Tuesday, January 22, 2019 Last Updated 14 Min 27 Sec ago English Edition
Todays E paper
Ads by Google
Wednesday 29 Aug 2018 11.18 AM

സെര്‍വന്റൈര്‍ ഗ്ലോബല്‍ ഇനി നെറ്റ് ഒബ്‌ജെക്‌സിനു സ്വന്തം; സ്റ്റാര്‍ട്ടപ്പ് മിഷന് കീഴിലെ സ്ഥാപനത്തെ അമേരിക്കന്‍ കമ്പനി ഏറ്റെടുത്തു

ബ്ലോക്ക്ചെയിന്‍ മേഖലയിലെ ഉത്പന്നങ്ങളും ഉപഭോക്താക്കളും വിപൂലീകരിക്കുന്നതിന്റെ ഭാഗമായാണിത്.
uploads/news/2018/08/244231/photo_serventer.jpg

തിരുവനന്തപുരം: കേരള സ്റ്റാര്‍ട്ടപ്പ് മിഷനില്‍ സ്‌കെയില്‍-അപ് ഘട്ടത്തിലുള്ള ബ്ലോക്ക്ചെയിന്‍ കമ്പനിയായ സെര്‍വന്റൈര്‍ ഗ്ലോബലിനെ അമേരിക്കയിലെ കാലിഫോര്‍ണിയ ആസ്ഥാനമായ നെറ്റ് ഒബ്ജെക്സ് ഏറ്റെടുത്തു. ബ്ലോക്ക്ചെയിന്‍ മേഖലയിലെ ഉത്പന്നങ്ങളും ഉപഭോക്താക്കളും വിപൂലീകരിക്കുന്നതിന്റെ ഭാഗമായാണിത്.

നിര്‍മിതബുദ്ധി, ബ്ലോക്ക്ചെയിന്‍, ഇന്റര്‍നെറ്റ് ഓഫ് തിംഗ്സ് എന്നീ സാങ്കേതികവിദ്യകള്‍ അടിസ്ഥാനമാക്കി പ്രവര്‍ത്തിക്കുന്ന നെറ്റ്ഒബ്ജെക്സ്, ഗതാഗതം, സ്മാര്‍ട്ട് സിറ്റികള്‍, വിതരണ ശൃംഖല എന്നിവയിലാണ് ശ്രദ്ധ കേന്ദ്രീകരിച്ചിരിക്കുന്നത്. ഏറ്റെടുക്കല്‍ കരാറിന്റെ വിശദാംശങ്ങള്‍ പുറത്തു വിട്ടിട്ടില്ല. വികസനത്തില്‍ ഏറെ മുന്നോട്ടുപോയ സ്റ്റാര്‍ട്ടപ്പുകളെയാണ് സ്‌കെയില്‍-അപ് ഘട്ടത്തില്‍ ഉള്‍പ്പെടുത്തിയിരിക്കുന്നത്.

ബ്ലോക്ക്ചെയിന്‍ അടിസ്ഥാനമാക്കി തത്സമയ പേമെന്റടക്കമുള്ള സാമ്പത്തിക സാങ്കേതിക ഉത്പന്നങ്ങള്‍ ഉണ്ടാക്കുന്ന കമ്പനിയാണ് സെര്‍വന്റൈര്‍. ഫിന്‍ടെക്, ആരോഗ്യ സംരക്ഷണം, കാര്‍ഷിക സാങ്കേതികവിദ്യ, വിതരണ ശൃംഖല എന്ന മേഖലകളിലാണ് സെര്‍വെന്റൈര്‍ ഗ്ലോബലിനു വൈദഗ്ധ്യമുള്ളത്. വടക്കേഅമേരിക്ക, ഇന്ത്യ, ദക്ഷിണ പൂര്‍വേഷ്യ, എന്നിവിടങ്ങളില്‍ നെറ്റ് ഒബ്ജെക്സിന് ഓഫീസുകളുണ്ട്. ലാറ്റിനമേരിക്ക, മധ്യപൂര്‍വേഷ്യ എന്നിവിടങ്ങളില്‍ പ്രതിനിധികളും കമ്പനിക്കുണ്ട്.

സമാനസാങ്കേതിക വിദ്യ ഉപയോഗിക്കുന്ന രണ്ട് കമ്പനികളുടെ ഒത്തുചേരലാണ് ഏറ്റെടുക്കലിലൂടെ ഉണ്ടായിരിക്കുന്നതെന്ന് നെറ്റ് ഒബ്ജെക്സ് സിഇഒ രഘു ബാല പറഞ്ഞു.

വലിയ ലക്ഷ്യങ്ങളിലേക്കെത്താനുള്ള വഴിയാണ് ഈ ഏറ്റെടുക്കലിലൂടെ ലഭിച്ചിരിക്കുന്നതെന്ന് സെര്‍വെന്റൈര്‍ ഗ്ലോബല്‍ സിഇഒ ഗ്രിഗറി ജേക്കബ് പറഞ്ഞു. ഡിസ്ട്രിബ്യൂട്ടീവ് ലെഡ്ജര്‍ സാങ്കേതികവിദ്യ അതിവേഗം വളര്‍ന്നു കൊണ്ടിരിക്കുകയാണെന്നും അദേഹം ചൂണ്ടിക്കാട്ടി.
info@netobjex.com, hello@servntire.com

Ads by Google
Wednesday 29 Aug 2018 11.18 AM
YOU MAY BE INTERESTED
Ads by Google
Loading...
LATEST NEWS
TRENDING NOW