.

4. യോഗ ചെയ്യുമ്പോൾ ഏതുസമയത്ത്, ഏതു തരത്തിലുള്ള ആഹാരമാണ് കഴിക്കേണ്ടത്? (When and what kind of food should one eat while doing Yoga)


ഒഴിഞ്ഞ വയറോടെയാണ് യോഗ ചെയ്യേണ്ടത്. അതിനാലാണ്, യോഗ ചെയ്യേണ്ടത് പ്രഭാതത്തിലാവണം എന്ന് പറയുന്നത്. ഭക്ഷണം കഴിച്ചുവെങ്കിൽ മൂന്ന് മുതൽ നാല് മണിക്കൂർ കഴിഞ്ഞു വേണം യോഗ ചെയ്യേണ്ടത്. ദഹിക്കാൻ എളുപ്പമുള്ള ഉപ്പും എരിവും കുറഞ്ഞ സാത്വിക ഭക്ഷണം, അതായത് സസ്യാഹാരം ആണ് യോഗ നിർദേശിക്കുന്നത്. അതേസമയം, മാംസാഹാരത്തിന് വിലക്കുകളൊന്നുമില്ല.

5. എന്തു തരം വസ്ത്രങ്ങളാണ് ധരിക്കേണ്ടത്? (What kind of clothes should one wear)


ഇറുക്കമുള്ള വസ്ത്രങ്ങൾ ഒഴിവാക്കണം. അയഞ്ഞതും സുഖപ്രദവുമായ, പരുത്തി ആയാൽ നല്ലത്, വസ്ത്രങ്ങൾ ധരിക്കുന്നതാണ് നല്ലത്. യോഗാഭ്യാസങ്ങൾ ചെയ്യുമ്പോൾ വാച്ച്, ആഭരണങ്ങൾ, കണ്ണട എന്നിവ ധരിക്കരുത്.
Things To Know Before Starting Yoga Practices

6. യോഗാഭ്യാസം ആരംഭിക്കുന്നതിനു മുമ്പ് എന്തെങ്കിലും മുൻകരുതലുകൾ സ്വീകരിക്കേണ്ടതുണ്ടോ? (Are there any precautions to be taken before starting Yoga)


ഇതിനായി പ്രത്യേക മുൻകരുതലുകൾ ഒന്നും ആവശ്യമില്ല. എന്നാൽ, നിങ്ങൾക്ക് രോഗങ്ങളോ, പരുക്കുകകളോ, മറ്റ് ശാരീരിക പ്രശ്നങ്ങളോ സംബന്ധിച്ച ചരിത്രം ഉണ്ടെങ്കിൽ ഡോക്ടറുടെ ഉപദേശം തേടുന്നത് നന്നായിരിക്കും.

7. ആർത്തവ സമയത്ത് യോഗ ചെയ്യാമോ? (Can women do Yoga during periods)


ചില വിഭാഗങ്ങൾ സ്ത്രീകൾ ആർത്തവ സമയത്ത് യോഗ ചെയ്യുന്നതിനെ അനുകൂലിക്കുന്നില്ല. എന്നിരുന്നാലും, സ്ത്രീകൾ ആർത്തവ സമയത്ത് യോഗ ചെയ്യുന്നതിൽ തെറ്റില്ല.

കടപ്പാട്: modasta.com

Ads by Google
Ads by Google
Loading...
TRENDING NOW