Friday, April 19, 2019 Last Updated 50 Min 33 Sec ago English Edition
Todays E paper
Ads by Google
Tuesday 28 Aug 2018 11.45 AM

ഇന്ത്യലെ കോടിക്കണക്കിന് രൂപയുടെ സ്വത്തുക്കള്‍ നഷ്ടപ്പെടുമെന്ന് ഭീതി; തിരികെയെത്താന്‍ സന്നദ്ധത അറിയിച്ച് മല്യ

uploads/news/2018/08/243939/vijay-mallya.jpg

ന്യൂഡല്‍ഹി : ഇന്ത്യയിലെ കോടിക്കണക്കിന് രൂപയുടെ സ്വത്തുക്കള്‍ കൈവിട്ടുപോകാനുള്ള സാധ്യതയിലേയ്ക്ക് കാര്യങ്ങള്‍ നീങ്ങിയതോടെ ബ്രിട്ടണില്‍ നിന്നു തിരിച്ചുവരാന്‍ വിവാദ വ്യവസായി വിജയ്മല്യ സന്നദ്ധത അറിയിച്ചതായി റിപ്പോര്‍ട്ട്. കഴിഞ്ഞ രണ്ടു മാസമായി തുടര്‍ച്ചയായി ദൂതന്മാര്‍ മുഖേനയാണ് മല്യ തന്റെ ആഗ്രഹം ബന്ധപ്പെട്ട കേന്ദ്രങ്ങളെ അറിയിച്ചത്. സാമ്പത്തിക കുറ്റകൃത്യം നടത്തി രാജ്യം വിടുന്നവരുടെ സ്വത്തുവകകള്‍ കണ്ടുകെട്ടാന്‍ അധികാരം നല്‍കുന്ന പുതിയ ഓര്‍ഡിനന്‍സിലൂടെ ഇന്ത്യയിലുള്ള മല്യയുടെ സ്വത്തുക്കള്‍ അന്വേഷണ ഏജന്‍സികള്‍ പിടിച്ചെടുത്തിരുന്നു. ഇതോടെയാണ് സ്വത്തുക്കള്‍ നിലനിര്‍ത്താനുള്ള തന്ത്രത്തിന്റെ ഭാഗമായി ഇന്ത്യയിലേയ്ക്ക് മടങ്ങാനുള്ള ആഗ്രഹവുമായുള്ള മല്യയുടെ രംഗപ്രവേശമെന്നാണ് ബന്ധപ്പെട്ട കേന്ദ്രങ്ങളുടെ വിലയിരുത്തല്‍.

നിലവില്‍ ബ്രിട്ടനില്‍ നിന്ന് മല്യയെ നാടുകടത്തണമെന്ന ഇന്ത്യയുടെ ആവശ്യത്തിനെതിരെ നിയമപോരാട്ടത്തിലാണ് മല്യ. ഇന്ത്യയിലെ തടവറകളുടെ നില അത്യന്തം പരിതാപകരമാണെന്ന വാദം ഉയര്‍ത്തിയാണ് മല്യയുടെ എതിര്‍പ്പ്. പുതിയ ഓര്‍ഡിനന്‍സ് പ്രകാരം പിടിച്ചെടുത്ത സ്വത്തുക്കള്‍ കണ്ടുകെട്ടാന്‍ കോടതി തീരുമാനിച്ചാല്‍ പിന്നീട് ഇതൊരിക്കലും ഉടമയ്ക്ക് തിരികെ ലഭിക്കുകയില്ല.

അതുകൊണ്ടു തന്നെ കോടതി അനുമതി ലഭിച്ചാല്‍ വസ്തുവകകളുടെ ഉടമസ്ഥാവകാശം സര്‍ക്കാരിനാകും. ഈ സ്വത്തുക്കള്‍ ലേലം ചെയ്തു കിട്ടുന്ന പണം ഉപയോഗിച്ച് തട്ടിപ്പിന് ഇരയായവര്‍ക്ക് നഷ്ടപരിഹാരം നല്‍കാനാകും.

Ads by Google
Ads by Google
Loading...
TRENDING NOW