Wednesday, September 12, 2018 Last Updated 0 Min 21 Sec ago English Edition
Todays E paper
Ads by Google
Wednesday 12 Sep 2018 12.02 PM

'ഖുല്‍സൂം, കണ്ണ് തുറക്കൂ....' ഏവരെയും കണ്ണീരണിയിച്ച് നവാസ് ഷെരീഫ് ഭാര്യയോട് യാത്ര ചോദിക്കുന്ന വീഡിയോ

navaz sherif

ലാഹോര്‍: അനധികൃത സ്വത്ത് സമ്പാദനക്കേസില്‍ ജയിലില്‍ ശിക്ഷ അനുഭവിക്കാന്‍ ലണ്ടനില്‍ നിന്നും പാക്കിസ്ഥാനിലേക്ക് തിരിക്കുന്നതിന് മുമ്പായി അബോധാവസ്ഥയില്‍ ആസുപത്രിയില്‍ കഴിഞ്ഞിരുന്ന ഭാര്യ ഖുല്‍സൂമിനോട് യാത്രചോദിക്കുന്ന മുന്‍ പാകിസ്താന്‍ പ്രധാനമന്ത്രി നവാസ് ഷെരീഫിന്റെ വീഡിയോ വൈറലാകുന്നു. ഖുല്‍സൂം ഇന്നലെയാണ് അന്തരിച്ചത്. അര്‍ബുദം ബാധിച്ച് അതീവഗുരുതരാവസ്ഥയില്‍ ഭാര്യ ആശുപത്രിയില്‍ കിടക്കവെയാണ് നവാസ് ഷെരീഫിന് പാകാസ്താനിലേക്ക് പോകേണ്ടി വന്നത്.

ദൈവം നിനക്ക് ശക്തി തരട്ടെ, കണ്ണ് തുറക്കൂ ഖുല്‍സൂം ... എന്നായിരുന്നു അദ്ദേഹം ഭാര്യയോട് സംസാരിച്ചത്. ഉറുദുവില്‍ അദ്ദേഹം സംസാരിക്കുന്നത് വീഡിയോയില്‍ വ്യക്തമാണ്. ജൂലൈ 12ന് ലണ്ടനിലെ ഹാര്‍ലി സ്ട്രീറ്റ് ക്ലിനിക്കില്‍ വെച്ച് ചിത്രീകരിച്ച വീഡിയോയാണിത്.

കുറച്ച് സെക്കന്റുകള്‍ ഖുല്‍സൂം തന്നെ കണ്ണ് തുറന്ന് നോക്കിയെന്ന് നവാസ് ഷെരീഫ് പിന്നീട് പറഞ്ഞിരുന്നു. ആ അവസ്ഥയില്‍ ഖുല്‍സൂമിനെ വിട്ട് പോകേണ്ടി വന്നതില്‍ അതിയായ ദു:ഖമുണ്ടെന്നും അന്നദ്ദേഹം പറഞ്ഞിരുന്നു. ഖുല്‍സൂമിനെ ദൈവത്തെ ഏല്‍പ്പിച്ചാണ് പോകുന്നത് ദൈവം സംരക്ഷിക്കുമെന്നും അദ്ദേഹം പറഞ്ഞിരുന്നു.

നവാസ് ഷെരീഫ്, മകള്‍ മറിയം, മരുമകന്‍ ക്യാപ്റ്റന്‍ മുഹമ്മദ് സഫ്ദാര്‍ എന്നിവര്‍ ഇപ്പോള്‍ റാവല്‍പിണ്ടിയിലെ ജയിലിലാണ്. ഭാര്യയുടെ അന്തിമചടങ്ങുകളില്‍ പങ്കെടുക്കാന്‍ നവാസ് ഷെരീഫിന് സാധിക്കുമോ എന്ന് വ്യക്തമല്ല.

Ads by Google
Wednesday 12 Sep 2018 12.02 PM
YOU MAY BE INTERESTED
Ads by Google
Loading...
LATEST NEWS
TRENDING NOW