Friday, September 14, 2018 Last Updated 58 Min 5 Sec ago English Edition
Todays E paper
Ads by Google
Tuesday 04 Sep 2018 12.03 AM

ജ്യോതിരാദിത്യ സിന്ധ്യയെ വെടിവച്ചുകൊല്ലുമെന്നു ഭീഷണി

ദമോഹ്‌ (മധ്യപ്രദേശ്‌): കോണ്‍ഗ്രസ്‌ എം.പി. ജ്യോതിരാദിത്യ സിന്ധ്യയ്‌ക്കെതിരേ സമൂഹമാധ്യമത്തിലൂടെ ബി.ജെ.പി. എം.എല്‍.എയുടെ മകന്റെ വധഭീഷണി. ഹട്ട എം.എല്‍.എ: ഉമാ ദേവി ഖാട്ടിക്കിന്റെ മകന്‍ പ്രിന്‍സ്‌ദീപ്‌ ലാല്‍ചന്ദാണു സിന്ധ്യയെ വെടിവച്ചു കൊല്ലുമെന്നു ഫെയ്‌സ്‌ബുക്കിലൂടെ ഭീഷണി മുഴക്കിയത്‌.
ഖാട്ടിക്കിന്റെ മണ്ഡലമായ ഹട്ടയില്‍ നാളെ നടക്കുന്ന കോണ്‍ഗ്രസ്‌ റാലിയില്‍ സിന്ധ്യ സംബന്ധിക്കാനിരിക്കെയാണ്‌ ഭീഷണി. ജ്യോതിരാദിത്യ സിന്ധ്യാ; നിങ്ങളുടെ ഞരമ്പുകളില്‍ ഒഴുകുന്നത്‌ ഝാന്‍സി റാണിയെ വധിച്ച ശിവാജിറാവുവിന്റെ രക്‌തമാണ്‌. ഹട്ടയില്‍ കാലുകുത്തിയാല്‍ നിങ്ങളെ ഞാന്‍ വെടിയുതിര്‍ത്തു കൊല്ലും. നമ്മളില്‍ ഒരാള്‍ മാത്രമായിരിക്കും ഇനി ജീവിക്കുക -എന്നായിരുന്നു പ്രിന്‍സ്‌ദീപ്‌ ലാല്‍ചന്ദിന്റെ കുറിപ്പ്‌.
എന്നാല്‍ മകന്റെ നിലപാടിനോടു വിയോജിച്ച്‌ ഉമാദേവി ഖാട്ടിക്‌ രംഗത്തെത്തി. കുറിപ്പ്‌ ദൗര്‍ഭാഗ്യകരമായിപ്പോയെന്നും സിന്ധ്യയ്‌ക്കെതിരായ പോസ്‌റ്റ്‌ പിന്‍വലിക്കാന്‍ മകനോട്‌ ആവശ്യപ്പെടുമെന്നുമായിരുന്നു ഖാട്ടിക്കിന്റെ പ്രതികരണം.

Ads by Google
Tuesday 04 Sep 2018 12.03 AM
YOU MAY BE INTERESTED
Ads by Google
Loading...
TRENDING NOW