Saturday, November 17, 2018 Last Updated 37 Min 0 Sec ago English Edition
Todays E paper
Ads by Google
Monday 03 Sep 2018 09.10 AM

''ഒരു സ്ത്രീയുടെ നെഞ്ചില്‍ തൊടുക എന്ന ഒരു ദുരുദ്ദേശം ഒരിക്കലും ഉണ്ടായിരുന്നില്ല'' ; സംസ്‌ക്കാര ചടങ്ങില്‍ പാട്ടുകാരിയെ കെട്ടിപ്പിടിച്ച ബിഷപ്പിന് കാര്യങ്ങള്‍ കൈവിട്ടു പോയപ്പോള്‍ ഖേദം

uploads/news/2018/09/245527/bishop-ellis.jpg

''ഒരു സ്ത്രീയുടെ നെഞ്ചില്‍ തൊടുക എന്ന ഒരു ദുരുദ്ദേശം ഒരിക്കലും ഉണ്ടായിരുന്നില്ല. കൈ അവരെ ചുറ്റുമ്പോള്‍ അങ്ങനെ സംഭവിച്ചോ എന്ന് പോലും എനിക്കറിയില്ല'' ശനിയാഴ്ച എല്ലിസിന്റെ വാക്കുകള്‍ ഇങ്ങിനെയായിരുന്നു. '' കെട്ടിപ്പിടിച്ചത് ചിരപരിചിതരെപ്പോലെയോ അതിസൗഹാര്‍ദ്ദത്തിലോ ആയിരുന്നു അത് അറിയാതെ പരിധി വിട്ടു പോയെങ്കില്‍ ക്ഷമ ചോദിക്കുന്നു.'' സംസ്‌ക്കാര ചടങ്ങില്‍ പാടിയ ഗായികയെ കെട്ടിപ്പിടിച്ചത് വിവാദമായതിനെ തുടര്‍ന്ന് മാപ്പു പറഞ്ഞു ബിഷപ് ചാള്‍സ് എച്ച്. എല്ലിസ് മൂന്നാമന്റെ പ്രതികരണമായിരുന്നു ഇത്.

അരേതാ ഫ്രാങ്ക്‌ളിന്‍ എന്ന പാട്ടുകാരിയുടെ സംസ്‌ക്കാര ചടങ്ങ് ഡെട്രോയിറ്റിലെ ഗ്രേറ്റര്‍ ഗ്രേസ് ടെമ്പിളില്‍ ഓഗസ്റ്റ് 31 ന് നടന്നപ്പോള്‍ ബിഷപ്പ് ചാള്‍സ് എല്ലിസ് പരിപാടി അവതരിപ്പിച്ച അരീയാന ഗ്രാന്റേയെ കെട്ടിപ്പിടിച്ചത് വിവാദമായ പശ്ചാത്തലത്തിലായിരുന്നു എല്ലിസ് മൂന്നാമന്റെ പ്രതികരണം. സംഭവത്തില്‍ ഓണ്‍ലൈനില്‍ ബിഷപ്പിന് വലിയ വിമര്‍ശനം നേരിടേണ്ടി വന്നതോടെയാണ് ക്ഷമാപണവുമായി ചാള്‍ എല്ലിസ് എത്തിയത്.

25 കാരിയായ ഗ്രാന്റേ ചടങ്ങില്‍ അരേതാ ഫ്രാങ്ക്‌ളിന്റെ ക്‌ളാസ്സിക് ''എ നാച്യൂറല്‍ വുമണ്‍'' എന്ന ആല്‍ബത്തിലെ യൂ മേയ്ക്ക് മീ ഫീല്‍ ലൈക്ക് എന്ന ഗാനം പാടിക്കഴിഞ്ഞപ്പോഴായിരുന്നു എല്ലിസിന്റെ കെട്ടിപ്പിടുത്തം. പാട്ടുകാരിയെ അഭിനന്ദിക്കാന്‍ വേദിയില്‍ എത്തിയ ബിഷപ്പ് ഗ്രാന്റേയുടെ അരക്കെട്ടിലൂടെ ചുറ്റിപ്പിടിക്കുകയും അറിയാത്ത വിധം നെഞ്ചില്‍ തൊടുകയും ചെയ്തു. ഇത് സാമൂഹ്യ മാധ്യമങ്ങളില്‍ വലിയ വിമര്‍ശനത്തിന് കാരണമായി ഭവിച്ചു. അമേരിക്കന്‍ മുന്‍ പ്രസിഡന്റ് ബില്‍ ക്‌ളിന്റണ്‍ ഉള്‍പ്പെടെയുള്ള പ്രമുഖരും താരങ്ങളും പങ്കെടുത്ത ചടങ്ങിലായിരുന്നു ഇത്.

നിയന്ത്രണം പാലിക്കുന്നതില്‍ വീഴ്ചയുണ്ടായി. കൂടുതല്‍ സൗഹാര്‍ദപരമായി ഇടപെട്ടത് തെറ്റിദ്ധാരണയ്ക്ക് ഇടയാക്കി. എന്നാല്‍ എല്ലാവരോടും ക്ഷമചോദിക്കുന്നുവെന്നും ബിഷപ്പ് പിന്നീട് പ്രസ്താവനയില്‍ പറയുകയുണ്ടായി. ഒരു പക്ഷേ ഗ്രാന്റേയുടെ അരക്കെട്ടിലൂടെയുള്ള തന്റെ പിടുത്തം അവര്‍ക്ക് ഉയരംകുറവായതിനാല്‍ അല്‍പ്പം മുകളിലേക്ക് കയറിയതായിരിക്കാം മോശമായി ചിത്രീകരിക്കാന്‍ കാരണമെന്നു എല്ലിസ് തമാശയായും പറഞ്ഞു. 6000 പേരായിരുന്നു അരേതാ ഫ്രാങ്ക്‌ളിന്റെ സംസ്‌ക്കര ചടങ്ങിനെത്തിയത്.

Ads by Google
Monday 03 Sep 2018 09.10 AM
YOU MAY BE INTERESTED
Ads by Google
Loading...
LATEST NEWS
TRENDING NOW