നോക്കിയ 6.1 പ്ലസ് ആഗസ്റ്റ് 21ന് എത്തിയേക്കും

നോക്കിയ 6.1 പ്ലസ് ആഗസ്റ്റ് 21ന് ഇന്ത്യയില്‍ അവതരിപ്പിക്കുമെന്ന് റിപ്പോർട്ട്. ഏകദേശം 20,100 രൂപ ആണ് ഫോണിന്റെ വില. നോക്കിയ എക്‌സ് 6 ഫോണിന്റെ ഗ്ലോബല്‍ വേര്‍ഷന്‍ ആയാണ് നോക്കിയ 6.1 പ്ലസ് എത്തുന്നത്. വൈഫൈ, ബ്ലൂടൂത്ത് സെര്‍ട്ടിഫിക്കേഷനാണ് ഫോണിലെ ഏറ്റവും വലിയ സവിശേഷത.

5.8 ഇഞ്ച് ഫുള്‍ എച്ച്‌ഡി + 1080×2280 പിക്‌സല്‍ ഡിസ്‌പ്ലേ, 2.5D ഗോറില്ല ഗ്ലാസ് 3, ഡിസ്‌പ്ലേ നോച്ച്‌, 19: 9 അനുപാതമുള്ള ഡിസ്‌പ്ലേ, ഡ്യുവല്‍ സിം, ആന്‍ഡ്രോയിഡ് 8.1 ഓറിയോ,ഒക്ട കോര്‍ സ്‌നാപ്ഡ്രാഗണ്‍ 636 SoC, 4 ജിബി റാം എന്നിവയാണ് പ്രധാന പ്രത്യേകതകൾ. 64 GB ഇന്‍ബില്‍റ്റ് സ്റ്റോറേജും മൈക്രോഎസ്ഡി കാര്‍ഡ് വഴി 400 GB വരെ വർദ്ധിപ്പിക്കാം. ക്യാമറയുടെ കാര്യത്തില്‍ പ്രൈമറി 16 മെഗാപിക്‌സല്‍ സെന്‍സറും സെക്കന്‍ഡറി 5 മെഗാപിക്‌സല്‍ മോണോക്രോം സെന്‍സറോടു കൂടിയ ഡ്യുവല്‍ റിയര്‍ ക്യാമറ സെറ്റപ്പാണ് ഫോണിനുള്ളത്.

3060 mAh ബാറ്ററിയാണ് ഫോണിലുള്ളത്. ആക്‌സിലറോമീറ്റര്‍, ആംബിയന്റ് ലൈറ്റ് സെന്‍സര്‍, ഡിജിറ്റല്‍ കോംപസ്, ഗ്രിസ്‌കോപ്പ്, പ്രോക്‌സിമിറ്റി സെന്‍സര്‍ എന്നിവയാണ് പ്രധാന സെന്‍സറുകള്‍. 4 ജി വോള്‍ട്ട്, വൈഫൈ, ബ്ലൂടൂത്ത് v5.0, ജിപിഎസ്, 3.5 എംഎം ഹെഡ്‌ഫോണ്‍ ജാക്ക്, യുഎസ്ബി ടൈപ്പ് സി പോര്‍ട്ട് എന്നിവയാണ് നോക്കിയ 6.1 പ്ലസ് കണക്ടിവിറ്റി ഓപ്ഷനുകള്‍.