Wednesday, April 24, 2019 Last Updated 14 Min 2 Sec ago English Edition
Todays E paper
Ads by Google
Sunday 09 Sep 2018 01.47 AM

രൂക്ഷ വിമര്‍ശനവുമായി ഒബാമ , "രാഷ്‌ട്രീയക്കാര്‍ വിതച്ച വെറുപ്പ്‌ ട്രംപ്‌ മുതലെടുക്കുന്നു"

uploads/news/2018/09/247074/in1.jpg

ഷിക്കാഗോ(ഇല്ലിനോയ്‌്): യു.എസ്‌. പ്രസിഡന്റ്‌ ഡോണള്‍ഡ്‌ ട്രംപിനെതിരേ അതിരൂക്ഷ വിമര്‍ശനവുമായി മുന്‍ പ്രസിഡന്റ്‌ ബരാക്ക്‌ ഒബാമ. വര്‍ഷങ്ങളായി രാഷ്‌ട്രീയക്കാര്‍ വിതച്ചുകൂട്ടിയ വെറുപ്പിനെ മുതലെടുക്കുകയാണു ട്രംപ്‌ ചെയ്യുന്നതെന്ന്‌ ഒബാമ ആരോപിച്ചു. വെറുപ്പിന്റെയും വിദ്വേഷത്തിന്റെയും രാഷ്‌ട്രീയത്തിനു റിപ്പബ്ലിക്കന്‍ പാര്‍ട്ടിയില്‍ സ്‌ഥാനം ലഭിച്ചതു നിര്‍ഭാഗ്യകരമാണ്‌. ഇല്ലിനോയ്‌ സര്‍വകലാശാലയില്‍ വിദ്യാര്‍ഥികളെ അഭിസംബോധന ചെയ്യുകയായിരുന്നു ഒബാമ.
പിന്‍ഗാമികളെ സ്‌ഥാനമൊഴിഞ്ഞ പ്രസിഡന്റുമാര്‍ വിമര്‍ശിക്കാറില്ലെന്ന യു.എസ്‌. പാരമ്പര്യം ഇതോടെ ഒബാമ ലംഘിച്ചു. രണ്ടുതവണ ട്രംപിനെ പേരെടുത്തു പറഞ്ഞാണ്‌ അദ്ദേഹം വിമര്‍ശിച്ചത്‌. വെറുപ്പിന്റെയും ഭയത്തിന്റെയും രാഷ്‌ട്രീയമാണ്‌ ട്രംപിന്റേതെന്നു പറഞ്ഞ ഒബാമ, യു.എസ്‌. ജനാധിപത്യത്തിനു ട്രംപും അദ്ദേഹത്തിന്റെ രീതികളും ഭീഷണിയാണെന്നും അഭിപ്രായപ്പെട്ടു.
റഷ്യയുമായുള്ള ട്രംപിന്റെ ഒത്തുകളിയെയും രാജ്യത്ത്‌ വര്‍ഗീയ ധ്രുവീകരണം സൃഷ്‌ടിക്കാനുള്ള ട്രംപിന്റെ ശ്രമത്തെയും ഒബാമ വിമര്‍ശിച്ചു. അതേസമയം, ട്രംപ്‌ കേവലമൊരു അടയാളം മാത്രമാണെന്നും ഒബാമ അഭിപ്രായപ്പെട്ടു.
മൂലകാരണം ട്രംപല്ല. നമ്മുടെ രാഷ്‌്രടീയക്കാര്‍ വര്‍ഷങ്ങളായി വിതച്ചുവരുന്ന വെറുപ്പില്‍നിന്ന്‌ നേട്ടം കൊയ്യുക മാത്രമാണ്‌ ട്രംപ്‌ ചെയ്യുന്നതെന്നും അദ്ദേഹം കൂട്ടിച്ചേര്‍ത്തു.
ട്രംപിനെതിരേ ന്യൂയോര്‍ക്ക്‌ ടൈംസില്‍ വന്ന വിവാദ ലേഖനത്തെക്കുറിച്ചും ഒബാമ പരാമര്‍ശിച്ചു.
പ്രസിഡന്റിന്റെ ഉത്തരവുകള്‍ പാലിക്കാതിരിക്കുന്ന ഉദ്യോഗസ്‌ഥര്‍ വൈറ്റ്‌ ഹൗസിലുണ്ട്‌ എന്നതുകൊണ്ടു മാത്രം എല്ലാം ശരിയാകുമെന്ന വിശ്വാസം നല്ലതല്ലെന്നും ഇതല്ല ജനാധിപത്യ രീതിയെന്നും അദ്ദേഹം ഓര്‍മ്മപ്പെടുത്തി. അതേസമയം, ഒബാമയുടെ വിമര്‍ശനങ്ങളോട്‌ രൂക്ഷമായ ഭാഷയില്‍ പ്രതികരിച്ച്‌ റിപ്പബ്ലിക്കന്‍ പാര്‍ട്ടിയും ട്രംപും രംഗത്തെത്തി.
ട്രംപ്‌ മുന്നോട്ടുവച്ച ആശയങ്ങള്‍ സ്വീകരിച്ച യു.എസ്‌. ജനത, ഒബാമയുടെ നയങ്ങളെ തള്ളിയാണ്‌ അദ്ദേഹത്തെ പ്രസിഡന്റായി തെരഞ്ഞെടുത്തതെന്നു റിപ്പബ്ലിക്കന്‍ പാര്‍ട്ടി ചൂണ്ടിക്കാട്ടി. അതേസമയം, ഒബാമയുടെ പ്രസംഗം കേട്ട്‌ തനിക്ക്‌ ഉറക്കം വന്നെന്നായിരുന്നു ട്രംപിന്റെ പ്രതികരണം.

Ads by Google
Sunday 09 Sep 2018 01.47 AM
YOU MAY BE INTERESTED
Ads by Google
Loading...
TRENDING NOW