Sunday, September 02, 2018 Last Updated 6 Min 44 Sec ago English Edition
Todays E paper
Ads by Google
Sunday 02 Sep 2018 08.08 AM

ദിവസവും രണ്ടര കിലോ ചിക്കന്‍, അന്‍പത് മുട്ടയുടെ വെള്ള; പീഡനത്തില്‍ അറസ്റ്റിലായ മിസ്റ്റര്‍ ഇന്ത്യയുടെ ദിനചര്യങ്ങള്‍ കേട്ട് ഞെട്ടി പോലീസ്

murali kumar

കോട്ടയം : ഹോട്ടലില്‍ മുറിയെടുത്ത് ഫേസ്ബുക്ക് വഴി പരിചയപ്പെട്ട യുവതിയെ പട്ടാപ്പകല്‍ പീഡിപ്പിക്കാന്‍ ശ്രമിച്ച് അറസ്റ്റിലായ മിസ്റ്റര്‍ ഇന്ത്യ പട്ടം സ്വന്തമാക്കിയ മുരളി കുമാറിന് ഇനി കാത്തിരിക്കുന്നത് കഷ്ടകാലം. ശരീരപുഷ്ടിക്കായി തുടര്‍ന്ന് പോന്ന മുരളിയുടെ ദിനചര്യങ്ങള്‍ എല്ലാം തെറ്റുമെന്ന് ഉറപ്പായിട്ടുണ്ട്.

ശരീരപുഷ്ടി നിലനിര്‍ത്തുന്നതിനായുള്ള മുരളിയുടെ ഭക്ഷണ ശീലം കേട്ട് ഞെട്ടിയിരിക്കുകയാണ് പോലീസ്. ദിവസവും രണ്ടരക്കിലോ കോഴി ഇറച്ചിയും അമ്പത് കോഴിമുട്ട വെള്ളയും താന്‍ കഴിക്കുമെന്നാണ് ഇയാള്‍ പോലീസിനോട് പറഞ്ഞത്. ആറ് മണിക്കൂര്‍ ജിമ്മില്‍ കഠിന പരിശ്രമത്തിലാണെന്നും മുരളി പോലീസിനോട് പറഞ്ഞു. എന്നാല്‍ അറസ്റ്റിലായതോടെ ഇൗ ദിനചര്യങ്ങളെല്ലാം തെറ്റുമെന്ന് ഉറപ്പായിട്ടുണ്ട്.

ഫേസ്ബുക്കിലൂടെ പരിചയപ്പെട്ട യുവതിയെ കഴിഞ്ഞ ദിവസമാണ് കോട്ടയത്തുള്ള ഹോട്ടലില്‍ മുറിയെടുത്തശേഷം വിളിച്ചുവരുത്തി പീഡിപ്പിക്കാന്‍ ശ്രമിച്ചത്. അമിത രക്തശ്രാവമുണ്ടായി യുവതിയെ ആശുപത്രിയില്‍ പ്രവേശിപ്പിച്ചതോടെയാണ് പീഡന വിവരം പുറംലോകം അറിയുന്നത്. ചായകുടിക്കാനെന്ന പേരില്‍ ഹോട്ടലിലേക്ക് കൂട്ടിക്കൊണ്ട് പോയി മുരളി കുമാര്‍ തന്നെ പീഡിപ്പിക്കുകയായിരുന്നെന്നാണ് യുവതു പോലീസില്‍ നല്‍കിയ മൊഴി. ഇതോടെ പോലീസ് ഇയാളെ അറസ്റ്റ് ചെയ്യുകയായിരുന്നു.

യുവതിയുമായി മുരളി കുമാര്‍ ആറ് മാസം മുമ്പേ ഫേസ്ബുക്കിലൂടെ പരിചയത്തിലായിരുന്നു. യുവതിയുമായുള്ള പരിചയത്തിലൂടെ വീട്ടുകാരുമായും മുരളി അടുപ്പം സ്ഥാപിച്ചു. അടുത്തടുത്ത നാട്ടുകാര്‍ കൂടിയായതിനാല്‍ ഹോട്ടലിലേക്ക് ക്ഷണിച്ചപ്പോള്‍ യാതൊരു സംശയവവും തോന്നിയില്ല. ഹോട്ടല്‍ മുറിയിലെത്തിയ യുവതിയെ മുരളി ക്രൂരമായി ബലാത്സംഗം ചെയ്യുകയായിരുന്നുവെന്നാണ് വിവരം.

വ്യാഴാഴ്ച രാത്രിയാണ് അമിത രക്തശ്രാവത്തെ തുടര്‍ന്ന് യുവതിയെ കോട്ടയത്തെ സ്വകാര്യ ആശുപത്രിയില്‍ പ്രവേശിപ്പിക്കുന്നത്. യുവതിയെ ആശുപത്രിയില്‍ എത്തിച്ചതും മുരളി കുമാര്‍ തന്നെയാണ്. പിന്നീട് യുവതി അബോധാവസ്തയിലായി. ഇന്നലെ ഉച്ചയോടെയാണ് സ്വബോധം തിരികെ കിട്ടിയത്. തുടര്‍ന്ന് സംഭവത്തെ കുറിച്ച് യുവതി പോലീസില്‍ മൊഴി നല്‍കുകയായിരുന്നു. അവിവാഹിതയായ തന്നെ വിവാഹിതനും രണ്ട് കുട്ടികളുടെ പിതാവുമായ മുരളി കുമാര്‍ ക്രൂരമായി ബലാത്സംഗം ചെയ്തുവെന്നാണ് യുവതി നല്‍കിയ മൊഴി.

എന്നാല്‍ പോലീസിന് മുന്നില്‍ മുരളി കുമാര്‍ യുവതിയുടെ പരാതി നിരസിച്ചു. പരസ്പര സമ്മതപ്രകാരമാണ് തങ്ങള്‍ ലൈംഗികബന്ധത്തില്‍ ഏര്‍പ്പെട്ടതെന്നും പരുക്ക് പറ്റിയപ്പോള്‍ തന്നെ കേസില്‍ കുടുക്കാന്‍ യുവതി ശ്രമിക്കുന്നതുമാണെന്ന് മുരളി പോലീസിനോട് പറഞ്ഞതായാണ് വിവരം. എന്നാല്‍ പെണ്‍കുട്ടി ഇത് നിഷേധിക്കുകയും മുരളിയില്‍ നിന്നും ക്രൂര പീഡനമാണ് ഏല്‍ക്കേണ്ടി വന്നതെന്നും യുവതി വ്യക്തമാക്കിയതായി പോലീസ് പറഞ്ഞു.

നേവിയില്‍ ഉദ്യോഗസ്ഥനായ മുരളി പങ്കെടുക്കുന്ന ശരീരസൗന്ദര്യ മത്സര വേദികളില്‍ നിന്നും ഇയാള്‍ക്കൊപ്പം നിന്ന് പ്രശസ്തരടക്കമുള്ളവര്‍ സെല്‍ഫികള്‍ എടുക്കുകയും സോഷ്യല്‍ മീഡിയകളില്‍ പോസ്റ്റ് ചെയ്യുകയും ചെയ്തിരുന്നു.

Ads by Google
Ads by Google
Loading...
TRENDING NOW