Friday, July 19, 2019 Last Updated 22 Min 17 Sec ago English Edition
Todays E paper
Ads by Google
Wednesday 12 Sep 2018 11.49 AM

ഫോര്‍ഡ് ആസ്പയര്‍ പുതിയ ലുക്കിൽ; ഒക്ടോബറില്‍ വിപണിയില്‍

ford aspire facelift

ഫോര്‍ഡ് ആസ്പയർ ഇന്ത്യയിലേക്ക് വരാനുള്ള ഒരുക്കത്തിലാണ്. സൗത്ത് ആഫ്രിക്ക, ബ്രസില്‍ എന്നീ രാജ്യങ്ങളിലെ അവതരണത്തിനുശേഷം ഫോർഡ് ആസ്പയർ ചെറിയ മാറ്റങ്ങളോടെ ഒക്ടോബര്‍ 4 ന് ഇന്ത്യയിലെത്തുന്നു. 5.81 ലക്ഷം മുതല്‍ 8.78 ലക്ഷം വരെയാണ് എക്സ്ഷോറൂം വില എന്നാണ് റിപ്പോർട്ട്.

ഫോര്‍ഡ് ആസ്പയറിനെ ചില്ലറ മാറ്റങ്ങള്‍ വരുത്തിയാണ് അവതരിപ്പിക്കുന്നത്. ഫ്രീസ്റ്റയില്‍ ബമ്പറിനോട് സാമ്യമുള്ള പുതിയ ബമ്പറും ക്രോമിയം ആവരണം ചെയ്തിട്ടുള്ള ഗ്രില്ലുമാണ് ആസ്പയറിന്‍റെ പ്രധാന മാറ്റങ്ങളിൽ ഉൾപ്പെടും. പുതിയ മോഡലിന് പഴയ ആസ്പയറിന്‍റെയും ഫിഗോയുടെയും അതേ ഹെഡ് ലാമ്പുകള്‍ തന്നെയാണ്.

ഡുവല്‍ ടോണ്‍ രീതിയിലുള്ള പിന്നിലെ ബമ്പറില്‍ ക്രോമിയം ലൈന്‍ നല്‍കിയിരിക്കുന്നത് പിന്‍ഭാഗത്തെ ആകര്‍ഷകമാക്കുന്നു. ഇവയോടൊപ്പം ടെയില്‍ ലാമ്പുകളും വ്യത്യസ്തതയുണര്‍ത്തുന്നു. പുതുതായി ഡിസൈന്‍ ചെയ്ത 15 ഇഞ്ച് മള്‍ട്ടി സ്പോക്ക് അലോയി വീലുകള്‍ നല്‍കിയിരിക്കുന്നതും പ്രത്യേകതകളില്‍ ഒന്നാണ്. ടയറുകളുടെ വീതിയും അല്പം വ്യത്യാസപ്പെടുത്തിയിട്ടുണ്ട്.

ഡുവല്‍ എയര്‍ബാഗ്സ്, എബിഎസ്, ഇബിഡി ബ്രേക്കിങ് സംവിധാനം, റിയര്‍ പാര്‍ക്കിങ് സെന്‍സര്‍, എന്നിവയാണ് സുരക്ഷാ സംവിധാനങ്ങൾ. ബ്ലാക്ക് കോംബിനേഷനിലാണ് ഇന്‍റീരിയര്‍ അലങ്കരിച്ചിട്ടുള്ളത്.

ആന്‍ഡ്രോയിഡ് ഒാട്ടോ, ആപ്പിള്‍ കാര്‍പ്ലേ സംവിധാനങ്ങളുള്ള 6.5 ഇന്‍ഫോടെയ്ന്‍മെന്‍റ് സിസ്റ്റം, ക്രൂയിസ് കണ്‍ട്രോളര്‍, റെയിന്‍ സെന്‍സിങ് വൈപ്പര്‍ എന്നിവയുമുണ്ട്. പുതിയ ആസ്പയര്‍ 1.5 മൂന്ന് സിലിണ്ടര്‍ പെട്രോള്‍ എന്‍ജിന്‍ ആറ് സ്പീഡ് ഒാട്ടോമാറ്റിക് ഗിയര്‍ബോക്സിലാണ് എത്തുന്നത്. 1.2 ലിറ്റര്‍ പെട്രോള്‍ എന്‍ജിന്‍, 1.5 ലിറ്റര്‍ ഡീസല്‍ എന്‍ജിന്‍ മോഡലുകളും വിപണിയിലെത്തുമെന്നാണ് റിപ്പോർട്ട്.

Ads by Google
Ads by Google
Loading...
TRENDING NOW