Monday, September 10, 2018 Last Updated 5 Min 7 Sec ago English Edition
Todays E paper
Ads by Google
Monday 10 Sep 2018 12.33 AM

പ്രളയബാധിത സ്‌കൂളുകളുടെയും സംഭാവനയുടെയും കണക്കെടുപ്പ്‌ 'സമ്പൂര്‍ണ'വെബ്‌പോര്‍ട്ടല്‍ വഴി

uploads/news/2018/09/247355/sampoorna.jpg

തിരുവനന്തപുരം: പ്രളയപശ്‌ചാത്തലത്തില്‍ മുഖ്യമന്ത്രിയുടെ ദുരിതാശ്വാസ നിധിയിലേക്കു വിദ്യാലയങ്ങളില്‍നിന്നും പണം ശേഖരിക്കാനും കണക്കുരേഖപ്പെടുത്താനും കേരളാ ഇന്‍ഫ്രാസ്‌ട്രക്‌ചര്‍ ആന്‍ഡ്‌ ടെക്‌നോളജി ഫോര്‍ എഡ്യൂക്കേഷന്‍ (KITE) സാങ്കേതിക സംവിധാനം ഏര്‍പ്പെടുത്തി.
ഓരോ സ്‌കൂളും ശേഖരിക്കുന്ന തുക 11നു വൈകുന്നേരം സമ്പൂര്‍ണ സ്‌കൂള്‍ മാനേജ്‌മെന്റ്‌ സോഫ്‌ട്‌ വേറിലാണു രേഖപ്പെടുത്തേണ്ടത്‌.

എസ്‌.ബി.ഐയുടെ പോര്‍ട്ടലില്‍ ഓണ്‍ലൈനായും ചെലാന്‍ ഉപയോഗിച്ചു ശാഖകള്‍ വഴിയും പൊതുവിദ്യാഭ്യാസവകുപ്പിന്റെ ബാങ്ക്‌ അക്കൗണ്ടില്‍ പണമടയ്‌ക്കാം. ഒന്നുമുതല്‍ പന്ത്രണ്ടുവരെയുള്ള മുഴുവന്‍ സ്‌കൂളുകളുടെയും (സി.ബി.എസ്‌.ഇ, ഐ.സി.എസ്‌.ഇ, കേന്ദ്രീയവിദ്യാലയങ്ങള്‍ ഉള്‍പ്പെടെ) വിശദാംശങ്ങള്‍ സമ്പൂര്‍ണയില്‍ രേഖപ്പെടുത്തണമെന്നു നേരത്തെ സര്‍ക്കാര്‍ ഉത്തരവിറക്കിയിരുന്നു.

പ്രളയ ദുരിതാശ്വാസ പ്രവര്‍ത്തനങ്ങളും സമ്പൂര്‍ണ പോര്‍ട്ടല്‍ വഴി നടത്താന്‍ നിര്‍ദേശിക്കുന്ന സര്‍ക്കുലറും പൊതുവിദ്യാഭ്യാസ വകുപ്പ്‌ പുറത്തിറക്കി. www.sampoorna.itschool.gov.in പോര്‍ട്ടലില്‍ ആണു ഫണ്ടുശേഖരണ വിവരങ്ങള്‍ നല്‍കേണ്ടത്‌. ്രെപെമറി ഹൈസ്‌കൂള്‍ വിഭാഗങ്ങള്‍ നിലവിലുള്ള സമ്പൂര്‍ണ ലോഗിന്‍ വിശദാംശങ്ങള്‍ നല്‍കിയും ഹയര്‍സെക്കന്‍ഡറി, വി.എച്ച്‌.എസ്‌.ഇ. വിഭാഗങ്ങള്‍ എച്ച്‌.എസ്‌.ക്യാപില്‍ നല്‍കിയിട്ടുള്ള ലോഗിന്‍ വിശദാംശങ്ങള്‍ നല്‍കിയും സമ്പൂര്‍ണ പോര്‍ട്ടലില്‍ പ്രവേശിക്കാം.

സി.ബി.എസ്‌.ഇ/ഐ.സി.എസ്‌.ഇ. തുടങ്ങിയ സംസ്‌ഥാന സിലബസിനു പുറമെയുള്ള സ്‌കൂളുകള്‍ സമ്പൂര്‍ണയില്‍ നല്‍കിയ ലിങ്കില്‍ പുതുതായി രജിസ്‌റ്റര്‍ ചെയ്യണം. പ്രളയബാധിത സ്‌കൂളുകളിലെ കെട്ടിടം, ചുറ്റുമതില്‍, ശൗചാലയം, കുടിവെള്ളവിതരണ സംവിധാനം, ജൈവവൈവിധ്യ ഉദ്യാനം തുടങ്ങിയവയ്‌ക്കുണ്ടായ നാശനഷ്‌ടങ്ങളുടെ കണക്ക്‌ ചിത്രം സഹിതം ശഖരിക്കുന്നത്‌ ചൊവ്വാഴ്‌ചയോടെ പൂര്‍ത്തിയാകുമെന്നു കൈറ്റ്‌ വൈസ്‌ ചെയര്‍മാനും എക്‌സിക്യൂട്ടീവ്‌ ഡയറക്‌ടറുമായ കെ. അന്‍വര്‍ സാദത്ത്‌ അറിയിച്ചു.

താല്‍പ്പര്യമുള്ളവര്‍ക്കു പുനരുദ്ധാരണ പ്രവര്‍ത്തനങ്ങളില്‍ സഹായിക്കാന്‍ സ്‌കൂളുകളുടെയും നാശനഷ്‌ടങ്ങളുടെയും വിശദാംശങ്ങള്‍ വെബ്‌സൈറ്റില്‍ ബുധനാഴ്‌ചയോടെ പ്രസിദ്ധീകരിക്കും. സര്‍ക്കുലറുകള്‍ www.eudcation.kerala.gov.inല്‍ ലഭ്യമാണ്‌.

Ads by Google
Monday 10 Sep 2018 12.33 AM
YOU MAY BE INTERESTED
Ads by Google
Loading...
LATEST NEWS
TRENDING NOW