Thursday, September 13, 2018 Last Updated 2 Min 4 Sec ago English Edition
Todays E paper
Ads by Google
Wednesday 15 Aug 2018 02.00 AM

ഇന്നു നിങ്ങള്‍ക്കെങ്ങിനെ? 15.08.2018

uploads/news/2018/08/241436/nithyam.jpg

മേടം (അശ്വതി, ഭരണി, കാര്‍ത്തിക ) - ബന്ധുക്കളുടെ സഹകരണം മുഖേന ഏര്‍പ്പെടുന്ന കാര്യങ്ങളില്‍ വിജയം കൈവരിക്കും. ആഘോഷവേളകളില്‍ പങ്കെടുക്കാനിടയുണ്ട്‌. സാഹിത്യകാരന്മാര്‍ക്ക്‌ പുതിയ കൃതികള്‍ പ്രസിദ്ധീകരിക്കാന്‍ സാധിക്കും. വിദേശത്തുനിന്നും നാട്ടില്‍ വരാന്‍ ശ്രമിക്കുന്നവരുടെ ആഗ്രഹം സഫലീകരിക്കും.

ഇടവം (കാര്‍ത്തിക , രോഹിണി, മകയിരം ) - സാമ്പത്തിക ഇടപാടുകള്‍ സൂക്ഷിക്കണം. പുണ്യക്ഷേത്ര ദര്‍ശനം ഉണ്ടാകും. കലാരംഗത്ത്‌ പ്രവര്‍ത്തിക്കുന്നവര്‍ക്ക്‌ ധാരാളം അവസരങ്ങള്‍ ലഭിക്കും. ഏറ്റെടുത്ത ജോലികള്‍ പൂര്‍ത്തിയാക്കുവാന്‍ കഠിനമായി പ്രയത്നിക്കേണ്ടതായി വരും. ഭൂമിസംബന്ധമായ ക്രയവിക്രയങ്ങള്‍ക്ക്‌ അനുകൂല സമയം.

മിഥുനം (മകയിരം , തിരുവാതിര, പുണര്‍തം ) - ഏതു കാര്യത്തിലും പ്രതീക്ഷിക്കുന്നതിലുമധികം പണച്ചലവ്‌ വന്നുചേരും. മാതാവിന്റെ ആരോഗ്യകാര്യങ്ങള്‍ക്കായി പണം ചെലവഴിക്കും. പുതിയ സംരംഭങ്ങള്‍ തുടങ്ങാന്‍ ഉദ്ദേശിക്കുന്നവര്‍ക്ക്‌ സമയം നന്നല്ല.

കര്‍ക്കടകം (പുണര്‍തം , പൂയം, ആയില്യം) - പഴയ വാഹനം ലാഭത്തിന്‌ വാങ്ങാന്‍ സാധിക്കും. വിദ്യാര്‍ത്ഥികള്‍ക്ക്‌ മത്സരപരീക്ഷകളില്‍ വിജയസാധ്യത കാണുന്നു. സാമ്പത്തികമായി നേട്ടം ഉണ്ടാകും. സഹോദരസ്‌ഥാനീയരില്‍ നിന്നും സഹായ സഹകരണ ങ്ങള്‍ ലഭിക്കും. കര്‍മ്മസംബന്ധമായി അഭിവൃദ്ധി ഉണ്ടാകും. പുതിയ സംരംഭങ്ങള്‍ തുടങ്ങാന്‍ ശ്രമിക്കുന്നവര്‍ക്ക്‌ അനുകൂല സമയം.

ചിങ്ങം (മകം, പൂരം, ഉത്രം ) - വാഹനസംബന്ധമായി ചിലവുകള്‍ വര്‍ദ്ധിക്കും. ഗൃഹനിര്‍മ്മാണപ്രവര്‍ത്തനങ്ങള്‍ക്ക്‌ ഉദ്ദേശിക്കുന്നവര്‍ക്ക്‌ തടസങ്ങള്‍ നേരിടും. ധാരാളം ചെറുയാത്രകള്‍ ആവശ്യമായി വരും. വസ്‌തുവകകള്‍ വില്‍ക്കുവാന്‍ ശ്രമിക്കുന്നവര്‍ക്ക്‌ അത്‌ സാധിക്കുമെങ്കിലും പ്രതീക്ഷിച്ചത്ര ലാഭം ലഭിക്കുകയില്ല.

കന്നി (ഉത്രം , അത്തം, ചിത്തിര ) - സിനിമാ സീരിയല്‍ രംഗത്തു പ്രവര്‍ത്തിക്കുന്നവര്‍ക്ക്‌ ധാരാളം അവസരം ലഭിക്കും. സന്താനങ്ങള്‍ മുഖേന മനഃസന്തോഷം വര്‍ദ്ധിക്കും. ഉദ്യോഗാര്‍ത്ഥികള്‍ക്ക്‌ ഇന്റര്‍വ്യൂകളില്‍ മെച്ചപ്പെട്ട പ്രകടനം കാഴ്‌ചവയ്‌ക്കന്‍ സാധിക്കും. വിശേഷവസ്‌ത്രാഭരണങ്ങള്‍ ലഭിക്കും.

തുലാം (ചിത്തിര , ചോതി, വിശാഖം ) - ശത്രുക്കള്‍ വര്‍ദ്ധിക്കാന്‍ സാദ്ധ്യത ഉള്ളതിനാല്‍ എല്ലാവരോടും നയപരമായി പെരുമാറണം. ദാമ്പത്യജീവിതം സംതൃപ്‌തമായിരിക്കും. ഏര്‍പ്പെടുന്ന കാര്യങ്ങളില്‍ വിജയം, സാമ്പത്തികാഭിവൃദ്ധി എന്നിവ ഉണ്ടാകും. ഗൃഹത്തില്‍ ബന്ധുസമാഗമം പ്രതീക്ഷിക്കാം. ദാമ്പത്യസുഖവും സന്തോഷവും അനുഭവപ്പെടും. വിദ്യാര്‍ത്ഥികള്‍ക്ക്‌ പഠനകാര്യങ്ങളില്‍ താല്‍പര്യം വര്‍ദ്ധിക്കും. വിദേശത്ത്‌ നിന്നും ധനലാഭം.

വൃശ്‌ചികം (വിശാഖം , അനിഴം, തൃക്കേട്ട) - മനസിന്‌ സന്തോഷവും മനഃസമാധാനവും ലഭിക്കും. പോലീസ്‌ പട്ടാളം മേഖലയില്‍ പ്രവര്‍ത്തിക്കുന്നവര്‍ക്ക്‌ പ്രതീക്ഷിക്കുന്ന സ്‌ഥലത്തേക്ക്‌ സ്‌ഥലംമാറ്റത്തിനുള്ള ഉത്തരവ്‌ ലഭിക്കും. ബന്ധുക്കളില്‍ നിന്നും ഗുണാനുഭവം ഉണ്ടാകും. സഹോദരസ്‌ഥാനീയരില്‍ നിന്നും സഹായ സഹകരണങ്ങള്‍ ലഭിക്കും.

ധനു (മൂലം, പൂരാടം, ഉത്രാടം ) - സന്താനങ്ങള്‍ക്ക്‌ ദൂരദേശത്ത്‌ തൊഴില്‍ ലഭിക്കാന്‍ സാദ്ധ്യതയുണ്ട്‌. മേലധികാരികളില്‍നിന്നും സൗഹാര്‍ദ്ദപരമായ സമീപനം പ്രതീക്ഷിക്കാം. നിശ്‌ചയിച്ച വിവാഹം ഭംഗിയായി നടക്കും. കലാരംഗത്ത്‌ പ്രവര്‍ത്തിക്കുന്നവര്‍ക്ക്‌ പ്രശസ്‌തിയും അംഗീകാരവും ലഭിക്കും.

മകരം (ഉത്രാടം , തിരുവോണം, അവിട്ടം ) - ഗൃഹത്തില്‍ ബന്ധു സമാഗമം പ്രതീക്ഷിക്കാം. കാര്‍ഷികവിളകള്‍ക്ക്‌ നല്ല വില ലഭിക്കും. അപ്രതീക്ഷിതമായി സമ്മാനങ്ങള്‍ ലഭിക്കുക വഴി മനഃസന്തോഷം വര്‍ദ്ധിക്കും. പിതൃഗുണം പ്രതീക്ഷിക്കാം. ദാമ്പത്യജീവിതം സന്തോഷപ്രദമായിരിക്കും. തൊഴില്‍രഹിതര്‍ക്ക്‌ പുതിയ അവസരങ്ങള്‍ സാദ്ധ്യമാകും. വിവാഹാദി മംഗളകര്‍മ്മങ്ങളില്‍ പങ്കെടുക്കുവാന്‍ അവസരം ലഭിക്കും.

കുംഭം (അവിട്ടം , ചതയം, പൂരുരുട്ടാതി ) - കൃഷിക്കാര്‍ക്ക്‌ ധനനഷ്‌ടത്തിന്‌ സാദ്ധ്യത. ഉപരിപഠനത്തിന്‌ ശ്രമിക്കുന്നവര്‍ക്ക്‌ തടസങ്ങള്‍ നേരിടും. സന്താനങ്ങള്‍ക്ക്‌ തൊഴില്‍ ലബ്‌ധി ഉണ്ടാകാനിടയുണ്ട്‌. പുണ്യസ്‌ഥലങ്ങള്‍ സന്ദര്‍ശിക്കാനിടവരും. സാഹസിക പ്രവര്‍ത്തനങ്ങളില്‍ ഏര്‍പ്പെടുന്നവര്‍ സുരക്ഷിതത്വം ഉറപ്പുവരുത്തണം.

മീനം (പൂരുരുട്ടാതി , ഉതൃട്ടാതി, രേവതി) - ആരോഗ്യകാര്യങ്ങളില്‍ വളരെയധികം ശ്രദ്ധിക്കുക. മുന്‍കോപം നിയന്ത്രിക്കുക. ആഡംബര വസ്‌തുക്കളില്‍ വര്‍ദ്ധിക്കും. സാമ്പത്തിക ഇടപാടുകളില്‍ വളരെയധികം സൂക്ഷിക്കുക. വ്യാപാര വ്യവസായ രംഗത്ത്‌ പുരോഗതി ഉണ്ടാകും. അപവാദാരോപണങ്ങള്‍ കേള്‍ക്കേണ്ടി വരും.

- അനില്‍ പെരുന്ന - 9847531232

Ads by Google
Wednesday 15 Aug 2018 02.00 AM
YOU MAY BE INTERESTED
Ads by Google
Loading...
TRENDING NOW