Thursday, November 08, 2018 Last Updated 50 Min 27 Sec ago English Edition
Todays E paper
Ads by Google
Friday 14 Sep 2018 09.49 AM

മലയാളിയെ പറ്റിക്കാന്‍ എത്ര സമയം വേണം ? ദാ ഇത്രേം മതി ! വെള്ളം കുടിച്ചാല്‍ ‘മരിക്കു’മെന്ന് പറയുന്നത് ഒരു ഡോക്ടര്‍ തന്നെ; വ്യത്യസ്തമായ ഒരു ബോധവല്‍ക്കരണം

വ്യാജന്മാര്‍ എങ്ങനെയാണ് വാചകമടിയിലൂടെ സമൂഹത്തെ തെറ്റിദ്ധരിപ്പിക്കുന്നത് എന്നതിന്റെ ഉദാഹരണമാണിത്. ജീവന്‍ നിലനിര്‍ത്തുന്ന പച്ചവെള്ളത്തെ വരെ വിഷമുള്ളതാക്കി സൈഡ് ഇഫക്റ്റ് പറഞ്ഞ് പേടിക്കാന്‍ വളരെ എളുപ്പമാണ്. അതിനാല്‍ കുറച്ച് കോമണ്‍സെന്‍സ് ഉപയോഗിച്ചാല്‍ ശരിയും തെറ്റും മനസിലാക്കാനാവുമെന്നാണ് തോമസ് പറയുന്നത്.
Is water toxic?

ആശുപത്രിയില്‍ വ്യാപകമായി ഉപയോഗിക്കുന്ന അതീവ അപകടകാരിയായ ദ്രാവകത്തെക്കുറിച്ച് വ്യക്തമാക്കുന്ന ഒരു ഡോക്ടറുടെ വീഡിയോയാണ് സോഷ്യല്‍ മീഡിയയില്‍ ചര്‍ച്ചയാകുന്നത്. മരുന്നുകള്‍ ഉപയോഗിക്കരുതെന്നും മറ്റും അഹ്വാനം ചെയ്ത് നിരവധി വ്യാജന്മാര്‍ രംഗത്ത് വരുന്നതിന് ഇടയിലാണ് ഈ ഡോക്ടര്‍ ശ്രദ്ധേയനാകുന്നത്. ദേ ഇങ്ങനെയും ബോധവല്‍ക്കരണം നടത്താം എന്നാണ് ഡോ. തോമസ് കാണിച്ചു തരുന്നത്. മെഡിവഴിപാട് എന്ന ഫേയ്സ്ബുക് പേജിലൂടെയാണ് തോമസ് തന്റെ വീഡിയോ പങ്കുവെച്ചത്.

ആശുപത്രിയില്‍ വ്യാപകമായി ഉപയോഗിക്കുന്ന അതീവ അപകടകാരിയായ ദ്രാവകത്തെക്കുറിച്ച് പറഞ്ഞുകൊണ്ടാണ് വീഡിയോ തുടങ്ങുന്നത്. വളരെ ഗൗരവത്തോടെ മരണത്തിന് വരെ കാരണമാകുന്ന ദ്രാവകം വെള്ളമാണെന്ന് പറയുന്നത് കേട്ടാല്‍ ആരായാലും ഒന്നു ഞെട്ടും. ഛര്‍ദ്ദി, മാനസികാസ്വാസ്ഥ്യം, ക്ഷീണം, വിശപ്പില്ലായ്മ, അപസ്മാരം, മരണം. ആശുപത്രിയില്‍ വ്യാപകമായി ഉപയോഗിക്കുന്ന ഒരു ദ്രാവകത്തിന്റെ സൈഡ്ഇഫക്റ്റാണിത്. ഒരു എലിയെ കൊല്ലാന്‍ നൂറ് മില്ലി മാത്രം അത് ആവശ്യമുള്ളപ്പോള്‍ നവജാത ശിശുക്കള്‍ക്ക് മരുന്നിലൂടെയും ഇഞ്ചക്ഷനിലൂടെയും ഇത് നല്‍കുന്നു. എന്താണ് ഈ ദ്രാവകം എന്നറിയാമോ, ജലം.

വെള്ളത്തിന് പകരമായി മറ്റെന്തെങ്കിലും ഉപയോഗിക്കേണ്ടി വരുമോ എന്ന സംശയം പോലും കേള്‍ക്കുന്നവര്‍ക്ക് തോന്നും. ആര്‍ക്കു വേണമെങ്കിലും ഇത് പരിശോധിക്കാം, ഗൂഗിളില്‍ സര്‍ച്ച് ചെയ്താല്‍ മതി എന്നു കൂടി കേള്‍ക്കുന്നതോടെ സംഭവം സത്യമാണെന്ന് ഒരു വിഭാഗം ഉറപ്പിക്കും. ഈ വ്യാജന്മാര്‍ എങ്ങനെയാണ് വാചകമടിയിലൂടെ സമൂഹത്തെ തെറ്റിദ്ധരിപ്പിക്കുന്നത് എന്നതിന്റെ ഉദാഹരണമാണിത്. ജീവന്‍ നിലനിര്‍ത്തുന്ന പച്ചവെള്ളത്തെ വരെ വിഷമുള്ളതാക്കി സൈഡ് ഇഫക്റ്റ് പറഞ്ഞ് പേടിക്കാന്‍ വളരെ എളുപ്പമാണ്. അതിനാല്‍ കുറച്ച് കോമണ്‍സെന്‍സ് ഉപയോഗിച്ചാല്‍ ശരിയും തെറ്റും മനസിലാക്കാനാവുമെന്നാണ് തോമസ് പറയുന്നത്.

ഏത് സാധനമായാലും ഒരു പരിധി കഴിഞ്ഞാല്‍ വിഷമാവാം. അതുപോലെയാണ് മരുന്നുകളുടേയും കാര്യവും. ആവശ്യം വന്നാല്‍ ഡോക്റ്റര്‍ പറയുന്ന അളവില്‍ കൃത്യമായി കഴിച്ചാല്‍ ചെറിയ ചെറിയ സൈഡ് ഇഫക്റ്റുകളേക്കാള്‍ വലിയ ഗുണങ്ങളെ ഉണ്ടാവുകയൊള്ളൂ. കോമണ്‍സെന്‍സ് കുറച്ചു ഉപയോഗിച്ച് പറ്റിക്കപ്പെടാന്‍ നിന്നു കൊടുക്കണമെന്നു പറഞ്ഞു കൊണ്ടാണ് വീഡിയോ അവസാനിക്കുന്നത്.

Ads by Google
Friday 14 Sep 2018 09.49 AM
YOU MAY BE INTERESTED
Ads by Google
Loading...
TRENDING NOW